بسم الله الرحمن الرحيم
السلام عليكم ورحمه الله وبركاته

بعد غياب عدنا ..

كان فيه واحد " على نياته " ..

جرّب يستثمر أمواله !

وكان عنده ببغاء يتكلم ..

مشكلة الببغاء .. إنه كل ما شاف راعيه قال له : ياغبي .. وكل ماجاء يقول جاء الغبي ..واذا راح قال : راح الغبي ! ..

راعيه ضاق صدره .. وقرر ياخذ الببغاء لمدرب الطيور علشان يعدّله ..

: يا مدرب الطيور ....

شف لك صرفة مع هذا الببغاء ...

كل ما شافني فشلني عند الناس " غبي ، غبي " !

أبيك تدربه زين وتعدّل كلامه ..

علشان يغيّر هالكلمات الي يرددها كل ما شافني

قال المدرب : ما عليك .. خلّه عندي كم يوم ..

ولما راح راعيه .. جاب المدرب " سطل " مويه حاااارة ...

وحطه قدامه ... وسأل الببغاء ..

: أنا مين ؟ !

قال الببغاء : أنت صديق الغبي ! ..

وينزله المدرب في المويه الحاااره ثم يطلّعه .. ويسأله ...

: أنا مين ؟

قال : أنت صديق الغبي ..

وينزله في الموية مرة ثانية .. ثم يطلعه ...

: أنا مين ؟

.. وعلى هالحال .. حتى تربى الببغاء وتسنّع ..

أخيرا .... قال له المدرب ...

: أنا مين ؟ !

قال الببغاء : أنت صديق أذكى واحد في العالم ..

ويوم جا راعي الببغاء .. قال المدرب : تفضل اسأله ..

قال راعي الببغاء .. : أنا مين ؟!

قال الببغاء : أنت مين ؟! وهذا سؤال !! ... أنت الذكي ....

إلا أنت أذكى واحد عرفته في حياتي !

قال له راعيه : .. طيّب ..

وإذا لعبت بفلوسي على كيفي ؟!

قال الببغاء : .. هذي فلوسك .. من عرق جبينك ..

تسوي فيها اللي تبي ..

قال : طيّب .. إذا دخّلت فلوسي عند " سابك" ؟ !

قال الببغاء : ممتاز .. حركة استثمارية في غاية الذكاء ....

ومن أذكى واحد في العالم ..

: طيّب ... وإذا دخلت فلوسي عند " بنك البلاد" ؟ ..

: طبيعي .. تنويع استثماري ... من أذكى واحد في العالم !

: طيّب ... وإذا دخلت فلوسي عند " الزراعية " ؟ ..

: ذكاء خارق ... وماشي مع الحكمة اللي تقول " لا تحط البيض

في سلة واحدة " ... فعلا أذكى واحد في العالم !

: طيّب ... وإذا دخلت فلوسي عند " الاتصالات" ؟ ..

: عادي ... وزي ما يقولون " حشر مع الناس عيد " ....

صحيح إنك أذكى واحد في العالم ..

: ... طيّب .. وإذا
دعمت نادي النصر؟؟!!

قال الببغاء : يا عمي هاااات الموية ! .....

قايلّك هذا أغبى واحد في العالم ماصدقتني !

بسم الله الرحمن الرحيم

دعواتكم لي بالتوفيق في دراستي ..

كان هنا ابن قوشع ..

__________________

حيا الله من جا .... وشلونك يا بن قوشع

ايش جاك على النصر ..؟؟

ارحب يابن قوشع

تعجبني فيك امانة النقل

لن النكتة اصلا على نادي النصر

لاهنت بيض الله وجهك

__________________

مالي في الرياضة

__________________

هههههههههههههههههههههههههههه


والله رهيبه اخوي ابن قوشع


ارحب وارحب وارحب عشرين مليون



ربي يسعدك والله يموت الواحد ولا ينقهر


ماتلوم البغبغاء في هالرجال



لاهنت يابن قوشع


نورت المجالس من جديد


ودائما انت مبدع عندما تحضر

ومتميز حين تختار


لاعدمناك يالغالي


في امان الله

__________________



اللهم أرحم والدتي ..وأجعل قبرها روضه من رياض الجنه..واسكنها جناتك

بسم الله الرحمن الرحيم

ابو عصام :

الله يحيك .. طيب طاب حالك ..

تخبر انا هلالي و متعصب بعد ..



سلامي عليك ..

__________________

بسم الله الرحمن الرحيم

ابن مهذل :

ارحبووووووووووووووووووووووووووووووووووا ..

يعني سيم سيم انا .. ولانت نفداك ..

ولاهنت على مرورك العطر ..

سلامي عليك ..

__________________

بسم الله الرحمن الرحيم

ابو عبدالله :



سلامي عليك ..

__________________

بسم الله الرحمن الرحيم

ابو عبدالله :

ارحبوووووووووووووووووووووووووووووووووووووووا ..

ابك ابقا مره ومره و عشرييييييييييين مليوووون مررررررررره ..

اللهم امين امين امين و اياك يا غالي ..

بغبغاء هزا قرقر كتير ..

ولانت نفدااك .. و النور نورك يا غالي ..

شهاده اعتز فيها والله ولاعدمنا هالمرور المعسول ..

ولاهنت على مرورك العطر ..

سلامي عليك ..

__________________

لاهنت يالذيب مثل ما قال ابو عصام وايش جاك على النصر

__________________