لمن يهمه الأمر للفائدة

منقووووول للأهمية

الغالبيه متوهق بقروض واقساط وبلاوي ما يعلمها الا الله
وهالاسهم كلت الاخضر واليابس واللي ما نبت للحين
اليوم بتكلم عن البطاقه اللي تاكل راتبك ومبلغها تافه وقسطها عالي <= وخسيسه وقليله ادب
بطاقه ائتمان أو كريدت كارد او فيزا او ماستر كارد او اميركان اكسبريس .. كلها اسماء لنفس البطاقه

هذا الايميل موجه لكل شخص يفكر ياخذ هالبطاقه أو عنده هالبطاقه
بحكم عملي السابق في احدى هذه الشركات ...

اولا : طريقه عمل البطاقه :-

يعطيك البنك بطاقه يكون فيها مبلغ من البنك .. مثلا 10 الف او اكثر ... ويسمح لك تستخدمه براحتك وتشتري فيه
اخر الشهر البنك يرسل لك الفاتوره او الكشف .. فيه كل المبالغ اللي انت استخدمتها.. ويطلب منك تسدد 5% بس!!
طيب وش مستفيد البنك ؟ يسلفك علشان سواد عيوونك ؟؟
لا يقول لك بياخذ عليك فوائد 2 – 2.5 % على المبلغ اللي انت استهلكته
طبعا علشان تكون في الصوره الفوائد ربا صريح !! والكل يعرف حكم آكل الرب

ثانيا :ضرر البطاقه:-

البطاقه ما احد يختلف عن حكمها دينيا !! علشان كذا ببين اضرارها الماديه
انت لما تدفع .2.5% بالشهر .. معناته انك تدفع30% سنويا !!
طبعا بالفوائد المركبه تكون تدفع اكثر لأنهم يسمحون لك تستخدم اللي انت سددته
طيب متى بخلص أسددهم وانتهي ؟؟

الجواب ما راح تخلص.. لأنك تسدد 5% وياخذون منها2.5% فوائد لهم !!
انت تسدد 500وهم ياخذون 250 فوائد لهم !!
وال250 اللي سددتها تستخدمها مره ثانيه
يعني اخر السنه تكون دفعت 3 الاف هديه لهم علشان يسلفونك 10الاف
وتكون ايضا اتخلصت من قسط شهري يشاركك براتبك
طبعا ضربت المثال على مبلغ بسيط 10 الاف ... مع ان فيه بطاقات كثير تتعدى هالمبلغ
على فكره ترا فيه رسوم ثانيه ما تكلمت عنها اللي هي اذا تعديت الحد او اذا ما سددت شهر او اذا سحبت منها كاش

ثالثا : انت متوهق بالبطاقه الحين.. كيف تتخلص منها :-

اول خطوه تجيب مقص !! وتقطع البطاقه!!لأنك كذا تكون وقفت الاستهلاك
ثانيا تجمع كل الكاش اللي حولك وتقتر على نفسك هذا الشهر ولو تقدر تسلف من اقاربك وسدد اكبر مبلغ تقدر عليه
هذا تصرف تسويه هالاسبوع .. قبل تنزل عليك فوائد

يعني لو عليها 10 الاف وقدرت تجمع 5 او 6الاف ... راح تكون قدرت تتخلص من جزء كبير من المشكله
واول ما ينزل راتبك الشهر اللي بعده .. تحاول تدفع كل اللي ما تحتاجه ضرووري فيها ...
ولو قدرت تسدد كل المبلغ الباقي يكون بركه ..او تسدد 2500 هالشهر ...
وتكمل 2500 مع الفوائد الشهر اللي بعده
التزم بالخطه وتكون تخلصت منها في 3 شهور !!
وبكذا تكون تخلصت من البطاقه نهائي

طيب لو بطاقتك عليها 20 او 30 الف ؟؟ ولا تقدر تدفعها كلها ؟
الحل انك تاخذ قرض عادي من البنك مدته سنتين بس ..ولو عندك قرض من اول حاول تجدده وتسدد البطاقه
مع اني ما انصح بتجديد القروض .. بس البطاقه ضررها اكبر بكثيييير

على فكره
القرض على سنتين فوائده 4% سنويا تقريبا مقارنه بالبطاقه اللي تاخذ 30% سنوي
وطبعا اذا خلصت البطاقه روح البنك والغيها وخذ ورقه مخالصه

وبكذا تكون ريحت بالك ووفرت فلوسك ..ال3 الاف اللي تدفعها فوائد روح مشي بها عيالك ..
وديهم للطايف خللهم ياكلون برشومي ويرجعون
ولا اشتري فيها شي لنفسك .. اتدلع ب3 الاف سنوي
اشتر هديه لأم العيال

رابعا : البطاقه ما استغني عنها.. تفك لي زنقات اخر الشهر :-

طيب يالغالي .. انت لما تخلص البطاقه وترتب امورك .. حط لك 5 الاف في حساب منفصل
سميه "توهيقه اخر الشهر”
واذا مررررره انزنقت اخر الشهر لو اسحب منه شوي ..واذا نزل الراتب علطول روح سدده كأنه بطاقه ورجعه 5الاف
او سدد 5% منه عالاقل
طبعا الاقساط بتكون اقل لأنك اذا سددت 5%راح تحسب لك كللها دفعه ما راح ياخذوا منها 2.5%

ختاما: اذ انت تحتاج البطاقه للسفر او للشراء من الانترنت :-

طلع لك بطاقه فيزا وخلي حدها مثلا 3الاف
واذا بغيت تسافر سدد فيها قبل السفر المبلغ اللي تبي تصرفه
وروح هناك واستخدم على كيفك
وكل هذا بدووون فوائد ولا هلله
ولو استخدمت شي من فلوسهم سددها اول ما تصدر الفاتوره او الكشف.. ولا ياخذون عليك فوائد ولا هلله !!

في الختام
ارجوا منكم صادق الدعاء
واتمنى منكم التفكير بالموضوع بمنتهى الجديه
من وصلت له هالرساله فقد وصله البلاغ
اللهم هل بلغت
اللهم فاشهد
جزى الله خيرا من نشره

تحياتي
محبكم

الله يجزاك خير

__________________

شكرا لك يابن هذال

مع العلم أن البنوك لايعجبها مثل تلك المواضيع

ولاكن لابد من التنبيه لحيل البنوك للسيطرة على أموال المواطن المسكين

الله لايهينك يابوفهد بس حلوه قليلة ادب خخخخخخخخخخخ...


خالص تحياتي...

__________________
اضغط هنا لزيارة مواضيع محمد آل سويدان


.الساعه درجة الحراره.

V

عدد زوار مواضيعي
V

والقايل مايهون

وهذا أقل مايقال في حق مثل تلك البطاقات
والموضوع برمته لايرضي الكثير من البنوك المستفيدة من جيوب عملائها المرقعة
ولو أحكمنا الوصف لقلنا ( عبودية القرن العشرين )

خطأ في نظام بنك سامبا للبطاقات يكشف الحسابات الخاصة بالعملاء ويضعها بالسالب


الرياض - الوئام :
وقع خطأ فادح اليوم في نظام بنك سامبا المصرفي أدى إلى سحب مستحقات البطاقات الائتمانية (تايتنيوم - موبايلي - الخير ) مرتين متتاليتين مما أدى إلى انكشاف العديد من الحسابات الخاصة بالعملاء.

وعند الاتصال بإدارة البنك أفادت أن هناك مشكلة ظهرت في السيستم الخاص بنظام البطاقات وسيتم إصلاحها إلا أنها تظل قائمة لأن العديد من الحسابات الخاصة بالعملاء الآن بالسالب مما أصاب كافة تعاملاتهم بالشلل التام.

وقد تضرر عدد من المواطنين اليوم من المشكلة حيث تم كشف أرقام الحسابات الخاصة بهم فضلا عن توقف كامل معاملاتهم بالبطاقة من جراء الخطأ الذي وقع ،فيما طالب الكثيرين منهم إدارة البنك بوضع حد للمشكلة وكشف الحقائق خصوصا بعدما تكررت كثيرا خلال الفترة القليلة الماضي .

لاهنت يا بو فهد ..

لاهنت بيض الله وجهك

__________________