ألاحظ يا أخوان الكثير من المجمعات التجارية والأسواق والمحلات يحطون مكيف على باب المجمع او المحل

ويكون مشغلين المكيف على أقوى شي وما يمديك تدخل السوق أو تخرج منه إلا ينفخ في وجهك هذا المكيف

يا ترى وش الفايدة ؟؟؟

ما لقيت من أسأل وقلت ما لي إلا شباب وشيبان الاستراحة

__________________

أنا فكرتك تنشد من شي من الاجرائات

المكيف هذا لاحضته في كثير من المحلات

وهو ماهو مكيف

مروحه

لاكن حاطينها بشكل خنفشاري


والمروحه هذي

لها فايده

أنها تمنع دخول الذباب والنامس

والبعوض والحشرات الطائره والحشرات ألي في وضع الطيران

والحشرات المحلقه


هذي كل المعلومات ألي عندي

وأكثر ما يركب في المطاعم

أما البقايل والحلاقين والمغاسل ومحلات التأجير وغيرها

ما يحطونها


هذا والله العالم

__________________



لأستشاراتك القانونية أضغط هنا
لوجه الله تعالى

ما ذكره Aj صح

^^^^^^^^^^^^^^^^^^^^^^^^^^^^^^^^

طيب

أنا تأكدت أن أجابتي خاطئه


طووووووط طوووووووط طوووووط

__________________



لأستشاراتك القانونية أضغط هنا
لوجه الله تعالى

والله توني شفت ذا المرواح في ابن داود ..

لاهنت يا بو جابر على التوضيح ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

متل م أل ابو جابيير


اي تئبرنييي

__________________

هذي الله يسلمك لاجل الهواء البارد مايطلع

والله العلم

__________________
الحياة ألم
يخفيه أمل
وأمل يحققه عمل
وعمل ينهيه أجل
ثم يجزى كل بما عمل

هذي عشان اللي فيه ريح خنيز تقوم بطرد الرائحه قدر المستطاع

>>>>>>>>>>> يفسر على كيفه


والله ماعندي خبر لكن متابع وفي انتظار الاجابة من المتأكدين منها

غير كذا توضع في المتاحف

لانهم اكتشفو ان الغبار الي يجي على الاثار والمجسمات هو الخلايا الميته الي تسقط من جسد الانسان او ذرات غبار تكون متعلقه في ملابسهم

على شان كذا فكرو بالمراوح هذي ويقولون فادتهم كثير

بس والله حركة غبية

أنا اتنرزف منها

ياخي أنا مو وسخ عشان تنفخ الهواء في وجهي وعلى جسمي

__________________