[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياقلبي ياللي فراق الزين سبـب لـه
جـرح" وهـم" وهاجـوس" معذبنـي
من بعد فرقا حبيب" كنت مـن قبلـه
مرتاح سالي ولا بـه شـي يتعبنـي
لكن من عقب ما شفته يسـوق ابلـه
ووقف على الدرب كنه بس يرقبنـي
سلمت ثم قلت اثر فـي دارنـا قبلـه
ثـم لـد لـي قـال بالله لاتعذربنـي
قلت القمر كيف يالمجمـول اعذربلـه
يمكن لو آعذربـه ربـي يحاسبنـي
لكن يامسلـم استقبـل بـي القبلـه
الموت اظنه نوى ذا اليـوم ينهبنـي
قالت ترى الصيف توه مانـزل وبلـه
ان كان ظميـان قـم بالله واشربنـي
وان كان قصدك يجيك الموت من خبله
لا شفتني في طريقـك رح وجنبنـي
قلت المطر فالسما والنفـس منهبلـه
من عينك اللـي تهددنـي وترعبنـي
لا شفت زولك حلفت ان آتجنـب لـه
ولا جيت باصد رمش العين يجذبنـي
رميتنـي يالغضـي نبلـه ورا نبلـه
حتى تمكنت يالمجمـول مـن غبنـي[/poem]