قـال من عدى حجا نفنوف عالي......ضـايقٍ صـدره وكاثرةٍ شطونه

ابـدع الـقيفان من ضيقات بالي.....والـغناء مـا هي بتخفاني لحونه

هـاضني ياهل الوفاء شيٍ طرالي....وقـلت قـولٍ بـعلنه لـلي يبونه

اشـهدً الـعز فـي كـثر الحلالي........والـعرب مـن قال ماله يكرهونه

مـن مـعه مالً تراه يصير غالي.........والـفقير الـناس لازم يرخصونه

يـرخصه حتى الرفيق اللي موالي....وأسـرته لـقل مـاله يـبغضونه

لا يـريده لا عـمام ولا خـوالي.........ويـمكن ان عـيال ابوه يقاطعونه

والله لـو هو مثل ابو زيد الهلالي.......مـا يـحسبونه ولا يـستعبرونه

والـغني لو كان ما يسوى ريالي........غـاليٍ عـند الـعرب ويقدرونه

ويـمدحونه كـل ما جاله مجالي......وان بـداله لازمٍ يـقضون شونه

لـو ذلـيلٍ يـخلعه زول الظلالي.......مـا يـكافح لو (يدفل) في عيونه

أو بـخيلٍ عن مزايا الجود خالي..........يـأخذون بـخاطره ويـجاملونه

عـندهم هرجه كما السمن الزلالي.......والفقير اليا هرج يستنكرونه

كـم يـعز المال من جرفٍ هيالي........وكـم عـزيزٍ معسرٍ كثرت ديونه

وكـم رديٍ حيث بيده راس مالي.....جـاوُ عـكفان الشوارب يخدمونه

حـدة الـحاجة كـريمين السبالي......يـسمعون امـر الردي وينفذونه

وغـيرة مجرى الدهر سود الليالي...واخـتلف طبع الخلايق عن يكونه

والـيمن الـيوم تـغلبها الشمالي.......والـعوارف مقصدي ما يجهلونه

كـل مـن كـثرة فلوسه ما يبالي......وان خطب عند الرجال يجوزونه

والـبني الـبيض حـلوات الدلالي....من عجز في المرجلة عافٍ فنونه

والـمراجل مـا تـهيا لـلرجالي............غـير مـن عقب اجتهادٍ يبذلونه

من يباء كسب العلاء سهر الليالي....والـكسل يـرث لـراعيه المهونه

صـدقوني يـامداغيش الـعيالي.........اتـركوا نـوم الضحى لا ترقدونه

ودي ارشدكم ولو ما ارشدت حالي....مـنصحٍ بـالنصح لـلي يـقبلونه

والـرجاء يالعارفين من الرجالي.........لا بـدى مـني قـصورٍ تكملونه

واسـمحولي يـالنشما فـي مقالي...والـسلام اخـتام لـلي يسمعونه

قـالها الـلي ذايـقً مـرٍ وحالي..........وله روابع واخلفت بقعاء ضنونه

منقووول
تحياتي

العجرشي

__________________
هذا كلام الشاعر القحطاني ...... اللي جدوده للقصيد اسناده

صح لسان حمد هادي



والله لا يهيينك على النقل



.

__________________

فارس قحطان لاهنت على المرور يالذيب

__________________
هذا كلام الشاعر القحطاني ...... اللي جدوده للقصيد اسناده

لا هنت يالذيب على النقل

__________________

محمد آل غانم

اسعتدني مرورك وتعقيبك

لاهنت يالقرم

تحياتي
العجرشي

__________________
هذا كلام الشاعر القحطاني ...... اللي جدوده للقصيد اسناده

[poem=font="Simplified Arabic,5,darkred,bold,normal" bkcolor="transparent" bkimage="" border="none,medium,white" type=4 line=0 align=center use=ex num="0,black"]
العجرشي الله لايهينك ويبيض وجهك
أثلجت صدري بقصيدة المرحوم(امبراطور الشعر/مهجد الشعار)
ولاهي غريبة عليك التميز
وتقبل تحيات
بطي الحبابي[/poem]

لاهنت ياذيبان على النقل وبيض الله وجهك على كل حال واتمنى من جميع الاعضاء انه من لديه اي قصيده للمرحوم ان لايبخل علينا ولا على المنتدى بها


وتقبل تحياتي اخوكم

يا سلام


قصيده مليئة بالحكم


رحم الله الشاعر الكيبر حمد هادي المسردي



و الف شكر يالعجرشي

__________________

العرشي


شكرا على ايراد هذه القصيدة

ورحم الله حمد هادي

__________________
مجموعة من صوري





مدونتي

صح لسان حمد هادي



والله لا يهيينك على النقل