بسم الله الرحمن الرحيم
هذه القصيدة ألقيت في حفل زواج عايض بن محمد بن عدوه القحطاني
إهداء لمحمد بن مسفر بن عدوه وأبناؤه الكرام

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num=",black""]
القصيد أحشَّمه وأكرم سباله=وأتهيض به ليا من صرت ناوي
والشعر عارف هماجه من زلاله=وإن وردت آرد على العد الرهاوي
ولا دعا داعيه أنا ما أرضى بداله=والله إني له مثل وصف المهاوي
واتنقى في نوادره وجزاله=وأحمد الله في حبكته ما اني بغاوي
وابن عدوه بعد بعد ما جاني اتصاله=قلت له يا صاحبي ذا اللي ضاوي
حفلكم حفلٍ لزوم إنا نعنى له= ولا تحيرنا معاذير وملاوي
واجب الأصحاب يلزم لا محاله= ولا يخلي واجبه كود الدناوي
لو حفلكم من ورا ترج وتباله=با تعنى له ولوني فالصداوي
حفلكم حفلٍ لنا يا أهل الجماله=وليلكم ليلٍ له الخفاق ياوي
فيا سلامي عد مالمزن وخياله= وعد ما نجمٍ ظهر نوره سماوي
وعد من هو داعي المولى وساله=طالبٍ ربه يجيب له المناوي
فيا سلام الله على رجال الشكاله=الرجال اللي لهم قلبي شفاوي
أهل كلمة " أرحبوا " طيب وسهاله=والجناب الطيب الرحب السخاوي
وأهل البن المقند في دلاله=فدلة الرسلان أو صنع الحساوي
ذاك فال الضيف من بعده عقاله=حيلٍ سمانٍ قبلها عود جاوي
بشروا اللي قاعد يحسب رياله=والله إن ذولا مربحت الشواوي
ذاك أبو سالم وفي صفه عياله=كل منهم كنه الحر النداوي
من سلاله حي هاذيك السلاله=عزوةٍ تعرف ليا جات العزاوي
عزة آل خميسه عز وجزاله=رجلهم دايم على الأمجاد حاوي
للخوي يرخص ويتفدى بماله=انصهم ياللي تدوي لكم مخاوي
وخصمهم وقت الجهل عزي لحاله=وان تصَّوب ما يفيد به المدواي
جحدريٍ لا ارتكى للحمل شاله=وآل سعد ربعه مزبنة الجلاوي
من بني قحطان من ساس الأصاله=وانشد التاريخ وش قال الخلاوي
ولا أنقص الأجواد كلٍ له فعاله=حكمةٍ من قبل فجحان الفراوي
قال فيهم يوم أهوه ورد مقاله=شاعرٍ لا من قلط ما هو سحاوي
وكل دارٍ تفخر بخيرة رجاله=من هل الردة محكمة الدعاوي
قالها من هجسه ومن هيض باله=والقبايل تظهر بوقت النخاوي
خالدي ومعربٍ جده وخاله=فاللوازم شبهلم فوق الهقاوي[/poem]

نظم
بندر بن عبدالله بن مانع العقيلي الخالدي

ارجو من المشرف على القسم تنظيم القصيده وشكرا

صح لسانك ولسان الشاعر

تم التنسيق ...

__________________

صح لسانه شاعر جزل .. ويستاهلون المدح ..

يستاهلون المدح والخالدي بيض الله وجهه وصح الله لسانه

__________________