السلام عليكم ورحمة الله وبركاته .. كيف الحال ..




في البداية انا احترت وين احط الموضوع .. لكن توكلت على الله وحطيته هنا .. والاخوان المراقبين الله لا يهينهم بيعرفون وين يحطونه ..




يا اخوان مثل ما تعرفون قبايل قحطان تشتهر بالأبل بكافة انواعها خصوصا المجاهيم .. اللي الكثير جدا من ابناء قحطان يمتلكها .. والكثير منهم كذلك عنده سلالات نادرة ومميزة ..



اللي اقوله ليش ما عندنا مزاين ابل مثل القبايل الثانية .. ؟؟؟؟؟؟



مزاين البل فيها فوايد كثيرة جدا منها .. ابراز سلالات الابل النادرة .. كذلك تجمع ابناء القبيلة .. فضلا عن انه بيكون حدث تاريخي للقبيلة .. وغيرها الكثير ..


يالربع هذي قبيلة مطير العزيزة اقام ابنائها حفل مزاين كبير ورائع قبل تقريبا سنة .. وحصل على تغطية اعلامية هائلة ..



كذلك قبيلة حرب العزيزة بتقيم حفل مزايين تاريخي في القصيم شهر شوال القادم برعاية الامير مشعل بن عبدالعزيز ..


كذلك قبايل آل مرة والعجمان الكرام اللي مزايينهم بشكل شبه مستمر ..



طيب وش اللي ينقص قحطان ؟؟


الحمد لله المادة متوفرة والابل متوفرة والمواقع متوفرة .. بس ينقص التنظيم والهمة ..



ويااخوان المزايين والله انها فرصة كبيرة في جمع ابناء قحطان ..



ما ودي ازيد في الكلام .. اترك الكلام والنقاش لكم ..




اخووووووكم :



قـحـطـانـي والـراس طـربـانـي ..

.

__________________

الامر مطلب مهم ونحن بحاجه ماسه لمثل هذا المزاين ونرجوا من ربعنا التجار ملاك الابل وخاصة خيار البل مثل هيف بن عبود ان يتبنوا الماضوع

__________________
لي قابلت ضو ابن همدان ضونــــا = حامت طيور العرش تبغي نصيبها
ومـــا بين شهـران ويـام محلنــــــا = وكل يسقي للحيـا مـن شعيبهــــــا
حنا عبيدة من نسـول آل ضيغـــــم = ما حن بجيران تـداري حريبـــهـا
وحنا حرق على حرق من الأوايـل = هل القدى والهينـة مـا نجيبهــــا

حن في انتظار مزايين الابل لقبيلتنا المجيدة

الاخ قحطاني والراس طرباني

السلام عليكم ورحمة الله وبركاته

اقتراح جميل وموفق

مع انني سمعت ان هناك مشروع مزاين مقترح

سوف يكون تحت تغطية شبكة قحطان اعلاميا

وان فيه اشخاص يطرحون الفكره على التجار لمعرفة الدعم المالي

وللي عرفت ان ابن عبود وابوفهد عمير استعدو بالدعم وكذلك وعدهم ابن جربوع

وتجار قحطان كثير متى ما تبلورة الفكره

لكن السؤال اللي يطرح نفسه هل المزاين يصدر فيه ترخيص من امير المنطقه

ويحصل على خدمات لوجستيه من القطاعات الحكوميه المجاوره مثل البلديه والشرطه والمرور


عاشق الوطن

تحياتي

الا خ الكريم : قحطاني والراس طرباني

يسلم من تهمه شئون قبيلته ولا عدمت راسك وقحطان هذا أمرا عليها بسيط
وهم ملاك الابل وأهلها من غير قصور في القبائل الاخري
وأضم صوتي الى صوتك ولاهنت

__________________
[frame="7 80"]
[poem font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
[poem font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بسم الله اللي ماغره خط الاقلامـي= اجال وارزاق كل الخلـق قسمهـا
منه واليه الامـر لوطالـت ايامـي= عساه روحي من التعذيب يرحمهـا
غرقان في وسط بحر اذنوب واثامي= اخفيتهـا عالبشـر والله يعلمـهـا
غرتني النفس والشيطان واحلامـي= وفرطت في سالف الايام واعظمهـا
وغفلت عن حفرة ليمـت قدامـي =اكبر عيالي على راسـي يهدمهـا [/poem][/poem]

للمراسله
s.m.m.q123@hotmail.com

[/frame]

الأخ قحطاني والراس طرباني . اسمح لي أن أعارض فكرتك وبشدة <<<< حلوووة وبشـدة

نحن نفاخر بمجالس العلم ،، بإقامة حفلات تكريم الناجحين والناجحات ، المميزين والمميزات ، بإقامة مجالس العلاقات الاجتماعية السنوية أو النصف سنوية ، بإقامة مجالس ترعى مساعدة أبناء القبيلة ، نصرة من يحتاج ذلك ، لا نحتاج مزايين الأبل ،،،
دع الأبل تتكاثر وبهدوء ، لأنها حاجة ضرورية سيحتاجها الانسان يوماً ما ، وليست تسلية يتسلى عليها محبي المظاهرة ...
ممكن أن تُقام مناسبات اجتماعيات تُبرز من خلالها أبل قـحطان ،، لكن أن نُباهي ونُشارك في هذه المسابقة ،، فلا أحسها منطقيـة ..
نريد الارتقاء بأبناء القبيلة للأفضل في كل شيء في العلم والفكر والمستوى ..


وبالتوفيق لنا جميعاً ،،

ارحب مليووون يا عزران .. يالله حيه ..



لاهنت على المداخلة الطيبة .. وترى ملاك الابل القحاطين واجد والحمد لله ..


السلام عليكم ..
.

__________________

فعلا ننتظر على اشد من الجمر ..


لاهنت يا وسيم على المداخلة ..
.

__________________

حياك يا عاشق الوطن ..


اللي اعرفه ونا خوك ان المزاين تكون بدعم من ابناء القبيلة .. وتكون لها تغطية اعلامية من قبل بعض الصحف والمجلات الشعبية وبعض القنوات الفضائية مثل قناة الواحة المهتمة بالأمور الشعبية ..



لاهنت على مداخلتك يالطيب ..

.

__________________

الله يسلمك من كل باس يالذيب ..


يالطيب اللي ما يهتم بأمور قبيلته يعتبر ناقص ..


ومثل ما تفضلت نفداك الامر بسيط على قحطان لكن نبي فقط تنظيم وترتيب وبتكون الامور على احسن وجه ..



لاهنت على المداخلة ..
.

__________________