سعد بن مناحي بن شفلوت


ابن حبشان


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا الله يا اللي تبدي الشمس وتغيب= بأمره وتدبيره على الكون كلـّه
يا مرتـّبٍ دورات الايام ترتيب= ودورات الاشهر والسنه والأهلـّه
سبحانك القايل لنا : ادعوني اجيب= وحبل الرجا بيديك عقده وحلـّه
إحفظ لنا يا عالم السر والغيب= روس ٍ بها كل العرَب مستظله
خيّالة العوجا هَل المدح والطيب= مواقفٍ تبهج وطيبٍ يدَلـّه
مخضـّبة جرد السيوف المحاديب= لاشوّش العايل بسيفه وسلـّه
عون القصِير مطوّعين الأصاعيب=شيّالة حمُول الصديق المكلـّه
زبن ٍ لمن صكت عليه المغاليب=سقم الحريب مداوية كل علـّه
عاداتهم لا صرّبنّ المشاريب=والحلق حتى الرِّيق عيّا يبلـّه
تارد على حوض المنايا ليا هِيب= في حزةٍ فيها الصمايل مقلـّه
واحفظ وطنا من جميع التسابيب= وراعي الردى يا مالك الملك ذلـّه
مهد الرساله والقيَم والتراحيب=وفيها لرمز الطيب مدءخن ودلـّه
هو ملتجانا من سموم اللواهيب=وحنا ليا جات الدبايل حمىً له
على ثرى ارضه عايشين ٍ على طيب= يفخر بنا مجده وحنا هَل ٍ له
غلاه من بين الضلوع المحاديب= يجري بدم الشعب طبع وجبلـّه
هذا وطن ما هو بمسرح تجاريب=ولا غير ملـّة دين الاسلام ملـّه
دونه رجالٍ يفتلون الأشانيب=وارواحهم وقت الطلب فدءوةٍ له
حامينها يوم السنين الشلاهيب= واليوم ما نرضى عليها بزلـّه
واسلامنا دين وتسامح وتهذيب=ومنزّهٍ من كل نقص ٍ وخِلـّه
سدءنا بشرع الله والحاسد يهيب= حتى لو الحُسّاد ماهم بقِلـّه
ما همّنا تبّاعة الشك والريب= لو حاولوا الارهاب في كل حِلـّه
ناس ٍ غدَوا لإبليس رَكـب ومناديب=تبرك لحِمل ابليس غصب وتشلـّه
ولعقولهم شفره سواة الحواسيب= مبرمجه لايمكن تقول : " لـلـّه "
تودّي اللي يطلب ابليس وتجيب= شـِيفة عرب وعقولها مستَحلـّه
يجيك حتفه شايله داخل الجيب= ويبيع نفسه لو على جدءر فلـّه
ما حسّبوا للخاتمه والعواقيب =حياة ذل وميتةٍ مستذلـّه
قتل وتطرّف واستباحه وتخريب=وتكفير وارهاب وسلوكٍ مخِلـّه
حثالةٍ أوكارها في السراديب =وسمومها في افكارها المضمحلـّه
استخدموا كل الحيَل والأساليب=واللي يبي راعي الحيَل ماحصل له
سُود القلوب ملاحقين المشاهيب= مثل المرَض لا ناش عضوٍ يسلـّه
وانكان باقي له علاج ٍ وتطبيب= باللي يزح راس الفتى من محلـّه
هذا الدوا اللي يجعل الباقي يطيب=يعدّل اللي يخلف الوقت دَلـّه
نقضي عليها قبل ياتي لها صِيب =وتكثر خفافيش الظلام المظِلـّه
والموقف الغصّاب ما عنـه تجنيب =والعز جمعا والتفرّق مذلـّه
ولا يفرّقنا دعايه وترهيب=ومن غرّته نفسه وضيّع..ندلـّه
في ظل ابو متعب عطيب المظاريب= رَجل السلام اللي يشرّف سجلـّه
وسلطان ابو خالد زبون المواجيب =سحابته فوق الوطن مستهِلـّه
ونايف راع الوقفه بعيد المحاضيب = لاثـقـل حمل الكايدات احتمل له
دون الوطن مثل السباع المعاطيب=هم درعه الضافي وسوره وظلـّه
يبقون عز ٍ للبلاد ومعازيب=وفوق العرَب مثل النجوم المطلـّه
والعز باللي تبدي الشمس وتغيب=بامره وحنا دايم ٍ نبتهل له
يحفظ وطنا من جميع التسابيب=أرضه وحكـّامه وشعبه وكلـّه[/poem]

__________________
[poem font="Traditional Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
اللي يحقِّّر بالرجـال يحقَّـر=واللي يهاب من الرجال تهابه[/poem]

وين المشرفين

ارجو نقلها لمكانها المناسب

__________________
[poem font="Traditional Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
اللي يحقِّّر بالرجـال يحقَّـر=واللي يهاب من الرجال تهابه[/poem]

الهاجري


بيض الله وجهك وصح لسان الشاعر قصيدة جزله من جزل

أشكرك على هذا النقل المميز

تحياتي لك

__________________
[frame="7 80"]
[poem font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
[poem font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بسم الله اللي ماغره خط الاقلامـي= اجال وارزاق كل الخلـق قسمهـا
منه واليه الامـر لوطالـت ايامـي= عساه روحي من التعذيب يرحمهـا
غرقان في وسط بحر اذنوب واثامي= اخفيتهـا عالبشـر والله يعلمـهـا
غرتني النفس والشيطان واحلامـي= وفرطت في سالف الايام واعظمهـا
وغفلت عن حفرة ليمـت قدامـي =اكبر عيالي على راسـي يهدمهـا [/poem][/poem]

للمراسله
s.m.m.q123@hotmail.com

[/frame]

العز جمعا والتفرق مذله كلمه جامعه

__________________
[poem font="Simplified Arabic,6,black,bold,normal" bkcolor="transparent" bkimage="backgrounds/19.gif" border="double,medium,gray" type=4 line=0 align=center use=ex num="0,black"]

سلامي ياجناحي يوم أطير = عزتي لطــير لا مالـــــــه جنــــاح
من بني عمه معه حضه كبير = يشرب الماء من نشانيش القراح [/poem]