يسعد صباح ومساء من زانت علومه
بك يا سعيد المسمى قرم الاولادي
شيخـ(ن) تعلى سنام المجد بعزومه
قدهو على كسبت الطولات معتادي
راعي يمين بفعل الطيب موسومه
ملامح الخير شفها بوجهه البادي
لو مامدحته بيوت الشعر مظلومه
يزهى بيوت الشعر من كل قصادي
له سيرة عن دروب العيب معصومه
من لابه فعلها تاريخ وامجادي
الطيب والمرجله دروبها يهومه
شيل الصعيبات عنده دايمـ(ن) عادي
مطنوخ راس وكف الجود مخرومه
متلآف مال يكبه ماله اعداي
يآ فزعه آلي نصاه يكابد همومه
آنشهد انه نصآ ماعنه عنه نشادي
ولي مدح طيب الجدان مآ الومه
موآقفه تنمدح اقدام واجدادي
يدوم عزك وآعداك يا سعيد مهزومه
اسلم وسلم وجعل ايامك اعيادي


سعد ابن عيران القريني

بيض الله وجهك يا سعد القريني على هذي الجزله

__________________

ارحب ياسعد وبيض الله وجهك على هذي القصيده وصح

لسانك ولا عدمناك وأبو مسفر يستاهل العلم الغانم

ويستاهل المدح وجه ولد الحارث

لاتحرمنا جديدك

تقبل ودي وتقديري

__________________

بيض الله وجهك

بيض الله وجهك ولا هنت

__________________
سبحانك اللهم وبحمد اشهد الاإلة الاأنت استغفرك وأتوب اليك