[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
على مراقيب الزحول الزحازيح = هلت على فرقى الولايــــــف دموعي
دمع الغلا ماهو بدمع التماسيح = اصخيت به وانا صبـــــــــور جزوعي
ذبحتني وانا بعيــــــد المشاويح = وبينت ماكنيت غصـــــــــب وطوعي
الروس ترقى والروابع مشافيح = وانا طبــــــــــوع الحـــــر كنها طبوعي
يكفي عذاب وضيق خاطر وتجريح = زود على ذا الحال عادك قطوعي
قلبي وحش ورموش عينك ملاويح = خــــطر على قلبي يمزع ظلوعي
ويشمت اصحاب العصي والمسابيح = اللي تجي من كل شكل ونـوعي
البارحه مرت وانا آون وآصيح = تســـــمع تنــــــهاتي على راس كوعي
نبض جذب نبض القلوب المجاريح = شوقي سيوفه والمحبـــــه دروعي
خذيت انا وياه ضربات ترجيح = قاومت والهقوات تخــطي سنوعي
آطيح ثم آقوم وآقوم وآطيح = ولاقدرت انـــــسى خـــــيال يروعي
حتى لو أنصى قاني الفطر الفيح = ابغى اتونس في مجــــــــالس ربوعي
شفتك تسابقني على هبة الريح = تشرب فناجــــــــيلي وتنثر قدوعي
واقلب(ن)ايخيل النجوم المدابيح =والضغط عنده في نزول وطلوعي
ارسل وصاتي فوق خطافة الريح = شقرى مع شيخ يفـــــج الجموعي
من سلسلة خيل العطاوي شليويح = ولها مع يام حوالي ســــــبوعي
هوت مرابط خيل يام بترويح = وفاقت على قب المهار الــــــفزوعي
هذي تليق بمحتوى الخط وتزيح = هم يهوش بحد ســـــيف بتــــوعي
مضمونها لاماك يحتاج تصحيح = والخوف من فرقى بليا رجـــــــوعي
اما تعال وخالط الشيح بالشيح = في ليلة ترضي طمــــوح القنوعي
والا اشتر الاكفان واطف المصابيح=وغسل بقابا جثتي من دموعي
واخذ الوصاه ورد خطافت الريح=(موتت عزيز ولا حيات الخظوعي)[/poem]

__________________



[frame="9 80"]لد لي بالطرف تكفى يالغزال الجافل=الصبر خلُص وصبري ياغناتي خلُص
كل ماطروك ارحب بك لو اني غافل= ارحبي ثم ارحبي ترحيبة ((آل مخلص))[/frame]

شفتك تسابقني على هبـة الريـح --------------------------------------------------تشرب فناجيلـي وتنثـر قدوعـي

الله الله


ارحب يامحلف


ماهي غريبه عليك جزالة الشعر فانت من روس يام

تقبل مروري

لاهنت

__________________
التوقيع تحت الصيانه

صح لسااانكـ

جزل ولا يستغرب عليك هذا الإبداع


جمال شعري وصور شعرية راقية


صح الله لسانك


اخوك

__________________



ممصمنا المبدع
تركي العلياني
ألف شكر لك

صح لسانك

بيض الله وجهك



لاهنت


يعطيك العافيه



تحياتي

__________________

صح لسانك

تعرف رايي فيك يافلاح


جعلني مااعدمك ياوجه محلف تواصلك معنا شرف

__________________

لسماع قصائد الشاعر : سعيد بن مانع
اضغط هنا

قلبي وحش ورموش عينك ملاويح
خطر على قلبي يمـزع ظلوعـي


ونعم يا فلاح
وصح الله لسانك و بيض الله وجهك
تقبل تحياتي و تقديري

__________________

صح لسانك


وبيض الله وجهك


مودتي