--------------------------------------------------------------------------------

[هذه القصيدة ارسلها الشاعر محسن بن حسن المسردي للأخ العزيز راشد اللقماني الهاجري عام 1996*

من الرياض أكتب قصيد ومراسيل
******* ويا لله عسى المرسول دربه تساهيل
وأبعث تحياتي وزود إحترامي
********* لأهل الكويت ومَنْ سكن بالفحيحيل
وأرسل سلامي صوب راشد وربعه
************* وأنا الذي بأفصّل الهرج تفصيل
ينصى الرجال اللي لهم عز وأمجاد
************ وهم بني هاجر قروم الرجاجيل
للجار عز وللعدو سم ذبّاح
*************** لطّامة العايل وذبّاحة الحيل
لا جيتهم راح التعب وأسفهليت
******** وأنسى التعب هو والشقى والبهاذيل
تلقى بمجلسهم علوم النشاما
*************** ودلال بن مبهراتٍ من الهيل
صفر الدلال اللي بوسط المناره
************** من تحتها نار ٍ حطبها صماليل
والعود الأزرق والفناجيل تندار
************ يا ما حلا الجلسه وذيك التعاليل
آحب ذيك الدار من حب أهلها
*********** يا جعلها الوسمي ويا علها السيل
إحساس من صادق ضميري كتبته
************** ما يدخله شكٍ وزيف الأقاويل
ويا لله تجمعنا بهم ظرف ساعه
********** ما يندرى وش في الليالي المقابيل

محسن بن حسن المسردي

__________________
[poem font="Traditional Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
اللي يحقِّّر بالرجـال يحقَّـر=واللي يهاب من الرجال تهابه[/poem]

بيض الله وجهك يالصالاني
وصح لسان المسردي وكفو والله يابني هاجر ياخزنة الظفر

كفو كفو الشاعر كفو ومسند القصيده على رجال كفو
صح السان المسردي وتستاهلون المدح ياخزنه الظفر

ابن جديد

ماعليك زود

ولاهنت على المرور والرد الطيب

__________________
[poem font="Traditional Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
اللي يحقِّّر بالرجـال يحقَّـر=واللي يهاب من الرجال تهابه[/poem]

مشكور

__________________
الحرتكفيه الاشاره

__________________

يستاهل الللقماني

يستاهل ابو محمد راشد اللقماني

وعلمه غااااااااااانم

وللعلم هو صاحب منتدى الهاجري بالنت





وصح لسان المسردي والله لايهيننه مدح ناس وهم اهل للمدح


مشكور يالهاجري