[poem=font="simplified arabic,7,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]

البارحه سهران من جور الاحداث=كني خفير في حدود الحديثه
هموم تسعى للسعاده بالانكاث=نسمع اصراخ افراحنا بالنكيثه
جاني خبر لأحزان الايام بعاث=فرقا رفيقٍ مابقاله بعيثه
ابن دماث اللي مع الصحب دماث=نعم الفعايل والجوانب دميثه
عساه فالجنه مع حور واثاث=ويلقا بقبره كل خيرٍ يغيثه
دزيت مرسال التعازي بالاوراث=عندي شداد العود نعم الوريثه
بين الرجال اربوعنا ماهم غثاث=والله يغث اهل القلوب الغثيثه
سوات منهو بالمواجيب لهاث=في حملته وبدونها كم لهيثه
لأهل الصبر في منزل الحمد ميراث=بشر بها طه وصادق حديثه
يابو حسين جهودكم دايم احثاث=لابو علي نركض خطانا حثيثه
من دونهم ما نذخر ارباع واثلاث=حيثه رفيقٍ كفو حيثه وحيثه
روؤس العداء بسيوفنا راحت اجثاث=يوم دهمنا اسيوفنا للجثيه
يشهد بها الهرمس على عد الأجداث= يومٍ ان زود ادياتها للجديثه
الصدق ما جوبه مفسرة الأضغاث= وللعد ماو صلت حبالٍ رثيثه
كم فالبشر صالح وكم مفسدٍ عاث=والحكم للي كلنا نستغيثه[/poem]

__________________

__________________
سبحان الله وبحمده سبحان الله العظيم

حياك يابو علي
ولا شكر على واجب
وشاعرنا وفارسنا فقيد على الجميع
وحنا وياكم لحم ودم ابنا عم وجيران وارحام
والقصيده لاتعبر عن كل ما يختلج فالنفس

وعلى المحبه نلتقي

__________________

اسال الله جل في علاه ان يرحم عبدالله بن فهد ابن دماث

ويغفر له ويسكنه فسيح جناته وامواتنا واموات المسلمين اجمعين

لقد رثيت رجل كفو وعزيز علينا جميعا وهذا من طيبه وطيب افعاله الله يرحمه

ويعوض اهله الصبر والسلوان

وسلمت اناملك يابو حسين على القصيدة الرائعه

ولايستغرب عليك الطيب ياوجه ال الصقر

سمع الله دعاك
ووجهك ابيض
وشكرا للمرور العذب

__________________

صح الله لسانك يابوحسين

والله يرحم عبدالله بن دماث

__________________

صح لسانك ياناصر

والله يرحم الميت ويبهم اهله الصبر

وتقبل تحيات بحر

__________________

صح لسانك ياناصر والله يرحم الفقيد رحمة واسعه

تحياتي وتقديري وابيض وجه وموقفك مشرف

مبدع ياناصر في جميع اغراض الشعر

والله يرحم ابن دماث

صح لسانك وبيض الله وجهك