[poem=font="Arial,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
السلام عليكم ورحمة الله وبركاته


صلوا على النبي



قبل القصيده و المعاني و الأوزان=الله يعز الدين و أخوان نوره

حكام فالكلمه و فالحرب فرسان=في كل دار الخير مدة جسوره

طالت أياديهم فالمجد بنيان=لكنها فالخصم أعظم خطوره

سابق عطاهم مايدور للأحسان=في فضلهم مافيه من وكدوره

الحمدلله في سلا مة كحيلان=لا بأس بعد البأس يأتي طهوره

الأرض تدعي يا ملكنا وسلطان =قبل المنابر كل حي(ن)ودوره

الحمد لله دارنا بأمن وآمان=عين الوطن نايف بعزه وشوره

ارض الرساله والمساجد و شيخان=متأسسه بالدين من اول ظهوره

ميراثنا طيبه وكعبه وقرآن =هذا الحرم للناس تعمر ستوره

المملكه يا أمنا شعبك أخوان=نهدي الصدور دروع تاجك وسوره

ماهو خساره يحترق زهر شبان=من يخدمك يالأم طالت شبوره

جند السعودي للأوطان حيطان=واللي سواها أوطان راحت ثغوره

اخر خبر لحدود خوبه و دخان=طيور الحباري فرقتها صقوره

شتان بين أمنا و ام شيطان=من معركة صفين ثوره وثوره

الله كشف كيد المنافق و الأضغان=ناس على الأسلام عوره وعوره

يبطل عجبنا من سفيه وسفهان=حتى الثعالب لا استمت بالنموره

عملة ردى وجهان وجهان وجهان=تزرع فساد بكل بؤره وبوره

زنقه على قولة مدمر و جرذان=الله يهول الفار مكثر جحوره

يالله عساه آثار من بعد الأعيان= وانصر لنا الأسلام واكرم عصوره

حنا عرفنا اللي حصل و الذي كان=مستقبلك ماضيك حيل مخبوره

يا منبر الأفساد دعايات و اعلان=متجمعه بالمكر صوت و صوره

خمس الضروريات تحفظ بالأيمان=ياللي مضيعها ضروره ضروره

مدري البلاء بالناس ثارت ببركان= ولا البلا بالوقت كثرت جدوره

اشقى ثمود اللي جلبهم لطغيان=مائهم معين قبل ياتيه غوره

واللي يجاري فالسنن كل خوان=بالغي مايل ميلة(ن) في ثبوره

غدر الحياه مبينه غدر الأزمان= وأسرار بعض الناس تقتل سروره

اللي دعا بالعلمنه بين الأديان=تدعي عفاف المجتمع في سفوره

اللي يبا فرقة تلاحم بعصيان=يصدم جبال(ن)شامخات الوعوره

أنهارنا نسقيبها كبود الأعوان=واهل الخنا بالموج نغرف بحوره

واليا اكتمل عد القصيده والأوزان=الله يعز الدين وأخوان نوره [/poem]


ناصر آل جمان

__________________

ارحب ياناصر

وصح لسانك واعتلا شانك ولاهان بنانك

صراحه بغيت اقتبس بيت بيتين لقيت القصيده كلها كفو وأنت كفو ياوجه عبيده

انا أقول ياشعار ناصر قادم للساحه بقوه

دعواتي لك بالتوفيق

تقبل مروري وتحياتي

أخوك / أبو عساف

__________________

اررررحب ابو زياد وبيض الله وجهك وصح لسانك ولا عدمناك

وطنيه رائعه واسئل الله ان يعزنا بالدين الذي هو عصمة امرنا ويحفظ ولاة امورنا


لاهنت ياناصر ولا تبخل علينا بالجديد دايم....... تقبل مروري ابو محمد



مشكوووووووووور

__________________
غنيت ما قصدي طرب في حياتي لاشك من دورات الايام غنيت
يالله ياللي تعلم الخافيـــــــــاتي انك تمشـيها على ما تمنيت

أرحبوووو يابو محمد
ووجهك ابيض ياعزوتي
والله يتقبل دعاك
ويحفظ مملكتنا حكومة(ن) وشعبآ
وابشر بالخير

__________________

أرحبوا يابو عساف

صراحتك وسام على صدري جعلني ما اذوق حزنك
ولا عليك زود يابن مفلح
والله اسأل ان يبارك لك في أتاك
ومرورك عطر يابعد رأسي

أبو زياد

__________________

مررررررررررررررررررحـــــــــــــــــــــــــبــــ ــــــاااا الف
وصح الله لســــــــــــــــــــــــــــــــــانك قصيدة جزله ومن واحد جزل
تقبل مروري

الله يبقيييييك تريليون

ومرورك عطر و انا اشهد

__________________

بيض الله وجهك يا ناصر وصح لسانك وافي وعلمك غانم , تحياتي

ارحبوووو يابومعتز

وووجهك ابيض ولا عليك زود
واعتبر شهادتك ياشاعرنا اجازه اعتزبها
وعلى المحبه نلتقي

أبو زياد

__________________

ناصر

ارحب ارحب


قلت وابدعت واجزلت


عسى الله يديم الامن ولامان


سلم لي عليييك ياالغالي

في امان الله

__________________
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="1,black""]



ياساحة الشعارمنتي بساحه=من يوم صارالوضع ماهوبمعقول

للي يادوبه دوب مقرب مطاحه=اصبح يمترلارض فالعرض والطول

وش عاد والفرصه متاحه متاحه=والباب تو العين ماهوب مقفول[/poem]