[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
الرفيق العيّ ولّى الضحوك المرتخي = ودّي إن بيني وبينه جبال من رماد
جعل راس للنواميس ماهو بينتخي =تنطحه بين الحجاجين حامية الزناد
كم بعيد من لجانيب عندي مثل أخي = بالوفاء والطيب ومجمّله رب العباد
الشجاعه والمواقيف والمدّ السخي = والجناب السمح والعرف والعقل الرشاد
وكم قريب بين جمع الربوع منوّخي =في السعه يقدح وفي الضيق يجنح للبراد
لاصفى جوّه عسل لي الكلام وصوّخي = وإن تكدر ضيّع الحلم كله والركاد
والحياة دروس والشعر فيه يورخي = كل فعلٍ نادرٍ للعرب من عصر عاد
في البشر صاحين روس وفيه مصمّخي =والحقيقه مانعنّز على غير السْناد
أه ياللي صممه محترف ومخمخي=طوّره في مصنعه لين عداه المزاد
وردوه وصار بالميّزات مجوّخي =في المواتر شيخ شمل المديلات الجداد
رنج روفر لامشى في الطريق مصيّخي =رزّته هيبه وفي ركزته حرٍّ هداد
أنحر اللي لاذِكر في الشيوخ مطنّخي =أرتقا فوق الطناخه وعدّاها وزاد
بوسكيته وأرتقي يابيوتي وأشمخي =للشجاع النادر اللي كما نجمٍ هجاد
مايزين المدح في غير شيخ منتخي = بالفعول الوافيه والرجوله والسداد
والضفر والعز وعلوم طيب ترسخي =في العقول اللي تميّز بياضٍ من سواد
والله إني مانصيته وعزمي مرتخي =غير حاديني على القرم جرح في الفواد
ابو طلال أعتز به وأفتخر به وأبذخي = مثل ماتفخر به زهير مروين الحداد
ومثل ماتفخر عبيده بذكر الشمّخي =وقحـطان اللي تنوُمس بذكره يوم أجاد
درع جنبي مجلسه لي وصدري تختخي=لو علت بعض النواقيس ظن واعتقاد
لجل عينه ماتردد حصان الفرسخي = إحترام وقدر والله عليه الإعتماد
وإن توارا ضيق بال وحظ يزلخي =فالنوايب والمهمات مايقضي المراد
لاتلوم اللي وحيد وزمانه ينذخي=بالنشاما يابيض الوجه تنكيد وعناد
والوكايد عوقة الطير لاجا يكفخي =من عضوده والجناحين مامنها نجاد
ياوجودي ليت دمّ العروق مضمّخي =من دم اللي يعشقون المسامه والشداد
وأنت عندي مثل شوفي وراسي يطنخي =دون ربعي لابدا للمناعير إجتلاد
حقهم واجب علي وأقطع الحبل الرخي = والسلام ختام والعذر لاخطا الاجتهاد[/poem]

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]
حنّا زهير أهل الوفا وأهل الكرم = وأهل المواقف فزعة المضهود
الضيف يلقى عندنا طيب وشحم = وأما المعادي سلّة وبارود
تاريخنا من قبل رفراف العلم = عــزٍ عباد الله عليه شهود [/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بعض العرب معاد نسمع خبرها =مدري حيا ولّى مع الميتيني

ناسٍ تغيب سنين محدٍ ذكرها= وناسٍ تغاب أيام كنها سنيني

[/poem]

الشاعر عبدالله بن شايع صح بدنك ويستاهل الممدوح بيض الله وجهك على الجزاله , تحياتي

صح لسان الشاعر ولا هنت يا عبدالله

__________________

السلام عليكم ورحمة الله وبركاته
بيض الله وجهك بياض الشحم على القصيدة الاكثر من رائعة


وصح لسانك وعلى شانك


وننتظر جديدك يابو شايع

عليكم السلام ورحمة الله وبركاته ..

واللهم صلي على النبي ..

اررررررررررررحب يا عبدالله تراحيب الحيا وبيض الله وجهك وصح الله السانك مدد بلا عدد ..

قصيده وافيه من وافي وفي وافي ..

شيخ رفع روس ربعه وروس قبايله ونفخر به والشاهد الله ..

تقبل مروري يا الزهيري ..

__________________

ارحب يابو شايع

الحقيقه ان قبيله زهير تعز علينا وعلى كل رجل يقدر الرجال وابو طلال تكسيه البيض عند بني عمه زهير ويستاهل شيخه ربعه وهم يستاهلون شيخ بقامته وكرمه وعلومه الي تبيض وجهه عندهم تجينا ونثني على الجيد ولو ماحنا نعرفه

بيض الله وجهك على القصيده الجزله والقويه ويستاهل شيخك المدح من القروم شرواك يابو شايع

أررررحب يابو شايع والله يحييك

صح لسانك وبيض الله وجهك قصيدة جزلة وأنت جزل ويستاهل أبو طلال كل خير

تقبل مروري وإعجابي بطرحك...

__________________


والله إنه صادق

أرحب يا بو شايع ..

صح الله لسانك واعتلى شانك ..

قصيدة جزلة ووافية ..

ونعم بالمادح والممدوح ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

.
وعليكم السلام ورحمة الله وبركاته


اللهم صلي على نبينا محمد صلاة دائمة . وسلم عليه تسليمآ كثيرآ .




ونعم ياعبدالله بن شايع الزهيري


كفؤ . كفؤ . كفؤ.


كفؤ بعبدالله بن شايع .

أخ عزيز .



كفؤ يأبو طلال .

شيخ وراعي علم غانم .



كفؤ بالقصيدة .



صح لسانك وبيض الله وجهك ولاهنت وجمل الله حالك .


ما يجي الكلام الذرب إلا من الرجال اللي تقدر الرجال وتعطيها حقها الوافي .


وأنتوا يآل علي بن هادي خطكم وافي وماقصرتوا . ومقامكم مشرف في كل مكان . هنا . وفي جدة وفي


الشرقية وفي الديرة . وفي الرياض وفي كل مكان . وافين ولا يجي من الوافين إلا الوفاء .


وأبوطلال يستحق الذكر الطيب من طيبه ووقفاته مع ربعه . واللي يسمع بها القاصي قبل الداني .



أبيض وجه ولاهنت ومشكوور على هذه الدرر التي لا يجيدها إلا مثلك ويستحقها أبو طلا ل.


عساكم جميعآ سلوم وفي خير وعافية .



تقبلوا تقديري وحكاي والسلام




.

صح لسانك يا ابو شايع لاهنت

__________________