السلام عليكم ورحمة الله وبركاته

قصيدةقبل سنتين تقريبا وجهتها

لزميلي (( الشاعر الطرقي)) / علي بن شنان الحبابي .

ورده على القصيدة

وموضوعها فيها وأتمنى أن تنال رضاكم :



[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياطالب فالهندسة ماقلت لله الشكر=تحمد الله عالرخا يوم إن غيرك في عذاب
لاقلت لي وش تبتكر وأقول لك وش نبتكر=بتقول يازين القسم والله ماشفنا الصعاب
قسم اللغات اليعربية ماسبق مثله ذكر=دكتورها متعقد وشهادته بالإنتساب
عانيت أنا ياصاحبي من قول ذاكر وادكر=أعيش تايه في حياتي بين ضيق وإكتئاب
يوم إن غيري يالحبابي عاشقين ارضا تكر=ويطاردونه في مباراة الذهاب وفالإياب
وأما خويك فالسكن مايدخل إلا بستكر=يدرس مناهج فالنحو وإن جاب ما يخطي الصواب
وبعد التعب والهم والتركيز وإطلاق الفكر=ومذاكرة ومراجعة بالكود خلصت الكتاب
لاشفتني في حالتي قلت العبيدي قد سكر=عايش على طرد الهوى وإدمان بأنواع الشراب
لكن تراني ماوردت المر والعد العكر=في ذمتي ماقد وردت إلا قراحٍ مستطاب
فأعلى القمم ياصاحبي للصقر تلقى له وكر=والحر كل يعرفه ماهو يقارن بالغراب
نصبر على شداتها وألا الخكر تبقى خكر=إما نموت بعزةٍ وألا رقينا للسحاب[/poem]

وهذا الرد من الشاعر الطرقي :


[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يامرحبا من شاعر فالشعر عملاق وهكر=بالشاعر اللي صوبنا حث المطايا والركاب
حييت ياراع الوفاء والسالفة بنت بكر=وعلومنا يابو سعيد افتح لها تسعين باب
علومنا وأخبارنا مابين صامت وسبكر=وأبشر برد الشاعر اللي فالمواقف مايهاب
أنا شكرت الله على فضله وغيري ماشكر=الواحد اللي طالبه يلقى مراده مايخاب
الهندسة صعبة وفيها كل شي محتكر=وأنا مهندس علم ومهندس شعر يابو الشباب
اللي دخل الأداب قلي ويش طور وأبتكر=واللي دخل للهندسة بأقول لك ودى وجاب
أنا دخلت المسجد وصليت وسمعت الذكر=والمشكلة صارت لغتنا بين ضرس وبين ناب
وإن كنت فارس فالنحو فأعرب "تعال أبا بكر"=هذا السؤال المعتبر مادام جاء منك خطاب
وإن كنت ناسي ياوسيع العرف حاول تفتكر=رح انشد ابن جليغم الشاعر ويعطيك الجواب
وأعرف ترى عصر الرياضة شي ء ماهو ينكر=والعولمة هذا زمنها وأنت ذيب من ذياب
وأنتو عشاكم فالسكن قطعة تميسة وسنكر=وحنا تعشينا المفطح والشحم والكيف طاب
لاكن صابر واجتهد والله يزوجك البكر=ترى الحياة دروس تأتي بين خبرة واكتساب
وعلومنا وسلومنا نوماس والعلم انحكر=هذي هموم أهل الدراسة يا عبيدة والحباب
وحنا على النهج السوي مابيننا غدر ومكر=نمزح ونضحك والنوايا بيض مافيها عتاب
يالله يارب البشر خلاق الأنثى والذكر=إنك توفقنا نهار الحشر في يوم الحساب[/poem]


وسلامتكم جميع



عامر بن سعيد ال حسين الوهابي

__________________


والله إنه صادق

يا سلام يا سلام يا سلام



عز الله مبدعين ومهندسين ولغوين شعر اثنينكم


تقبل مروري واعجابي



صح الله السنتكم

أررحب يارائد

صح بدنك وماعليكم زووود

وشرفتنا بمرورك..

__________________


والله إنه صادق

صحت السنتكم جميع جزلين ومبدعين

أرحب يابو معتز

صح بدنك وماعليك زوود

شرفتنا بمرورك العطر

__________________


والله إنه صادق

يا سلام يا سلام يا سلام



عز الله مبدعين ومهندسين ولغوين شعر اثنينكم


تقبل مروري واعجابي



صح الله السنتكم

__________________
محمد بن عبيان آل سالم الفهري

أررحب يابو عبيان

وصح بدنك وماعليك زووود

شرفتنا يالغالي

__________________


والله إنه صادق

ارحب ياعامر وصح لسانك

وصح لسان الطرقي

شعار ولكم مستقبل باهر ان شاء الله

وحي هذي العلوم دراسه وشعر وعلوم غانمه ولا يستغرب عليكم الطيب ياهل

الطيب

أعجبتني القصايد جدا

أتمنى لكم كل التوفيق والنجاح

تحياتي وتقديري لكم

__________________

البقى يابو عساف وأررحب مثلها

والله لايهينك ويصح بدنك وماعليك زووودطال عمرك

مرورك شرف وشهادتك تحفيز لنا

ووسام على صدورنا

لاهنت ..

__________________


والله إنه صادق

اررررحب يالعبيدي
حي الله العلوم الغانمه واهلها مبدعين جميعآ
تناسق عجيب وطرح جميل
تقبلوا خلص الود والأحترام

__________________