هذه القصيدة شاركت بها في حفل الشيخ / تركي بن خالد بن جليغم


في الاحتفال الذي اقامه بمناسبة انتقاله الى منزله الجديد قبل اسبوعين تقريبا


والذي قامت شبكة قحطان بتغطيته تحت هذا الرابط

http://www.qahtaan.com/vb/showthread.php?t=47274


[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
على الله منتهى كل الامور ومبتدا الاقوال=ملاذ عباده من الضيق لا قلّت عزايمها
توكلنا على من ذكره اسباب انشراح البال=فرج ضيق الصدور من الهموم اللي تزايمها
بعدها يا هجوس(ن) تصفق من الجال لين الجال=تزاحم في الضمير اللي تضايق من تزاحمها
عطيني يا بنات الفكر من عذب القصيد اجزال=غفال(ن) ما حدٍ قبلي من الشعّار واسمها
تجملني واجمّل ماقفي والحكم للعقّال=هل العرف السمين اللي ضمايرها تحّكمها
حضرنا في ابرك ليال السنة هذي على الاجمال=من ليال السعد والله بتوفيقه يتممها
عسى ربي يوفق من جمعنا طال عمره طال=عمر له حلة(ن) شيّد على العليا قوايمها
ابو خالد زبون الطايلة تشهد له الافعال=كريم(ن) يوم وقت العسر ضيفانه مكرمها
كسب والنعم يوم انه شباب وشيّب ولا زال=على ذيك السجايا اللي من اجداده تعلّمها
خفيف النفس يوم انفوس رديان الفعول اثقال=طبيعة من طباعه ربي اللي فيه ملهمها
عسى يعطيه معبود البرايا في الحياة امهال=ويلبسه الله الصحة ويهناها وينعمها
وعسى بيت(ن) بنيته يا بو خالد عامر المنزال=ويعطيك الولي من واسع ابركته ويقسمها
لحيث انه لعطران الشوارب دايما مدهال=ليا منهم لفوا تلقى لحاهم من يحشمها
نبارك لك يا بو خالد ونرفعها بصوت(ن) عال=تهاني صادقه مع الدعاء الخالص نقدمها
وتشريف الضيوف اللي لفونا زادنا ابتهال=يزود افراحنا ونفوسنا به ترفع اهممها
مطاليق الرجال اللي مقابلهم يزود الحال=هل سلوم الوفا لعل ما تطوى عمايمها
هلا يا مرحبا باسم المعزّب وارحبوا يا رجال=تراحيب الغلا من صادق شعور يترجمها
نخص اضيوفنا اللي شوفهم ينعد راس المال=ومع التقدير والود لجماعتنا نعممها
ليا ما قيل مقدار الغلا في حسن الاستقبال=انا اقول النفوس الغالية يلزمك ملزمها
ما دام يسوقها مبدا الوفا الصادق بطيب إقبال=هنا يفرض عليك الموقف تجازي مكارمها
وحنا في سعة رزق ورغد عيش ونعيم ظلال=علينا نعمة(ن) ما يحصي الانسان معظمها
حبانا الله بها جزل العطا ذو الفضل والاجلال=له الشكر وعساها يمديها وانحن ما نعدمها
وهذا الوقت كل في غنا يالله لك الافضال=وكل(ن) مقتدر من وين مالخطوة ييممها
وراعي المعروف في هذا الزمان العاقل الوصّال=ليا ما جاته الدعوة من الغالين تمّمها
صحيح الناس تمنعها الظروف وكثرة الاشغال=ولكن السنافي لا لقى الفرصة تغانمها
ولولا الناس ما تحتاج للناس انتهت الآجال=صحيح ان الآجال الله بحكم الغيب يعلمها
ولكن جبلت نفوس البشر في ساير الأحوال=على الولف وسعادتها تحقق في منادمها
وانا ماقول هذا الهرج من خبرة سنين اطوال=لكن اجلس مع اصحاب التجارب واسمع احكمها
اقول اللي سمعتوا والكلام يمّل لا من طال=صلاة الله على افضل الأنبياء والرسل خاتمها[/poem]


اللهم صلي عليه وسلم ،،، وسلامتكم

__________________

ابو خالد زبون الطايلـة تشهـد لـه الافعـال ---- كريم(ن) يوم وقت العسـر ضيفانـه مكرمهـا
كسب والنعم يوم انه شبـاب وشيّـب ولا زال -------- على ذيك السجايا اللي مـن اجـداده تعلّمهـا


ياسلام


يستاهل بو خالد اي والله ..


ارررررحب يازيد

قد الماقف ياكحيلان


وشاعر جزل


صح لسانك مليووووون

__________________

لسماع قصائد الشاعر : سعيد بن مانع
اضغط هنا

ارررررحب يا بو مانع


تشرفت بمرورك الرائع ... لا هنت يا لذيب




تقبل خالص الشكر

__________________

صح لسانك يا بن جليغم ..

ومنزل مبارك لبو خالد

__________________


http://www.qahtaan.com/works/up/get....fmnp1261962149

صح لسانك يأبو سعد وأبو خالد كفو ويستاهل