[poem=font="Simplified Arabic,4,black,bold,italic" bkcolor="transparent" bkimage="backgrounds/1.gif" border="none,4,gray" type=1 line=0 align=center use=ex num="0,black"]
قالو أدخل سوق الاسهم ترى الارزاق فيه= كل بنكٍ فاتحٍ سوق بيع ومشترا
كلها لأجل المواطن وتخفيفٍ عليه = علـّمو محدودي الدخل واللي مادرا
قلت يالله باب رزق وهذا اللي نبيه = ستر حال ومثلها ماندوّر للثرا
رحت وإلى الناس زحمه وعابسة الوجيه = والمصايح والمطايح وياطول السرا
هُب ياذا البنك جعل العوادي ماتجيه = لا خلص لــّّول ولا فيه أمل للي ورا
مير كبـّه يابن شايع ورح للي يليه = قد يكون الوضع طيّب والامر ميسّرا
رحت والله لايعيده مراح يالنبيه = جيت منّه حافي والضلوع مكسرا
الدراهم عندهم والبضاعه هيه هيه = شاشةٍ تطلع وتنزل بين أخضر وأحمرا
كل ما وصّو طمرت أشتري من غير ليه = أحسب إن الربح مضمون والعايد جرا
وأثرني مثل المطبح ولا سمّي عليه = راح به ضعف الفرامل معَ طلعة كرا
عقب ماكنت أحَلـَم بالريال وبالجنيه = صرت أنا والهم والدين والفقر خشرا
والسبب شلّة هوامير مافيهم نزيه = من جشع وأطماع والسوق حاميه ابترا
يوم قرر ماتحمل عواقبها البليه = أنكفى والسوق ينهار ماكنّه يرا
والمصيبه عمّت الشعب وأسقط في يديه= مفلس ومحتار كلٍ يبي رد البرا
شرهة الشعب السعودي على من يحتميه = في نهار الضيق ننصا الاسود الكُسّرا
غير عبدالله وسلطان من نلجا إليه = بعد ربي مالنا غيرهم سدّ وذرا
من نصاهم حزّة العسر يبشر بسعديه= فزعةٍ تمنع ويسمع بها كل الورا
ياملك شبه الجزيره نبي رأيك نبيه = حلّها عندك وبإيد وبامرك يظهرا
وأنتو أهل الحق والعدل والرأي الوجيه = تحفظون أموال وحقوق ضعفا وفقرا[/poem]

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]
حنّا زهير أهل الوفا وأهل الكرم = وأهل المواقف فزعة المضهود
الضيف يلقى عندنا طيب وشحم = وأما المعادي سلّة وبارود
تاريخنا من قبل رفراف العلم = عــزٍ عباد الله عليه شهود [/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بعض العرب معاد نسمع خبرها =مدري حيا ولّى مع الميتيني

ناسٍ تغيب سنين محدٍ ذكرها= وناسٍ تغاب أيام كنها سنيني

[/poem]

الاخ عبدالله بن شايع القحطاني

صح لسانك وبيض الله وجهك

وانا اشهد إنك عنزتها على رجال لاوصلهم العلم انتهى والباقي على الله


شرفني المرور ولك تحياااااتي

الاخ العزيز والغالي والشهم/ عبدالله بن شايع الزهيري


ارحب ملايين ارحب ملايين يابو شايع وبيض الله وجهك ووجه السامعين على هذه القصيده الطيبه والمعبره عن نفسها ...

كما ان هذه الاسهم اشاهدها مدحدره مثل السياره الي بدون فرامل وعسى الله يستر يابو شايع والله ان فيه اناس كما ذكرت مستلفين وماخذين قروض وان الراتب مايلحق الراتب لاكن العين والنظر في صقر العروبة أبو متعب حفظة الله ورعاه والامل فيه مايخيب ان شاء الله وهو من كل خير قريب ....

ــــــــــــــــــــــــــــــــــــــــــــــــــ ــــ

والمال مال ربي هو الي عطانا وهو الي ياخذه

وعسى الله يعوضنا خير منه جنه عرضها السموات والارض

ـــــــــــــــــــــــــــــــ

تقبل تحيات اخوك

أبو صقر الزهيري

__________________

بيض الله وجهك يابو شايع
على القصيدة الرائعة فعلاً
وأنت بهذا العمل عبرت عن كثير من المكلومين الذين لا حول لهم ولا قوة بعد ذهاب أموالهم عنوة
والأمل بالله سبحانة ثم في أبو متعب أن ينتشل السوق ويرجع الأمل للضعفاء والمساكين.

وياليت أن يكون كلاً منا يحمل هم إخوانة المسلمين كما فعلت يابو شايع



وشكراً لك...................

صح الله لسانك وسلمت يالذيب



الحقيقه يابو شايع ان العلم ورّم وانتفخ

والسوق علومه مدبره لكن على الله حال بدل حال

الله يرفع البلا عن المسلمين والله ان الناس مسها الضيم وانها بدت تحك في العظم


ولكن العاقل يعرف ان الخسارة خسارة الدين الله يحفظ علينا دينا


اشكرك يابو شايع على القصيد الذرب ولا هنت

صح لسانك يابو شايع



ولاهنت



قصيدك وافي وانت وافي

__________________
[frame="7 80"]سبحان الله وبحمده سبحان الله العظيم[/frame]

صح السانك يا ابو شايع


قصيده وافيه من وافي


والله يعوض المتعلقين بالاسهم

صح لسااااااااااااااااااانك



وعلا شاااااااااااااااااااااانك



وسلم بناااااااااااااااااااااانك


وكثر الله خيرك

قصيدة وافية من شاعر وافي


ونسال الله للذين خسروا ان يعوضهم ربي المنان

__________________
« اللهم كما أحسنت خَلقي فحسن خُلقي »

بسم الله الرحمن الرحيم



صح لسانك يابن شايع



كفيت ووفيت


والله يكفي شر المسلمين من سوق الاسهم


يعطيك العافيه

صح لسانك يابوشايع

مبدع اينما تكون

لاعدمتك