اولا : قصيدة الشاعر سلطان الهاجري


نسـبـة الشـــك مـا تلـحـق مداك ومـــداي=يا بــعـيـد النظـر خـلـك بـعـيـد الـنظر
عــظـم الله عـزاك وعـــظــم الله عـزاي=في زميـل القصيد وفـي زمـيل العمـر
ميـر أبعـطـيـك راي وبسـتمع منك راي =بـعـد اخـذنـا مـن الـدنـيا دروس وعبر
كــل قــصـدي بهـالــدنـيا وغــاية مـنـاي=فـــي بـدايـة عـمـر والا نـهـاية عـمـر
اشعر اني كـسبت ارضى جميع ازملاي=وارجـو ان الـمـواصـل بـيـنـنا يستـمر
واحتفظ في غلا اصحـابي وتحفظ غلاي=ولـي وقـار وقـدر ولـهـم وقـار وقــدر
كـم صـديـق رحــل منـا ولا هـو بــجـاي=غـيـبـتـه الـمـنـيـة والـقـضـا والـقـــدر
وأتــمـنـى مــن أصـحـابـي تـلـبـي نـداي=ولك سلامي يا بو فيصل وكـل الشكر

ثانيا : رد حبيب العازمي على القصيدة



يا حـميـد السجـايا لـيـش تبحث خـفاي=وانـتـه اللـي عـن الاحـوال عـندك خبر
واعـلم أني عن الزلات اقصر خطاي=واحـتـفـظ بالـمـودة لـو ادوس الـخـطـر
نــظــرتـي للأمـام ولا اتـلـفـت وراي=وكـم تـجـي زلـة وارمـي بـهـا في بحر
والله انـي حـزيـن ومـن عناي وشقاي=احـضر اغياب اخـويه بعد موته حضر
ايه اخـويه ولـو مـا صدقـوها عـــداي=عشرة العمر أخـير مـن الذهب والدرر
مير يـا بـو مـحـمـد وانت قـمة رجاي=دام شـرواك حـي الي الـفـخـر وافـتخر
نـيـة الـخـيـر ارضي والـمـروة سماي=واقـتـدي بـالنـجـوم الـيـا بـدت والـقـمر
أنت راس المروة وانت اعز اصدقاي=وانت سـلـطاـن بن وسـام بـالمـخـتصر


اعجبتني وحبيت انقلها لكم

وسلامتكم

__________________
غنيت ما قصدي طرب في حياتي لاشك من دورات الايام غنيت
يالله ياللي تعلم الخافيـــــــــاتي انك تمشـيها على ما تمنيت

أخوي نايف بن راكان
بيض الله وجهك وشكراً على النقل وفعلاً ابيات بين شاعرين كبار ومناسبتها حزينه
وهي وفاة زميلهم الراحل فيصل الرياحي
أبيات الشاعرين فيها معاني قويه جداً
أحسنت مره ثانيه تقبل تحـــــــــــــــــــياتي

صحت السنتهم

وبيض الله وجهك

والله يرحم الرياحي

__________________

لسماع قصائد الشاعر : فلاح القرقاح
اضغط هنا

صح الله السنتهم وهم من عمالقه الشعر

وبصراحه رديه من اعظم ما قريت من الرديات وفيها كثير من العبر والدلاله على الخوه


الله يرحم الرياحي

ولا يهينك يا الذيب

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

ابو راكان ارحب

ولا هنت على النقل

وصح الله السان ابو محمد ولسان ابو فيصل

تقبل مروري يا القرم

__________________

الله اكبر عليهم


لآهنت

__________________

الله يرحم الريـاحـي وصحت ألسنتهم أبو محمد
وأبــوفيصل فطاحلة الشعر فـي هــذا الجيــل
وصـــحــت يـد مــن تــعــب فــي الـمــوضــوع

السلام عليكم ورحمة الله وبركاته

لاهنت علي النقل

وصح لسان الشاعرين

والله يرحم الرياحي

وتقبل مروري

__________________