السلام عليكم ورحمة الله وبركاته



أسعد الله أوقاتكم بالأفراح والمسرات .




كل عام وأنتم بخير .




أخونا ماجد الخليفي الله يسعده يتصيد لي .



وأنا أفكر لو كان أمامي أيش ممكن أقول له . ؟ .


فكرت في كلامنا الأصلي فوجدت هذه الكلمة .



شلها بشحم .


ــــــــــــــ

سؤالين فقط .


أولآ .


أيام زمان كانوا يقولون بدل كلمة شلها كلمة ما عرفت أجمع

حروفها وياليت من يعرف يوضح لنا حروفها ومعناها وهي كلمة

تقريبآ مثل هذي أو وحدة منها .


ذفها بشحم .
دفها بشحم .
لفها بشحم .
تفها بشحم .
ذبها بشحم .


كلمة من بينها أو مشابهة لها مشهورة ومتداولة من يحددها .



ثانيآ

أخذت الكلمة شلها بشحم وترجمة معناها إلى اللغة الإنجليزية ...


طلع لي كلمة إنجليزية ...


نسختها وسويت لها ترجمة معاكسة إلى العربي من جديد ....


طلع لي معنى آخر ...؟.؟.؟.؟.


ياليت اللي يعرف المعنى الجديد يفسره لي ...

ويحدد لنا من المقصود بالإشارة المؤنثة وليش الإختلاف ....

.......

طبعآ هذا كله من اللي في تسبدي على أبو عصام يسلم لنا .

بمناسبة العودة للدراسة ومشوار هم جديد .

أشكركم وأبارك لكم العودة للمدارس وأستودعكم الله إلى لقاء .




لكم كل الود .





تقبلوا تقديري وحكاي والسلام




.

ونعم بآل معمر



الله يعطيك العافية يابو عبدالله .



وين تعلمت الإملاء ... ويش ضف ماجد .؟.؟.



شكلك يابو عبدالله ضيعت المثل اللي يقول .. أنا وأخوي ..



ما لك لايم الكبر له دور يابوعبدالله وتسلم لاهنت .




لكم كل الود .





تقبل تقديري وحكاي والسلام

ونعم يابو عصام




الله يسعدك ويعافيك زتسلم لنا .


فيه ناس كثير عندما يسمع كلمة شلها بشحم يزعلون .


عندهم تصور إن القصد منها إذا لم تكف عن ما ننهاك عنه ستجد .؟.؟.


كلمات حلوة ... وأفكار ... سيئة ...


وعلى هذا فهي تستخدم في الجهتين .. المحبة .. والعداوة ...


فلو غبت عني ولم تواصلني يحق لي أن أقولها لك ..


شلها بشحم ولاعاد تقاطعنا .


وفي هذه الحالة لا تعتبر سيئة بل تعتبر من أقصى درجات المحبة والمونة .


كل عملة ولها وجهين .


فلنأخذ الجانب الطيب عندما نوضع أمام خيارا ت .


أما كلامك عن الحطب ... فقل خير ...


إن شاء الله ما فيك إلا العافية وما تشوف شر وطهورآ يابو عصام .


أما أبو عبدالله فما أدري ويش اللي يخليه يدافع عن واحد منتهي مفعوله وصلاحيته .


لا عندك سواد ولا وراك عيشة .



وفوق ذلك تقول عصابة راسي وتحط صور تضحك ....



يعني ويش تقصد بالضحك ....



أشكرك وألف سلامة ولا باس وتسلم لاهنت .



لك كل الود .





تقبل تقديري وحكاي والسلام

ونعم بجرمان بن عايض العبيدي




مالها إلا رجالها وبيض الله وجهك على جوابك على السؤال .





أما الإنجليزي اللي عندي فأنا ألقاه في أعلى صفحة قوقل .





قوقلها يمين وقوقلها يسار تقوقل محيث ما قوقلتها .



ودك إنجليزي وإن بغيت ياباني فهد من خيلك سبقها وعليك بماجد يتكلم ياباني .




فعلآ أقرب مالها .. ذبها ..




دور للسلامة .



أشكرك على مرورك المثمر وتسلم لاهنت .





تقبل تقديري وحكاي والسلام