[poem=font="Simplified Arabic,5,black,bold,normal" bkcolor="transparent" bkimage="" border="inset,thick,gray" type=4 line=0 align=center use=ex num="0,black"]
يافلان عان فلان عندي حكى فيك=ولو مأنت غالي كان والله مأعلمك
علمت لك ولاإتشره إمحاكيك=لاتقول له وجنبه حتى يجنبك
انته إتعزه لكن انه مايغليك=إتضحكه وانته إتشوفه مايضحكك
غير اتركه وإليا إسألك قال وش فيك=قله إضروف الوقت عسى ماتشغلك
إمن الحكي يعطيك حتى يعبيك=وغديت كالقربه إيفشك وينفخك
وقلبك حقد واللي منفخ علابيك=راح إلفلان إفلان ماهو بطايقك
ولا تنشده وإتذل نفسك وانا أخيك= نصيحتي وانته موصيك شايبك
وكل إن زعل مابه لا هذي ولاذيك=وترك رفيق(ن) كفو وقت القسى ترك
وعودت لا تدانيه ولا يدانيك= وتطور الموضوع واصبح محاربك
وصرتو كما الدجاج وراع الحكي ديك=إيصرف إصويحبك وأنته إيصرفك
يلعب عليكم يالرجال الدواهيك=لاش(ن) ولد لاش(ن) حبكها لكم حبك
وغدا على الحبلين يلعب تماتيك= يعني حلق شارب خويك وشاربك
وانته لا شفته قلت شبيك لبيك=يامرحبا وش فيك لي يوم فاقدك
من نظف نياتك وطيبت مباديك=لا والله الا ذا الزمن من دلاختك
خلاك تكره صاحب(ن) في الزمن شيك=وصاحب صحيبك الأولاني وصاحبك
ولو صبرت شوي ماجبت قاصيك= الله يغفر لك إذنوبك ويرحمك
ومسكت نفسك ساعه وزان طاريك=ما إخسرت رجل(ن) مايقصر بواجبك
ولو ان بكم صاحي وعاقل وحكيك=حديتو الحاكي وقلتو إنكذبك
ولا إن تقابلتو يابو فلان نبغيك=ابا انشدك عن هرج لجل اقطع الشك
وان كان حصلتو حصل شي من هيك=هبني مع الطليان في دخل الشبك
هنا بقول الله إيعزك ويهديك=قول الشريف اللي من اللاش حذرك
((عندك حكى فيني وعندي حكى فيك))=يعني ظلمني عندك وصار ظالمك
لكن قله جعل ربي إيعافيك=ما عاد ابي نصيحتك لي وخدمتك
أما عسى ربي يدلك ويشفيك =ولا عسى ربي يذلك ويلعنك[/poem]

§¤°~®~°¤§((عندك حكى فيني وعندي حكى فيك)) يـعـنـي ظلـمـنـي عـنــدك وصــــار ظـالـمــك§¤°~®~°¤§

صح لسآآآآآآآآآآآنك

يعطيك ألف عااافـيـة قصيدة كفو من شاعر كفو

ولـــو ان بـكــم صـاحــي وعـاقــل وحـكـيــك *** حــديـــتـــو الــحـــاكـــي وقــلـــتـــو إنــكـــذبـــك
ولا إن تـقـابـلـتـو يــابـــو فــــــلان نـبـغــيــك *** ابـا انشـدك عـن هـرج لجـل اقطـع الشـك
وان كان حصلتـو حصـل شـي مـن هيـك *** هبـنـي مــع الطـلـيـان فـــي دخـــل الـشـبـك
هـــنــــا بـــقــــول الله إيــــعــــزك ويــهـــديـــك *** قـول الشريـف اللـي مــن الــلاش حــذرك
((عندك حكى فيني وعندي حكى فيك)) *** يـعـنـي ظلـمـنـي عـنــدك وصــــار ظـالـمــك
لـــكــــن قـــلــــه جـــعــــل ربــــــــي إيــعــافــيــك *** مــا عــاد ابـــي نصيـحـتـك لـــي وخـدمـتـك
أمـــــا عـــســـى ربــــــي يـــدلـــك ويـشـفــيــك *** ولا عــــســــى ربــــــــي يــــذلــــك ويــلــعــنـــك


صح الله لسانك يا سالم واعتلى شانك

قصيدتك جزله ومليانه وعز الله انك جبتها على الجرح

وانا انتظر جديد مثايلك