مــــــن أجمل قصـــائد العملاق سعد بن جدلان




تدري وش اللي يصدم الرجال في بعض اخوياه

وجودهم في النايبـات الملزمـه مثـل عدمـه

وتدري وش اللي يقهر الرجـال ويبيـن خفـاه

اليا بغى المحـزم ولا عيـن ذخايـر محزمـه

من غير ربعٍ ينقلون الحمل جعل امحـق حيـاه

امحق حياة توجع الرجـال غصـب وتلزمـه

وين الرفيق اللي إليا ابطى صاحبه يومين جاه

يفرح اليا شافـه وياقـف لا تضايـق وزهمـه

لا يا رفيقي والرفيق إلـيا خطـا يدمـح خطـاه

ماهو يدور زلـه الصاحـب وعثـرات قدمـه

يا صاحبي والطيب لأهل الطيب مايخفـى نبـاه

الطيب للطيـّب بلـد محكـوم والذكـر علمـه

وش لي برفقة واحـدٍ لاحتجـت لقانـي قفـاه

بلسانه ابشر بالسعد عونك.. وبا الفعل رخمـه

صح الله لسانك يا نايف ولسان ابن جدلان

والله ان الشاعر اللي يطربني ويطرب الجزيره كلها هو ابن جدلان

شكراً لك على الطرح الجميل

صح الله لسانك يا نايف ولسان ابن جدلان

تحيااااااااااتي لك .

__________________

قصيدة كفو من شاعر كفو

__________________

أخوي نايف ,,أحسنت الاختيار بيض الله وجهك وننتظر الجديد بارك الله فيك.......

__________________

اشهد ان ابن جدلان شاعر

__________________
سبحانك اللهم وبحمد اشهد الاإلة الاأنت استغفرك وأتوب اليك

مرحبا مليار يا النايف ..

صح لسان بن جدلان ..

وبيض الله وجهك على هذا النقل الاكثر من رائع ..

دمت في رعايه الله يا مبدع

__________________

صح لسان شاعرنا الكبير ابن جدلان

ويعطيك العافية يابن علي وتستاهل سمعة

__________________


http://www.qahtaan.com/works/up/get....fmnp1261962149

المعذرة نظام السمعة معلق وابشر بالعوض .

__________________


http://www.qahtaan.com/works/up/get....fmnp1261962149