الموت حق وكل الاحيا يموتون
ولا لنا من حكم ربي مجانيب
الا فجيعة مثل قبلان تكفون
فجيعة فينا وعند الاجانيب
شيخٍ على كسب النواميس مفتون
سجيّته في الطيب ذبّ المراقيب
يا ما وقف من دون داين ومديون
وقفات قبلانٍ تفكّ المطاليب
تبكي الغضاة وكل قحطان يبكون
في فقد شيخٍ من كبار المناصيب
ويبكيه صفٍ والمشاييخ يثنون
في طلبةٍ عسرة يفك المناشيب
ويبكيه ضيفٍ سايقه هم وغبون
في مجلس ابن جديع يلقا الاشابيب
مقدم هل الفزعات والناس يدرون
آلاد ابن جاري هل الفعل والطيب
يالله عسى قبره بساتين وعيون
في جنة الفردوس يجني الاطاييب
الشاعر / سعد بن محمد بن خاطر

__________________

الله يرحمه ويغفر له بو بـــــجاد مافيه عوض الا من ربي حعل بركته في من بقى

وصح الــــــــسان الشاعر

صح لسانك يابوفيصل انت شاعر مواقف منت شاعر منابر ياكحلان

__________________

الله يرحم الشيخ قبلان رحمة تبرد عليه في قبره

صح لسان القايل والناقل