السلام عليكم

في مصفاة راس تنورة فاز احد معامل التكرير بجائزة السلامة .... حيث حققوا مليون ساعة عمل بدون خسائر ...

المهم ادارة الشركة حبت تكرم الموظفين ... قاموا وزعوا عليهم مكانس كهربائية







وهذا ما قاله احد المشغلين في الهدية





[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
جاني زميل لي يزف التباشير=من فرحته قام يتلعثم كلامه

قال البشاره قلت تستاهل الخير=قال ابشرك فزنا بكاس السلامه

ولكل فايز شهاده وتقدير=وهدية لأجله تليق بمقامه

وجات الهدايا وقفونا طوابير=وكلآ يوقع قبل وقت استلامه

قلنا اكيد العلم مافيه تفسير=هديه من نوع غالي الفخامه

البعض منا من الفرح وده يطير=لو كان يملك مثل ريش الحمامه

وعقب استلامة صار للوجه تغير=وبانت على وجهه رموز الندامه

اثر الهديه مكنسه جات تصدير=من اسوء التصنيع شغل وخامه

البعض ناقص والبعض فيه تكسير=لولا الكتابه قلت صنع المنامه

وعلى غلاف المكنسه فيه تصوير=خدامه تكنس عليها علامه

ان الهديه تنفرض تنعطا الغير=لبنات حوى مثل حصه وشامه

ماهي هديه رجل يعمل بتكرير=رجلآ مثابر مخلص في دوامه

ولاهي جزاة اهل العيون المساهير=من تشتغل في ليلها ما تنامه

تطبق السيفتي بكل الحذافير=الكل يعمل والسلامه امامه

وارجو السموحة كان في الوصف تقصير=من شاعرمايبغي يكثر كلامه[/poem]






بعض الجوائز عدمها افضل بكثير من تقديمها

الله لا يكثر خيرهم ولا يجمل حالهم ليتهم خلوها خطابات شكر وتقدير

لكن لا تعليق هذي هي حال شركاتنا ومؤسساتنا . صدقني لو انه اجنبي كان تشوف الهدايا

تنهال عليه من كل حدب وصوب وكان هالمكنسه عطوها زوجته ضمن مجموعة بعض الهدايا لها لكن

ابن البلد ماله الا لطمة الخشم ومن قبلها كسر خواطر . بس من جد القصيده روووعه وفي محلها

__________________

لو تركوهم بدون تقدير وأعطوه خطاب شكر كان أحسن وأستر لهم

من الجميل يابو عصام نقد مثل هذه التصرفات الغبية

__________________

مرحبا ترليون يابو عصام ..

بس هذه المكنسة ماهي مثل أي مكنسة هذي قيمتها على 13 الف ريال ..

__________________

تحطيم قوي ..

والله لو عطوهم شهادة شكر وتقدير كان أزين من ذي المكانس ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

ونعم وأبيض وجه



ونعم صح لسانك


ونعم ياسعد

والله لو قيمتها أكثر وأكثر وهي بالآخر مكنسة ....!!!!. إنها إهناة أكثر منك تكريم .

====================================


ونعم يابو عصام


أخوي ماجد أنت مثل العلاج وأنا نحتاج ..!!. من أكون .؟.؟.؟.



نقل . موفق . وقوي . وصائب . .



لك الشكر والإحترام وبارك الله فيك .



آخر سطر من رد ابن دغيم .. كلمة وافية ....



ابن البلد ماله الا لطمة الخشم ومن قبلها كسر خواطر . بس من جد القصيده روووعه وفي محلها



فيكم الخير جميع وبارك الله لنا بكم .



مشكوووووووووررررررررر يابو عصام .





تقبلوا تقديري وحكاي والسلام



.

يا الشواااطي الله لا يهينك عطنا سبب ارتفاع سعر هالمكنسه يمكن نعذرهم

__________________

وتكريم الشركة للمسؤلين تذاكر سفر على الدرجة الاولى الى ماوراء البحار

هلا ابو عصام


عادة جائزة اي توفير مالي تكون مبلغ مالي بحيث لا يتجاوز 20 الف


واذا مو مالي يعطونهم شهادة وهدية رمزيه



بس والله المكنسة حركة


اول مرة اشوف هالشكل



لو تعرف احد منهم بيبع تراني بشتري



بس عز الله القصيدة في محلها


لاهنت يابو عصام


ويسعد لنا هالطله يالغالي

__________________



اللهم أرحم والدتي ..وأجعل قبرها روضه من رياض الجنه..واسكنها جناتك