[frame="9 10[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=1 align=center use=ex num="0,black"]
"]نبتدي باسم ربنا علام الغيب.............. ربنا سبحانه منشي السحايب

مقدر(ن) في الحياة حظ ونصيب............ وخالق(ن) في الكون سبع(ن) عجايب

بعدها نصيحة لشباب(ن) وشيب............. إحذر من دروب تدلك للمصايب

وإحذر من دروب(ن) تجلبلك كل عيب................ وإحذر من درب ينصاه كل خايب

وإحذر ترك ماعليك من مواجيب.................. وإنتبة قطاعة وصال القرايب

وخلك مع درب أهل الوفا والطيب............. رجال(ن) تسلك كل درب(ن) صايب

رجال(ن) من ينصاها يلقى ترحيب................ ودلال(ن) برية وزين الهبايب

ويلقى علوم(ن)مابها شك(ن)وريب............ قصائد شاعر ماهو بعلم عايب

وهذا الزمان ماتأمن العواقيب............... ولاتدري ويش القدر لك جايب

وأدع الله أنه لك بالخير يجيب............... وتوكل عليه وأخذ بالسبايب

ذي عشرة أبيات(ن) رتبتها ترتيب.................. لأجل توعيها كل عقول اللبايب

والختام صلو صلو على الحبيب..................... عداد ماهلت وانشت السحايب[/poem][/frame]


الشاعر/فيصل العبيدي.

أعذرونا إذاكانت المشاركة ليست في مستوى المجلس ونرجو من الشعراء التقييم الله يعطيكم العافية.

إن شاء الله يفيدونك الشعار
وبالتوفيق وصح لسانك

__________________

صح بدنك ويعطيك ألف عافية ولاهنت.

فالك البيرق

هذا جوال د.غسان الحسن 0555555555555555555555555555555


تقبل تحياتي // ماكل واحد يقيم الشعر //

بيض الله وجهك .ونشكرك على المرور.

صح لسانك يا ابو مسفر

هناك من يعتقد ان نقد القصيده نقد لصاحبها لما يوجد في داخله من ضعف في الشخصيه وعدم الثقه بالنفس وهذا غير

صحيح وعلى قولت المثل ما احد يولد من بطن امه متعلم فلا يوجد انسان كامل فالكمال لله سبحانه ولا يتعلم من خطاه الا

من اخذ بوجهات نظر الاخرين وناقش وسأل

ولكن اخوي فيصل بما انك طلبت من الشعار تقييم القصيده لكي تستفيد وتتلاشا الاخطاء فيما بعد فابشر بالسعد

اخوي فيصل انا بأعطيك اللي اشوفه وتأكد انها وجهة نظر شخصيه فان جازت لك ولا اتركها فهي كما قلت لك تظل

وجهة نظر شخصيه :

بالنسبه للقافيه فلا ارى عليها كلام

ولكن حاول ان تعيد وزن قصيدتك وتخليها على لحن واحد

وحاول انك تربط بين الابيات فقد لاحظة انتقالك من موضوع لموضوع اخر دون الربط بين الابيات

واي استفسار او اي شي تبيه ابشر بالسعد حنا هنا اخوان ولا احد بذاخر شي

اسأل الله ان يوفقك

وتقبل خالص احترامي

اخوك

وافي وبيض الله وجهك ويعطيك ألف عافية .

وإذا ماعليك أمر تبين لي الخلل في بيوت القصيدة.

ووجهك ابيض يا وجه عبيده

بالنسبه للقصيده انشاء الله ما فيها خلل ولا يجي منك الا الطيب

بغيت اقتبس الابيات اللي فيها كسور ولكن لم اجد للقصيده بحر معين

فكل بيت او شطر على بحر وعلى لحن اخر

ولكن حاول تعيد بناء القصيده على لحن واحد

عسا ان اكون وفقت في توضيح الصوره

وسبق ان بينت لك ان هذه مجرد وجهة نظر شخصيه

واي استفسار اخر تحت امرك

خالص الاحترام لشخصك

جزاك الله خير واستفدنا منك الله يحييك.وعسى مانكون ثقال عليكم.