[poem=font="Simplified Arabic,4,black,bold,normal" bkcolor="transparent" bkimage="backgrounds/23.gif" border="ridge,thick,black" type=4 line=0 align=center use=ex num="0,black"]
حياة اليوم ما أبيها ولانـي يـا عـرب شفقـان=أنا عاشق حياة البدو والبدوان مـن ساسـي
يا ليت أقضي ربيع العمر بين النوق والحيـران =مع البدوان أحب أقضي حياتي والفظ انفاسـي
وأحب أتبع قطيع الزمل يـوم تسـرح القطعـان =وأحب الثوب يوم يصير يابس من عرق رأسي
وأحب أمشي وأحب أمرح وأحب الورد بالريضان =وأحب أذكر زمان راح وقلبي ما بعـد ناسـي
وأحب أمشي ولو حافي وأحب ارقى على الضلعان =وشوف الروض متفتح وبيت الشعر به راسي
وأحب الفجر عند الصبح وأسمع لجـة الرعيـان =صباح الخير يادنيا ونـا كفـي علـى فاسـي
وأحب الماء بالقلبان إذا حسيـت أنـا عطشـان =وأحب الدلو من ينزل أشوفه ينجلـي ياسـي
سراج البيت يجريني إذا علـق علـى العمـدان =يجيب الساري بليله إذا صار الهـوى قاسـي

اخوكم المخلصـ[/poem]

__________________