صلوا على النبي


............

..........

........

......

....

..

.

[poem=font="Traditional Arabic,6,darkblue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
اقول القول و ابيّن مقالي = مانيب اللي تحاكا بالهزالي

سمين الهرج عندي و المثّبت = على فعلٍ ينومس كل غالي

و شعرٍي مثل فعلي افتخربه = مثل فخري بـ/أعمام و خوالي

قصيدي لا زهمته جاك لافي = كما سيلٍ تحدر من عوالي

اعده مدح في طيب الفعايل = و اعد اللي احبه برتجالي

احب الصيت في فعلٍ مقامه = يعليني معه لا زان بالي

و احب البر و البيت المروبع = مع ذودٍ تدرهم من قبالي

و احب الضيف لا جاني مسيّر = و خذا ماجوب حقه من حلالي

و احب الضو مشبوبه و كيفي = معاميلٍ تبهّر في دلالي

اجيب البن من يافع و حمسه = شقارٍ زدت حرقه بعتدالي

ابيه يفوح في دله و يطبخ = عشر لو فوق عشرٍ ما أبالي

لان الكيف توقيته محدد = على فوح البغاديد الثقالي

و احب المجلس اللي فيه يذكر = نظيف القول و افعال الرجالي

و احب الكلمه ان جاتك مليّه = ثمينه ما تسعّر بالريالي

و احب القاف لا جا في مجاله = على المنكوس و البحر الهلالي

و احب الشاعر اللي ريح بيته = مثل عودٍ تطابخ بشتعالي

اذا جاب القصيده بان فعله = قبل شعره و لا فيها جدالي

كريم افكار و ابياته جزيله = و لا روّح مع الغاوين سالي

اذا عد القصيده ما تمله = ثباتٍ ما ترادم من هيالي

و احب اللي عيونه والدينه = كمالٍ له و لله الكمالي

و احب اللي حفظ حق الاخوه = و لا يقطع قريبه بالوصالي

و احب الجار لا من ضاق جاره = كفاه الضيق من ضيم الليالي

و احب اللي ليا شال الثقيله = يطيق الحمل لو حمله جبالي

ذكرت اللي احبه في قصيدي = على طرقٍ جبرني ما طرالي

بديته هاويٍ و اليوم غاوي = و اشوفه قام يعبر من خلالي

و سلطان المراجل شاهدٍ لي = و سمّاني رفيقي من مجالي

صخرت القاف من بحر(ن) مسمى = على صخر القبيله بالشمالي

بنيته و المدى وافر و عندي = مقادير النظم أول و تالي

عساني لا بدعته ما بخسته = و عساني ما اجيب الا الجزالي[/poem]

اجمل التحايا
ناصر السحيمي

ارحب يا ناصر

اقـول القـول و ابيّـن مقالـي
مانيـب اللـي تحاكـا بالهزالـي

سمين الهـرج عنـدي و المثّبـت
على فعلٍ ينومـس كـل غالـي

اقول كفو كفو

و احب المجلس اللي فيه يذكـر
نظيف القول و افعـال الرجالـي

و احب الكلمه ان جاتك مليّـه
ثمينـه مـا تسعّـر بالريـالـي

بيض الله وجهك

عساني لا بدعتـه مـا بخستـه
و عساني ما اجيـب الا الجزالـي

ماجبت الا الجزل صح السانك

تقبل تحياتي اخوك محمد الفهري

محمد الفهري

مرحبا و مسهلا

و من قال لا يهون و وجهك ابيض

و صح الله بدنك

تحياتي لك

جزل يابو بندر


ولا يجي منك الا الجزاله والعلوم الغانمه


صح الله لسانك وامتعتني جداً بهذا النص الراقي والجميل


اخوك

__________________



ممصمنا المبدع
تركي العلياني
ألف شكر لك

ارحب يا ابو غاده

مرحبا و مسهلا

و بيّض الله وجهك من يقرا على هذا الحضور

و صح الله بدنك

تحياتي لك

صح لسانك

وبيض الله وجهك

صح بدنك

و وجهك ابيض

تحياتي لك

صح لسانك

وبيض الله وجهك



تحياتي

__________________

صح للسانك يا شاعر وبيض الله وجهك على الدرر الوافيه

قصيده وافيه وكل ما طالت زانت لا هنت ولا تخليها يتيمه

تحياتي00000000اخوك

__________________
[frame="7 80"]

صدق من قال يازين العلوم ان سلمت التكرار

وكذب من قال ترديد السوالف ما يسمجها

[/frame]

صلى الله عليه وسلم

أرحب يا أبن ساحم مدد بلا عدد

صح الله لسانك والله يرحم شيبانك على هذه الرائعه التي ليست بغريبه على ناصر السحيمي

جزل كعادتك وشهادتي فيك مجروحه

سجل إعجابي بكل ما ينزف به قلمك

تقبل تحياتي

أخوك / خالد الجروي