الالف :ابي فلوس بروح معزومة على شاى ضحى

الباء :بكره ابيك توديني لبيت اهلي عندهم عزيمة

التاء :ترى اليوم انا ماني مسويه عشاء روح للمطعم جيب عشاء

الثاء :ثلاث اسابيع ما طلعنا للملاهي يالله ودنا اليوم

الجيم :جيب خدامه تساعدني بشغل البيت.........(والبيت نص شقة) قهر

الحاء :حبيبى..ودى بساعة شوبا رد ,مليت من ساعتي الاوميغا(شوفوا النفاق..توها تذكرت هالاسم)

الخاء :خل الشله اليوم..انا عازمتك نتعشى بره, بس على حسابك

الدال :دور لنا فله على 3 شوارع وفيها سرداب (الراتب 3000 ريال من وين ياحسرة)

الذال :ذيك السنة (قبل 10 سنوات) قلت لك اشتر لنا سيارة فان اوسع وما شريت

الراء :روح قدم على اجازة خلنا نسافر لاوروبا ,,اووف حر

الزاء :زيد مصروف البيت هذا ما يكفي اغراض البيت (ومعظم البيات عليها وعلى خرابيطها)

السين :سجاد البيت صار قديم ....غيره يا اخي (السجاد ما كمل له سنتين)

الشين :شيل ولدك شوفه يصيح هناك,انا تعبت من العيال..

الصاد :صفف الملابس هناك منثرة,مليت وانا القط وراك

الضاد :ضبط اوضاعك..ترى كبرت المسؤولية..(توها والدة)

الطاء :طالع السيارة سكراب تفشل قديمة, نبي شبح

الظاء : الظاهر انك ما تحبنى..ليش ما شريت لى العقد الالماس اللى بغيته!(حب بالالماس بس)

العين :عيوني..اليوم شفت فستان عند زوجة اخوي يجنن خاطري بواحد مثله

الغين :غير يا اخي اسلوبك معاي...كله برود

الفاء :فديتك حبيبي وين تبينا نسافر هالصيف؟

القاف :قدر يا اخي شوي...كل شغل البيت على راسي...تكرم وساعدني شوي

الكاف :كفاية ملينا من هالبيت متى راح تسوى لنا بيت اكبر من هذا

اللام :ليمتى بنتم محبوسين في هالبيت لا نطلع مثل الخلق ولا غيره

الميم :متى بتوديني لبنان مثل ما وعدتني قبل؟؟؟؟

النون :نبى نحجز شاليه شرم الشيخ طول الصيف ..لا تنسى!

الهاء :ها عاد..ترى اروح بيت اهلى! اذا مو قد الزواج وتكاليفه ليش تخطبنى؟؟

الواو :ورني شطارتك رح عند اخوك خذ منه الورث( راعية مشاكل)

الياء :يالله ايدك على 2000ريال رضاوة..لانك زعلتني وكسرت خاطري طبعا

حلوووة ...

بس ترى الحريم مسيكينات لزوم ترضيهم

لانه لو زعلوا علينا ... نصير ما نسوى قرش ... من استراحة لاستراحة ... ثم سيده للبحرين

و كذلك طلبات الرجال ما تنتهي على لسان الحريم ...

أطبخي أغسلي أكنسي ... نومي البزران بدري ...

والله داويتهم كثيره

الله يعين عليهم

__________________

ههههههههههههههههههههههه


وبعضهم عندهم الحروف مكررة


يعني اكثر من طلب في حرف واحد


اي والله ما اكثر طلباتهم


بس الأخيرة اللي تبي رضوة 2000 ريال...وجهها قوي وتتشرط كيف يرضيها


بدل 2000 ريال ....عطها كاس مويه وقلها اشربي ماء لين ترضين



لاهنت اخوي الحر السعدي


رائع في حضورك

ومتميزك في مواضيعك


سجلني متابع لجديدك دوما


تحياتي وتقديري لشخصك الكريم اخوي الحر السعدي


وفقك الله يالغالي

__________________



اللهم أرحم والدتي ..وأجعل قبرها روضه من رياض الجنه..واسكنها جناتك

ههههههههههههه

النسوان طلبتاهم واجد ..

لاهنت الله يعطيك العافيه

تــحــيــاتــي

__________________

خخخخخخخخخخخخخخخخخخخخخخخخخخخخخخخخخخخخخخ

لا وصافتها الاخت كل حرف وجمبه الطلب ،،، حلال يامن يصكها في الجدار ويروح قال ايش قال رضوة

حريم آخر زمن .....