لقد تغيرت شروط التسجيل في المنتدى ....وتم تغيير مسمى المنتديات لتواكب مرحلة ما بعد
الحرب الباردة :
اعرفوا الشروط زين....وافهموها....و اللي ما يبي هالشروط جعل اصبيعاته اللي طقت على الكيبورد للكسر...ولو ما عليه كلافه يطق راسه باقرب جدار....حنا ما نلعب....واللي يبينا حياه الله بيننا....فهمتوا
الله فيكم ولا في الساعة اللي فتحت لكم هالموقع....فاللي يبي يسجل معنا يوافق على الشروط من ورى خشمه ....والشروط هي...
1- اللي يسب اي واحد من الاعضاء نبي نجيه وبنربط حواجبه في صدامات الهايلكوس وبنروح ونطعس فيه باقرب طعس ...همني قايلكم حنا ما نلعب
2- لما تكتب موضوع خل البقيه يجون ويتميلحون ويتهاوشون بس بحدود وخلهم يذبون براحتهم.....واللي بيقلبها سب...عز الله ان امه داعيه عليه...لاني ابحتريه وقت صلاة الفجر بالعجرا وابشخمط وجه وابخليه يغني اغنية...خروفي خروفي لابس بدله صوفي...له عينين واربع رجلين...من كثر ما امحطه بالعجرا.....همني قايلكم حنا ما نلعب
3- اللي بيخربط بالدين ولا بالسياسه....هذا عذابه عذاب ابخليه يتخيل انه قرد ولا عمره ذاق موز....وابحجز له على اقرب رحله على طياره ترش الجراد وابرقي فيه على ارتفاع 50000 الف قدم وابجدعه على خوص نخله...علشان ما يتعود لها همني قايلكم حنا ما نلعب
4- انتم اعضاء لكم تكتبون بس....ولااحد فيكم يسوي لي فيه مراقب مانبي مراقبين.....فهمتوا ولا افهمكم...
5- الساحه الرياضيه لكم ثنتين...واللي ماهو هلالي لايوطوط فيذاك ....ساحة ابو جدي وانا حر فيها ولا عندنا ديمقراطيه....ولا عمرنا سمعنا فيها وهي وشهي...هي الديمقراطيه حاجه تنوكل <<<ما قلنا تنشرب
6- مسموح الذب...والذب هي كلمه اتيه من الذباب وهي فعل مضارع جمع تكسير مضارع بسيط...فهمتوا...صح ولا ماهو صح...قولوا صح لابارك الله بالساعه اللي جمعة هالخشش فيها...واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه عشر....ايه تسعطعش. ..ساحتنا وحنا حرين فيها
7- ياويلك ويا سواد ليلك لو تعطي احد كلمة الضروس....الا عندي سوال ليه سموها كلمة سر...ليه ما سموها كلمة خشم ولا ضرس ولا مصران احول قصدي اعور.....طبعا قايلكم ساحتنا وحنا حرين فيها
8- اللي بيسجل باسماء قبايل وعوايل...ولا مخله بالادب....هذا بنوديه لا اقرب شيخ وبنكويه مع علباه...وبعدين بناخذه لا اقرب قليب...وبنغطسه وبنطلعه...ونغطسه ونطلعه الين ماهي خلف الين مايقول....اشهد ان الددسن سياره...واشهد ان التفحيط ما هو بالشطاره ولا بالمصاله.....التفحيط فن يا هوووووه واشر لي بالمنديل يا هووووه قال انا ماشي....اقول لا تكثر بربستكم يا هوووه....وش هالمسكه الغلط.....همني قايلكم ما نلعب...
9- قريتوا الشروط........هاه عجبتكم....فهمتوها... طيب ما عندنا تسجيل هالايام....واللي يبي يسجل معنا يرسل لي ايميل على التلفون حقي اللي ماني ذاكره لكم...لان الدعوه عناد...واللي براسه حب ما انطحن....تراي ابطحنه له....واذا فيه خير يقابلني وين ما بغى عند الصمان ولا ديراب ولا بالشرقيه ولا باي محل....
10- كلنا عيال قريه وكلن يعرف خيه...
11- هماني قايلكم حنا ما نلعب
الان اسماء المنتديات بعد التعديل :-
* منتدى شخبط وخمبق ترى محد لمك.....المنتدى العام سابقا
* منتدى شاعر في المشمش......المنتدى الشعري سابقا
* منتدى مواضيع مهناش احد.....منتدى المواضيع الجاده سابقا
* منتدى معاهم معاهم عليهم عليهم. ...المنتدى الرياضي سابقا
* منتدى ياهلال ياهلال كخ كخ....منتدى الهلاليين سابقا
* منتدى كن صديقي.....منتدى المواضيع المتميزه
بالنسبه للبريد ان شاء الله في السنه الجايه زي هالحزه ما حنا حاطينه كخخخخخخخخخخخ....ماعندنا
بالنسبه للمحادثات....تسان ودكم نسوي لنا طلعة بر على الطبيعه ازين...
ملاحظه......
اللي بنكتشف انه رجال مشورب ويكتب باسماء اناثي...ولا اناثي تكتب باسماء رجاليه هذولي بنخلي خششهم كلمات متقاطعه يصعب حلها.....والله ما يضرب بعصا يا سرع طيحتهم
موافق
غير موافق°ˆ~*¤®§(*§*)§®¤*~ˆ° منقـــــــــــــوووول°ˆ~*¤®§(* §*)§®¤*~ˆ°


منصور ....ثبت موضوعي والأ باأقول هذي شروط الاستراحة...خهخهخهخهخهخ

__________________

هههههههههههه الله يرجك يابن خرصان


عاد لو ثبتناها قالوا هذي شروط التسجيل في مجالس قحطان



عاد الناس يقولون القحاطين شديديين وبيشوفون الشروط وبيصدقون



من جد روعه يابن خرصان


وعندي فكره بنقلها في مجلس اللغه النجليزيه وانت ثبتها


وش رايك



كنت عضو جديد ورائع

وصرت عضو وتدرجت وصرت مشرف وانت تزيد تميز وروعه


بس وين تبي توصل


انت قمه الابداع يابن خرصان

__________________



اللهم أرحم والدتي ..وأجعل قبرها روضه من رياض الجنه..واسكنها جناتك

هههههههههههههههههه


هذي الشروط ولا بلاش


يعطيك العافية على هذا النقل الرائع


تحياتي

أخوك محمد الشايع

السلام عليكم ورحمة الله وبركاته

مشكور يالمنصور على الكلام الحلو...



وثاني شئ لعاد تقول الله يرجك ....ماسمعت كلام مشايخة المجلس الاسلامي وش يقولون ...وال معمر وصاك ونبهك.......فضحتك خهخهخهخ


واللي أبوصل له هو أذا ماجيتوني أنتم ....يامشرفين الاستراحة..(منصور ..والواصل)....ال معمر...راخصين له...الرجال مايعرف أنجليزي

وشباب الاستراحة وركبتو ددسن أبوجابر وصفطتو عند مواقف مجلس اللغة...وشاركتو في المجلس.......( وش رايك يابو جابر أكييد مبسوط.على الفكرة.معين زباين خهخهخه

ياأني بسويلكم وجعت راس في هالمجلس......

وترى موضوع حق (كيف تدوخ مشرفين المنتدي) حاطه عندي في المفضلة...خهخهخخههخ

يالله تراني أحتريكم......شاب الضو ...ومهيل القهوه...وطالب عشاء سفري.......كله سلطات....خهخهخهخه....تعرفني احب الرجبم

__________________

خخخخخخخخخخخخخهه

سالفة المشولبين ذي سالفه

الله العالم أني قافط لي كم أسم أذاني صقر يكتبون بأسماء أشناب




والله لايهينك يابن خرصان

والشباب يبشرون

جيت عندك ذا اليوم أفرفر في مجلس اللغه الانجليزيه

ضامني راسي و مافهمت شي


وأن شاء الله

أني بأكتب موضوع عندكم وعطيكم القصايد ألي نجحتني بعد الله في الثنوي والجامعه

أي دكتور ولا مدرس أنقليزي يعند معي أصكه بقصيده وينجحني



العلم بالراس ماهو بالقرطاس



شوكرن <<<<<< أسف يابن خرصان فارقت لكلمتي

__________________



لأستشاراتك القانونية أضغط هنا
لوجه الله تعالى

مساك الله بالخير يابوجابر...

وتصدق عاد......ان انبسط يوم أني شفت ردك على موضوع ماجد.............قلت الرجال أدفانس في اللغة...

ولكن .......ليتني مادخلت وقريت الرد....خهخخهخهخهخه


على العموم....اذا دخلت على المجلس....عليك بالمواضيع اللي مثبته.....تراها بتختصر عليك وقت كثير...

وماعليك من هرج الناس..........واصل.....يابو الفوارس..

( من طلب العلا سهر في الاستراحة...)

شوكرن.......thank you......

__________________

أبو جابر ماعليك من كلام ابن خرصان


خلك في مجلسنا


ولعلمك إحتمال كم سنه ويلغون الانجليزي من العالم


ومايصير مهم ويحطون اللغه الصينيه


يقولون علشان الوقت وهم أطول كلمه عندهم حرفين

تو زو رو بو شفت ولازم تنتهي بحرف الواو


علشان كذا بيطبقونها على العالم لأنها أسرع


تخيل يابوجابر انك تقلط عند ناس ويقولون علمك


على طول ترد بالصيني وتقول


حو وخلاص انتهى العلم



ثانكس وشوكرن

__________________



اللهم أرحم والدتي ..وأجعل قبرها روضه من رياض الجنه..واسكنها جناتك

ههههههههههه ذي الشروط والا بلاش

أنت صديقي

__________________



لأستشاراتك القانونية أضغط هنا
لوجه الله تعالى

أبن خرصان

الله يوفقك ماحيث ماسرت

أول مشارك وأول دخله لي على مجلس اللغه الا نجليزيه على مدتك

وأن شاء الله نستفيد

__________________



لأستشاراتك القانونية أضغط هنا
لوجه الله تعالى