قصيدة للشاعر حبيب العازمي تشرف بالقاءها
امام صاحب السمو الملكي الامير عبدالعزيز بن ماجد
امير منطقة المدينه المنوره انقلها لكم هنا مع التحيه

[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

السلام ازكى تحيه وابتدي بأزكى تحيه=للأمير الله يحفظه والحضور امّا بعدها

شاعرٍ فالشعر لي خبره ولي روحه وجيه=ربع قرن ورحلتي فالشعر يبراها سعدها

موهبه والموهبه ماهيب حاجه عايديه=نعمةٍ من عند ربي ماتبا الاّ من حمدها

احمد الله واشكره واثني على جزل العطيه=واتعوذ به من الشيطان والنفس وهددها

وان دعيت الهاجس اللي يجذبه عرق الحميه=مثل ماقال المثل من دور الحاجه وجدها

قلت انا عندي قصيده وانت هات الراي ليه=قال تبغى الرأي قلها واستعن بالله وقدها

قلت اغنيها هجيني قال شلها سامريه=قلت اجل عشرين بيت وقال يارجال زدها

خلها خمسين بيت وتم والنيه والمطيه=قلت يعني نعتمدها قال لازم تعتمدها

قلت رتبها معي حسب الحروف الابجديه=قال ضيعت العدد عد القصيده كم عددها

قلت انا عاشق ومغرم والهوا شدد طميه=سالفه والباديه والحاضره تنفى سندها

قال عشق ابن الملوح قلت دوب العامريه=قيس مجنون الهنوف اللي فقدته مافقدها

قال صارحني ترى ماغير النيه بنيه=قلت ابا اعلمك لكن الثقه بالنفس اجدها

قال منهي قلت صبرك وانتظر ردي شويه=والحقيقه شمسها تشرق على اللي ما نشدها

قال مامعها خويه قلت مامعها خويه=قال فالعالم وحدها قلت فالعالم وحدها

قال يعني غشمريه قلت كل الغشمريه=قال عفه قلت صعب يلمس الموذي نهدها

قال بالطبع ابدويه قلت بالطبع بدويه=قال محشوم ولدها قلت محشوم ولدها

قال بالشكل حضريه قلت بالشكل حضريه=قال مايخدش جسدها قلت مايخدش جسدها

قال يارجال علمني تراك احرقت فيه=والصراحه مايحل احبالها الاّ من عقدها

قلت هاذي مملكتنا ام الصروح العالميه=ماينافسها منافس والدول ما تضطدها

مملكتنا عالميه والقياده فيصليه=الاسود اللي سبقها للعرين ابوها اسدها

الملوك اللي مكانتهم وهيبتهم قويه=ودارهم يأمن بها الخايف ليا منه قصدها

الملوك إخوان نوره اسمهم ياحي حيه=وصيتهم صيت المزون اللي بشايرها رعدها

ياسلايل من بنا الدوله على الارض المديه=تحت راية ربه اللي قدره شيد عمدها

كانت الصحراء هي المسرح لكن المسرحيه=كل كاتب نص فتنه يكتب الارواح ابدها

مسرحيه واقعيه كيف ماهي واقعيه=والبشر هذا يصبحها صباح وذا يهجدها

المعارك طاحنه يالله تكافي والضحيه=من نفوس الابرياء اللي ماوراها الا نكدها

اليدين اللي فقيره فاليدين اللي غنيه=لا ومفهوم العقول بما يصير امر وادها

عالمٍ تبطش بعضها والعقايد فوضويه=كل واحد في حياته له عقايد يعتقدها

ماحدٍ فكر وقال انه فسوق وجاهليه=تقتل النفس البريه فالبلوغ وفي مهدها

لين جاها اللي قمع كل الفتن والعنصريه=بالسلاح وبالرماح وبالسيوف اللي جردها

متخذ شرع الاله ومتخذ سنة نبيه=قوة ماتنهزم وإيمانه الخالص عتدها

وصارت الامه تحت حكمه وسلطانه سويه=يرقد المسلم ويامن بالليال اللي رقدها

يالله انك تغفر ذنوبه وتمحى كل سيه=عنه وتضاعف حسناته من الرحمه مددها

واحفظ الراعي بحفظك واصلح أحوال الرعيه=واكفنا شر العيون اللي يطاردنا حسدها

والوطن حقه على كل الرياجيل وعليه=مادرى بالفتنه اللي ظلت وخانت عهدها

والرجال اللي ضمايرهم من الريبه نقيه=مخلصين براحة الايام والا في كبدها

والمحبه للوطن ماهيب همسه عاطفيه=المحبه للوطن لازم بيدك تشد يدها

عزوتي ياموطني وانت الاصل وانت الهويه=تبت يدين تحاول ان تمسك من حقدها

والله اللي لا اله الا هو رب البريه=ان حبك وسط قلبي كل قواته حشدها

واتسأل كل لحظه فالزمن صبح وعشيه=القلوب تعيش ليش ان كان ماتعشق بلدها

خدمت الموطن شرف مادامت ان الروح حيه=وان توفت في سبيله شرفت حتى لحدها

من خدم بالثوب والا بالبدال العسكريه=خدمة واجب عليه ومثل مايزرع حصدها

والتقاعد مايحطم من كيان المعنويه=التقاعد مسك للخدمه وشاهد من شهدها

من تقاعد لايقول اكمل ولا عنده قضيه=واجبه حسب اللزوم اللي تجيله في وعدها

والامانه باقيه لايحسب الذمه بريه=يحتفظ بأسرارها ويحث غيره في صددها

واجب انه يوصي عياله على الواجب وصيه=ويسقي ابنائه محبة موطن اعيون وردها

ويستحق الشكر والتقدير كله والهديه=والشرف يبقى رصيده فالحياه اللي رصدها

ويستريح ولا ملام ولاعتاب ولا خطيه=يستعيد الذكريات اللي قديمه مع جددها

وان دعا داع الوطن لو بالفشق والبندقيه=فالعدو لاتاخذه رافه ليا لامس زندها

هكذا الخمسين تمت بالتحيات الزكيه=للامير اللي سعدت بشوفته يارب اعدها[/poem]

__________________

الله الله

بيض الله وجهك يابو فيصل

نقل يلفت الانظار صح .. كما عودتنا لاعدمناك

وصح لسان حبيب العازمي

شاعر علم في المحاوره والنظم

ولك تحية اخوك ،،،

.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

أنت ارحب والله لايهين ياطويل العمر

لبى ذا الاختيار

أما القصيده انا احترت مدري وش اقول

__________________
[center]



alsamey2010@hotmail.com

مشرفنا الغالي علي بن مسفر الحبابي


بيض الله وجهك عزالله العزيز انك جبت لنا معلقه من معلقات

الشاعر العملاق حبيب العازمي وحبيب مثل الذهب مهما يطول

الوقت يبقي ذهب صافي عملاق وكبير والكبير الله وقصيدته

هذا رائعه جدا جدا واستاذنك في طباعتها يابوفيصل

السلام عليكم ورحمة الله وبركاته


صح الله لسانه حبيب العازمي



هذه القصيده تعتبر معلقه


ولاهي غريبه على حبيب فهو من كبار شعراء الخليج

وله باع كبير في الساحة


والله لا يهيينك يابوفيصل


على النقل



.

__________________

صح لسان ابو فيصل
وبيض الله وجهه على هذه القصيدة الرائعه والجزله

وفعلاً خمسين بيت في قمة الروعه والجمال


لاهنت يابو فيصل


وبيض الله وجهك على الإختيار الجزل والراقي

قصيده وافيه

سلمت يمناك ياعلي

ولاعدمنااااااااااااااااااااك

__________________
[poem font="Simplified Arabic,5,red,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
لاوالله لبست البشت من بعد لبس الكوت=وجالك مكانه بين الاجواد مرموقه

على الهون وكبار الاسامي ماهي ببشوت=يكمّل بها الرجال وجهه ومنطوقه[/poem]

هلا وغلا ابوعبدالله ولاهنت علي المرور

__________________

بيض الله وجهك ابو فيصل
قصيده جميله جدا من شاعر عملاق
لا هنت يالغالي

__________________
غنيت ما قصدي طرب في حياتي لاشك من دورات الايام غنيت
يالله ياللي تعلم الخافيـــــــــاتي انك تمشـيها على ما تمنيت

قصيده جميله جدا من شاهر عملاق
لا هنت ابو فيصل على النقل الرايع
مشكووووور

__________________
غنيت ما قصدي طرب في حياتي لاشك من دورات الايام غنيت
يالله ياللي تعلم الخافيـــــــــاتي انك تمشـيها على ما تمنيت