الله من عين طرقها صواديف
عميت ويبسن بالعروق الصخافي
شفت الوزا بالعين من عرض ماشيف
شفته وغيري من فطن له وشافي
وقت تغير فيه حتى العواصيف
جا في عواصيف الرياح أختلافي
شره قناطير وخيره مقاطيف
يفطن له اللي يرضع الديد غافي
كم واحد جاله زمانه على الكيف
واغترته نفسه يبا الجود وافي
يطلع مطاليع العلا بالسواليف
بين العذارى عد روحه سنافي
يفرح بهرج بالقفى يكره الضيف
قتات والقتات بالنار هافي
يعلق قصيره علقة النار بالليف
عي ولد عي زنوده ضعافي
ان رخصت الحذوه توفي عن الحيف
وان غليت الحذوه مشى اللاش حافي
يرقد ويلحق والدينه تخاليف
دايم ومرقد ميت النار دافي
هو مادرى ان الجود يبغى تكاليف
سهر الليالي مقبلات مقافي
يبغى يدين للعطايا مغاريف
ويبغى رجول ماتمل الوقافي
والصبر بنحور السنين الشواحيف
اللي قساها مثل حد الرهافي
مايقدرون الجود سود الأطاريف
مشاركة بيض النسا باللحافي
يقدر عليه اللي حكم نجد بالسيف
واودع مباغيض القبايل ولافي
عبد العزيز اللي يبث المصاريف
يجدع قناطير الذهب بالفيافي
يمشي على دربه جموع مراديف
نو تحدر ماه والجو صافي
يشدي لواقيط الزبيدي بعد ريف
ومما كسى البيدا تفيد الضعافي

__________________
ودي بخبل في اللقاء ما يمالي * ولا بصاحي في الشدايد هلامه..

يبغى يدين للعطايا مغاريف
ويبغى رجول ماتمل الوقافي


ابداع وحمة الله عليك يا بندر بن سرور


ولاهنت يا أبن مسرع على النقل المميز

رحم الله الشاعر بندر بن سرور

فهو قامة شعرية متميزة

وصف حاله وحال جيله في قصائد متميزة مليئة بالحكم


لاهنت اخوي سليمان على النقل المتميز

__________________

اشكرك يالاخ / ابراهيم الرفيدي على مرورك المشرف لك مني اجمل التحايا واطيب الامنيات....

__________________
ودي بخبل في اللقاء ما يمالي * ولا بصاحي في الشدايد هلامه..

الاخ العزيز / فارس قحطان اشكرك على مرورك المشرف لك مني اطيب التحايا واجمل الامنيات....

__________________
ودي بخبل في اللقاء ما يمالي * ولا بصاحي في الشدايد هلامه..