[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياللي تحسب إنك بهالدنيا الوحيد=وتقول أنا رجل شجاع وداهيه

نصيحتي لك يالفلاني لاتعيد=عليك بالنعمه ودرب العافيه

قبل (ن) تدور لسلامه ماتجيد=وتطيح في إيدين (ن) نشاط وافيه

وتكسر عظامك مثل كسار الجريد=وياليتها ذيه وتصبح شافيه

حنا بظل اللي يقصون الحديد=أمن وأمان والعرب متكافيه

لو إنها يوم الملاقى والضديد= منزالك وشرواك خلف السافيه

ماينكر المعروف ياكون البليد =يامنكر المعروف خذها كافيه

أحد(ن) كسب له فيد وأحد(ن) مايصيد=إلا الرخامه والعلوم الهافيه

مالك مع الظفران ياصغير رصيد=رصيدك النمه وشيل الخافيه

الطيب فازوا به هل الرأي الرشيد=زحول الرجال اللي تحسب القافيه

يصعب عليك الطيب ياساعي البريد =دربك صعيب وأنت رجلك حافيه

رسالتي هاذي لشخصك والمزيد =عليك بالنعمه ودرب العافيه[/poem]

__________________

أما هذه الأبيات ففي أحد الأصدقاء بدوله مجاوره إنقطعت عنه فتره وإتصلت فيه ولم يرد في حينه

فأرسلت له هذه الأبيات وكلا هذه القصيدتين من الأرشيف :



إحرص ترى يابخيت دنياك مشوار ****غيرك عبرها وأنتحى في مصيره

دنيا تقصر مع طويلين الأشبار****************العين بلشانه ويده قصيره

سبحان من بأمره تدور(ن) الأدوار********اللي بسط الأراض من جل خيره

يابخيت أنا من دار ناصيك لديار *************لأنك صديق ماتخيرت غيره

فقط نبي شوفتك يانسل الأحرار************وحنا بخير ولاعلينا كسيره

وأنا من اللي طيبهم يشمل الجار*****قحطان تسكن وسط شبه الجزيره

قوم لها في الطيب مارد ومصدار**وإن شبت الهيجاء دروع (ن) عسيره

وإقبل تحياتي عدد وبل الأمطار*********وعداد ماصب المطر من غثيره

__________________

اررررررررحب يابو مبارك

صح اللسانك على القصيدة التي تعبر على طيب معدنك في حقوق الاخوة والصداقه التي بعض الناس

في زمننا هذا لايفقه فيها شيئ وسجل عجابي بك دائم


لك تحيااااااااااتي

__________________
محمد بن عبيان آل سالم الفهري

سلمت ودمت من كل سوء الله يجمل حالك ويرحم من جابك..............

__________________

الاخ سفر بن مبارك

السلام عليكم ورحمة الله وبركاته

مناجاه وعتب والدنيا ماتخلى من التعب صح لسانك

ياللي تحسب إنك بهالدنيـا الوحيـد=وتقول أنـا رجـل شجـاع وداهيـه

نصيحتـي لـك يالفلانـي لاتعـيـد=عليـك بالنعـمـه ودرب العافـيـه

قبـل (ن) تـدور لسلامـه ماتجيـد=وتطيح في إيدين (ن) نشـاط وافيـه

ولعل هذا الشهر الفضيل يفتح نافذه جديد على فضاء التسامح الرحب

فأن الله يحب المتسامحين في الامور

تقبل مرروري ...وتحياتي

صح لسانك
لاهنت يعطيك العافيه





تحياتي

__________________

صح لسانك يا أبو فيصل كل عام وأنت والجميع بخير,,

الأستاذ :عاشق الوطن ,,

تشرفت بمرورك وكلامك الثمين وما إستشهدت به فهو صحيح بارك الله فيك وكل عام وأنت بألف خير ........

__________________

كل الشكر والتقدير لأخي الغالي عايض الفهري وكل عام وأنت بخير لاهنت عالمرور

__________________

لاهنت يابندر بارك الله فيك..............

__________________