الشاعر الكبير (( علي بن بلال اليامي )) شاعر يام , يرثي شاعر الكويت الأول بموجب بطاقة عضويته الرسمية من ديوانية شعراء النبط في دولة الكويت , وشاعر قبيلة العوازم من خلال ميادين النظم والمحاورة , الذي توفى يوم الاربعاء الموافق 19 / 9/ 2007م أثر حادث مروري . نقلتها لكم عن طريق الاستاذ محمد بن صويان الذي نقلها من علي بن بلال شخصيا وانا هنا انقلها لكم مع التحيه

[poem=font="Simplified Arabic,6,red,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
من المصايب ماتضيق به الصدور= تحرك أصدق مايفيض به الشعور
وفاة نواف العديم أغلى نديم = هزت كيان اللي على الشده صبور
نواف .. راعي كل ميقافٍ يشاف = شاعر وحتى في غيابه له حضور
حقُه علٌي مدح ورثا .. مادمت حي= مبدا وفا ..مانيب مداح القبور
أمدح كبيرٍ... مايزعزعه النذير = شجاع ومجٌرب ... وبالطيب مخبور
حلحيل .. ياما حل شبه المستحيل= إللي على القالات ..والهيبه غيور
تحٌسب له الأجناب ..وصحابه حساب= ومن خيرة الأصحاب.. وافين الشبور
أكبر من التميز ... أبو عبدالعزيز = لو غاب عن دنيا.. دوايرها تدور
ياحي ياقيوم .. ماغيرك يدوم= أغفر لنواف أبن منور .. ياغفور
واجبر عزا .. من بستحقون العزا = شمل العوازم 00 وأنت جبار الكسور
في من تفاجيت ابوفاته ..واعتزيت = من واقعٍ مافيه شرك ... ولا غرور
صدمة نبا .. فيها من الفيصل شبا = إللي تمر بكل دار ... وكل دور
نواف .. مات اوجات من كل الجهات = روابعٍ أغزر من أمواج البحور
وأنا المحيط ليا ألتطمت بما يحيط += مهما طميت ... أو أضمحليت امعذور
وأنا الصديق .. ولا صديق إلا صديق = عن الصديق ..إيبيع روحه مايبور
كان أحتفل شاعر(معاصير الدول) = لمواجهة ... سوق الفدايا والنذور
قلت أبن منور مات ؟لا ..لو قلت مات = دام العرب ...فالمقبلات من العصور
خلُد علوم من بيان .. لسان قوم = وبعده رجالٍ مايجي ... فيهم قصور
وخلف من الأشبال من عمٍ وخال= فيهم يجود الضن .... والجود معمور
إن قلت .. مايجبر عزاي ! أمطر سماي = يبيٌن العرفان ... عن وجه النكور
فكرت حتى فالربوع ...من السبوع = وتبادل أيام المصايب .... والسرور
ومن كل ناس الموت .. ياخذ كل راس = عجلٍ لقصف الراس ... ويعاف معثور
كنٌه يقول الموت ...لاداعي يموت = لين الفنا يقضي ...على وجه الدبور
والهزل مايبغيه جزل ... لد فيه = الموت والناس ...آل أبو تسعة شهور
الكوم واجب روس قوم .. ومن يقوم= بالكايده ...لو دونها ... دق النحور
أهل الكفاح ... مرٌوية علٌط الرماح = لكن على وضح النقا ...صوله وشور
من النفوس ... تسوق مهٌر العيطموس = تزاودت بالروس في ...دفُع المهور
أهل العطا ... و متوبة راع الخطا = عن الوطا ... يشٌفع لهم حظٍ بشور
لحفادهم في الأرض ..زولٍ لو يزول = تحقق لجوج وماجوج ... الظهور
هذا وآعيد القول في ... نعٌم الفقيد = نواف ... والفقدان بركانٍ يثور
قالوا .. كفا ! وأقول لو ... ربُع الوفا = ماوفيت ثلث الربع ..حيث الصدق نور
نواف ...ماينسا ولعل او عسا = اوفيه بمر النور .... من خير الأمور[/poem]

__________________

ارحــــــــــــــب يا بومسفر

بيض الله وجهك على نقل قصيدة علي بن بلال

وصح الله السانك والسان المحلفي والله يرحم نواف

ويحق لعلي بن بلال التأثر لأنه كان رفيق دربه في دولــــــة الكويت

حيث انني اعرف ابن بلال شخصيا

تقبل مروري

__________________

الله يعطيك العافيه يابومسفر على النقل




وصح لسان علي بن بلال...............شاعر يام







الله يرحم نواف العازمي

الله يعطيك العافيه يابومسفر على النقل




وصح لسان علي بن بلال...............شاعر يام







والله يرحم نواف العازمي

بيض الله وجهك يابن عمي الغالي

اشهد بالله انك وافي ولاتجيب الا الوافيه

وصح الله السان ابن ابلال شاعر يام

ويرحم الشاعر نواف العازمي ..

__________________

بسم الله الرحمن الرحيم
السلام عليكم ورحمة الله وبركاته


الله يعطيك العافيه يابومسفر على النقل

وصح لسان علي بن بلال...............شاعر يام

الله يرحم نواف العازمي

__________________

بسم الله الرحمن الرحيم

لاهنت يالحبابي على النقل والله يرحم فقيد الشعر ويجبر عزاء اهله

وصح لسان بن بلال ..............................................

فلاح ارررحب ولاهنت وعلي المرور

__________________

وفاة نواف العديم أغلى نديم
0000000000000هزت كيان اللي على الشده صبور

قلت أبن منور مات ؟لا ..لو قلت مات
000000000000دام العرب ...فالمقبلات من العصور


الله يرحم العازمي والله اني شفت لها محاوره مع الرياحي

تهاوش هو واياه في اخرها وكان شاعر فحل وشجاع رحم الله وصح الله لسان ابن بلال

ولاهنت يابوفيصل تجلب الجديد والمفيد ولاغرابه

__________________

[frame="1 80"]ابومحمد[/frame]

اخوي /// هلا وغلا
الساعه الطيبه مرورك على هذه المشاركه
بيض الله وجهك ولا خلا ولا عدم ياالغالي

__________________