السلام عليكم ورحمه الله


عندما لايستطيع الشخص التعبير عن مشاعره . . يكون للشعر كلمة معبره . . وهذه الأبيات المتواضعه . . أإأهـــدأأأء لرفيق الدرب الأخ : بندر بن مرعي البشري القحطاني صديق الغربه في كندا



لاحت بروق الصيف ياقحطانـي
فـي ديـرة الغـرب الخلاويـه

وأمسيت أقلب ضيقتي وحدانـي
الصدر ضايق والمشاعر حيـه

يابندر البشري زبـون الجانـي
ياسيفي الساطي نهـار الهيـه

مشتاق للرجعه علـى شيبانـي
مليت من شعـب تزايـد غيـه

أبغا ديـارن تكـرم الضيفانـي
بالحيل تلقـى جمعـة الطرقيـه

دار حكمهـا خيـرة الشجعانـي
بالسيف الأملح دايمـا محميـه

يابندر أوصف لي دوا الشفقاني
الـي تغـرب حالتـه مرثـيـه

قد له ثمان شهور من شعبانـي
دمعه كريـم وعبرتـه مكنيـه

لا ألفى عليـه الليـل ياذيبانـي
كثرت علـى صـدره طواريـه

وإن رحت يابندر ترا الأعيانـي
بتهـل دمـع سايـل واديــه

فيالله يالـي تسقـي القيعانـي
من صـادق حقـوق جنوبيـه

تفرج لقلـب عاشـق ولهانـي
عشقه لدهـن العـود والبريـه

في كلقري ماصادفـه شيخانـي
والحزن فـي وجهـه مواريـه

هـذا ذليـل فاللقـا مابـانـي
وهذا سعـودي جدتـه جاويـه

من غير ما أنسى خيرة العرباني
أهل الوفـا والشعـر والقافيـه

ناس تبين اليا أعتزا القومانـي
بسيوف حـق صنعهـا هنديـه

تمت وصلى الله عظيم الشانـي
علـي نـبي الحـق والحـريه


شعر
نايف بن زايد آل سالم

__________________

ارحب ياسعد

وبيض الله وجهك على النقل

وصح لسان نايف بن زايد آل سالم

وأسندها على البشري والبشري كفو

ننتظر الجديد

تحياتي

__________________

صح لساانك لاهنت دايم الغربه هواجيس

مشكووور

__________________
غنيت ما قصدي طرب في حياتي لاشك من دورات الايام غنيت
يالله ياللي تعلم الخافيـــــــــاتي انك تمشـيها على ما تمنيت