قصيده مهداه للشيخ
عبد الله بن ضيف الله بن نومه

وذلك ردآ على صاحب المعروف الذي يعد نفسه من

جميع القبائل وانتمائه لهم بالطيب والمرجله

فله منا الشكر والتقدير

[poem=font="Simplified Arabic,6,black,bold,normal" bkcolor="limegreen" bkimage="" border="outset,medium,gray" type=4 line=1 align=center use=ex num="0,black"]


قال العبيدي كلمته مفهومه=صدر الورق رحب بحبر اقلامي
ماني بشاعر كلمته مقسومه=شعر الحداثه والعلوم اقسامي
متقمصن له شخصتن مزعومه=شعره سراب مايبل الضامي
قصيدتي في شانها مبرومه=يالله تهديني لقولن سامي
لاهي بحوليه ولامعصومه=نقوى نقاها القلب والصمامي
صلى الأمام ويتبعه مأمومه=قبلي رجالن سجلوا الأرقامي
قصيدتن تهدى على بن نومه=تكسيه من تاج الوقار وسامي
فيهاالسلام اللي تهل غيومه=تحية المعروف والأسلامي
هذا ربيع الحفر والقيصومه=ريح النفل فايح وريح خزامي
شوقت قلبي يبدع المنظومه=في شانك ومثلك كربت حزامي
وقفة وفاء وقفه على الديمومه=طول الوقوف ماهي تمل عظامي
جدك ملا ذا الكون علم قدومه=يوم انتزع ذوده بحد حسامي
خيالكم فرق هل الملمومه=فزعته للتاريخ والأعلامي
وياطيب عبدالله وقو عزومه=مكرم ضيوفه والخوي ما انضامي
والجد جدك والعلوم علومه= وانته على درب الوفاء مقدامي
والطيب للعرجان كسب نعومه= في الجله ولا دهر والدمامي
وربعي عبيده والحكم مرقومه=ماضي وحاضر وانشدو الأيامي
وقحطان هم ضد العدو وخصومه=عون الصديق لجارهم الأكرامي
وقفات ربعي دايم محسومه=بين الشعوب وصيتها مترامي
ومجد القبايل صفحتن مرسومه=كل معاه فالطيب سهم ورامي
والشاعر اللي ماينومس قومه= يصيب قلبه سمه الجزامي
هذي خفايا الخاطر المكتومه= تارد على صدري ورود حيامي
وقوم على علم الردى مذومه= مايمدح الا طيب وهمامي
بعض العرب عسا تغيب نجومه= لافايد نفسه ولا الأسلامي
بعض العرب من غيضها محمومه=جدد حسدها كل جرح دامي
الداب ما يقتله نفث سمومه= والعلم في رؤوس الرجال افهامي
الصقر ياعبدالله يبعد حومه= ماهوب يرضا بالوطا لا حامي
تمت بذكر الله وهي مختومه=وازكى صلاة الله على الأمامي[/poem]

__________________

صح لسانك وبيض الله وجهك جزل .. ويستاهل الممدوح

تقديري

__________________

احد(ن) فعوله تجمل بني عمه..........واحد(ن) على ربعه شرهه ومنقود

الله يحييك
وو جهك ابيض

وتستاهل الشكر

__________________

ومجد القبايل صفحتن مرسومـه كل معاه فالطيب سهـم ورامـي
والشاعر اللي ماينومـس قومـه يصيـب قلبـه سمـه الجزامـي
^^^^
صدقت يابوحسين وبيض الله وجهك

وصح الله لسانك على هالجزلة

ونعم بالمادح والممدوح

والله والف نعم بالمادح والممدوح...
انت كفو يابوزياد وابن نومة كفو...
صح لسانك ياناصر

صح لسانك ويعطيك العافيه

الله يعافيك و صح بدنك

__________________

الله يعافيك و صح بدنك و تحياتي

__________________

ياسلام ياسلام


صح الله لسانك ياناصر واعتلى شانك


قصيدة جزله ومليانه ونص يستحق القراءة فعلاً


وابن نومه كفو ومذكور بالخير


ولاتبطي بجديدك ياكحيلان

شكرآ على الأشاده و النعم فيك وصراحتك تكفي وتشفي وشكرآ على التشجيع والمتابعه وتقبل اجل التحايا / أبو زياد

__________________