خواطر .. للتواصل

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=4 line=1 align=center use=sp num="0,black"]
يا سعد جاتك مراسيلي من الصــــــادر مسيّا=عبر موجات التردّد قمت أثني في التحية
يا سلام الله سلام في ظـــــــــــــــــــلاله يتفيّا=مثل نسناس الهبوب .. ومثل هملول برديّة
يا سعد من خلقة الدّنيا وحــــــنّا فالثّـــــــــريّا=ما نزلنا للثّرى يا كون في يوم المنيّة
ما ذبحنا يا سعد غــــــير الكرامة والحـــــميّا=في زمان جلّ خلق الله ورا الدّنيا الدّنية
وش علاجة يا ســعد ذاك المريض اللّي تريّا=مونس له في الحشا تسعين علّة باطنيّة
يا سعد حسبــــــي على اللي ساكن حي العليا=بين مستشفى الحبيب وبين برج الفيصليّة
بو عيـــــــــــون يا سعد يا عنك ما فـيها غبيّا=ارضها يا صاحبي سوّت لقلبي جاذبية
والله انها فارقة بالوصف عن كـــــــــل الـبنيّا=بالعفاف .. وبالحيا ..وفعول اهلها الأولية
الرموش العكش فيّ اللـــــــــــي يدوّر لـه لفيّا=البنايد حايليّة .. والملامح يوسفيّة
صرت اطاوع هاجسي عند الصباح وفالعشيا=بس هاجوس كذا من دون ذنب ولا خطيّة
لين فجّرت الهواجس مثل تفـــــــــجير المحيّا=واستعضت بركعتين تقرّب العبد لوليّه
طلبة المعبود ودمــــــــوع السحر والذّكر هيّا=المرابح والتّجارة في الحياة العولمية
اللهم اغفر لي الزّلة ومــــــــــــــــا سوّت يديّا=وانته اعلم يا إلهي بالسراير والخفيّو
الدّروب العـــــــــــوج ما فيها براح ولا سويّا=من يسرمد فالغوا راحت حياته سرمديّة
والختام وزبدة الموضـــــــوع قبل انفض يديّا=يا صلاة الله وتسليمه على الهادي نبيّه[/poem]


سعيد بردودكم

ارحب يا رائد وصح السانك وبيض الله وجهك على هذه القصيده الوافيه من شاعر وافي

يا سعد من خلقة الدّنيا وحنّا فالثّريّا ما نزلنا للثّرى يا كون في يوم المنيّة

ياسلام عليك ياسلام عليك

تقبل مروري واعجابي بهذه الشامخه والتي اسميتها خواطر تواضعا منك بارك الله فيك

أرحبوااااا أرحبواااا يارائد الكيرعاني

وصح الله لسانك يالغالي قصيدة تحمل في طياتها

الكثير ......جزلة من شاعر غير مستغرب منك الجزال

ومثل ما قلت :

الدّروب العوج ما فيها براح ولا سويّا @@@ من يسرمد فالغوا راحت حياته سرمديّة


إي والله راحت حياته سرمدية...تحياتي لك وشكرا..

ارررررحب انت يا عامر الوهابي

صح الله بدنك ومرورك افتخر به والله لا يهينك يا كحيلان

لك تحياتي

اررررحب انت يا أبو معتز

ويشهد الله ان مرورك شرف ووسام على صدري يالغالي

تقديري وعرفاني

انشهد انك شاعر يا رائد

احسبني من المعجبين بشعرك

:.:

__________________
BrB

Final Exams


عدم تحديد الاهداف ورسمها بدقة

يؤدي الى آنية التفكير وموسمية العمل

وهذا هو الارتجال بعينه

وينشأ عادة من النظرة السطحية للأمور

والوقوف عند ظواهر الأحداث دون النظر في أسبابها وآثارها

صالح السنحاني

شهــادتـك عــز وفخــر لبّا قلبك

لاهنت على الإطراء يا وافي

لك امتناني

أرحب يا رائد , صح الله لسانك , والله يرحم والديك على هذه النادره

قصيده جزله و لا تستغرب منك فانت شاعر جزل

تقبل فائق احترامي

اخوك

ارررررررحب انت يا خالد

وصح الله بدنك وجعل شيبانك فالجنة والله لا يهينك على المرور الجزل والمشرف فانت مبدع دائما وفي كل حالاتك يالغالي

لك احترامي وودي

يامرحبايارايدالـكـيـرعـانـي
ترحيبه تحمـل مـن الوردباقـه


صح الله لسانك يارائد قصيده رائعه برؤؤعه شاعرها


لاهنت وبيض الله وجهك

تقبل مروري واعجابي

__________________