[poem=font="Simplified Arabic,5,black,normal,normal" bkcolor="transparent" bkimage="backgrounds/15.gif" border="double,5,gray" type=1 line=0 align=center use=ex num="0,black"]
اسعد الله اوقات الجميع بالخير والمسره

هذه قصيده رداً على قصيدة الشا عر / عبد المحسن بن جفين المشعلي

اتمنى ان تحوز على رضاء الجميع ولكم مني كل التقدير والاحترام

يا مرحبا من حد عرعر لصنعا = ومن حد جده لين وادي حنيفه

بك يا عريب الجد سلمٍ وطبعا = خليفة الناموس نعم الخليفه

انا اشهد انك تجمع الطيب جمعا = ونفسك على كسب المراجل خفيفه

من لابةٍ تطمع للامجاد طمعا = وعدوها يمسي ويصبح بخيفه

وقت المواجه تقمع الشر قمعا = اهل الفعايل والسيوف الرهيفه

ويالمشعلي كانك على الحب تنعا = خلّ الكسافه للقلوب الكسيفه

وكانك شكيت من الهواء معك ربعا = هذا يبي مريم وهذا لطيفه

الله يجنبنا صواديف بقعا = وعزّي للعينٍ في المراجل كفيفه

سلّم على اللي في سنودٍ وطلعا = ويشهر على كسب المواجيب سيفه

وسلّم على ابن هادي واخوان رثعا = ولا جاء الشعر حبّوا لي خشم ابن ريفه

والناس كلٍ يبصر وفيه سمعا = والرابح اللي صار طيبه حليفه

والكفو يبقى فالرجاجيل ظلعا = ذخرٍ لا جات اهل النفوس الضعيفه

والضفعا يبقى فالرجاجيل ضفعا = جيفه وهو حيٍ ولا مات جيفه

وانا الردي لا شفته اقول قطعا = دوّره عند اهل الصحن والخصيفه

ولاّ الكفو يجزع من النقص جزعا = لو كان دمّه ما يوقف نزيفه [/poem]

__________________
قالها اللي مايخوجل في كلامه _عاطفي(ن) يعتزي بالعاطفيه

ارحب مليون يا فهد
صح السانك ولا عليكم زود وانت راعي الاوله وانا اخوك في الدعوة .
تسلم وتسلم يمينك. كفيت ووفيت ومليتها عدل ووصلت الرساله وعرفناها وقريناها...
وتقبل التحيه والشكر والامتنان لك.
اخوك
ابو جفين

الله الله
سلمت لنا
قصيدة من اروع القصائد في منتدى قحطان
كل بيت يشكل قصيدة كاملة

صح لسانك لا تقال الا لمن يكون هذا صرعه وبدعه.

__________________

صح اللسانك يا العاطفي جزل والقصيده جزله

لاهنت

__________________
[poem font="Traditional Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
اللي يحقِّّر بالرجـال يحقَّـر=واللي يهاب من الرجال تهابه[/poem]

السلام عليكم ورحمة الله وبركاته :
لاهنت اخي العزيز فهد المكودر وصح لسانك
وقصيده والله جميله وبيض الله وجهك
واجمل مافيها البيت الذي يقول
والضفعا يبقي فالرجاجيل ضفعا.............................................. ...

فهد المكودر السلام عليكم ورحمة الله وبركاته وبيض الله وجهك وكثر الله خيرك عدد حبات رمال نجد وعدد اوراق اشجار الجنوب . (ونعــــــــــــــــــــــــــــــــــــــــــــــ ــــــــــــــــــــم بلحيتــــــــــــــــــــــــــك )

ارررررررررحب يا فهد المكودر

عزالله انها قصيده جزله , والقصايد يا اما انها تكون في مستوى هالقصيده والا بلاششش

متابعك دائما \ اخو رثعا

بيض الله وجهك اخوي فهد على هذي القصايد الجميلة التي تتحفنا بها كل فتره الله يعطيك العافيه

وفي انتظار جديدك

__________________

أرحب أرحب أرحب أرحب يافهد وبيض الله وجهك على القصيــــــــــــــــــــــــــــــــــــــده..... ..........

__________________

ابو جفين

البقا بك

وصح الله بدنك

وانا ما قلت الا الي فيكم ياوجه سلطان

ولاهنت على المرور

__________________
قالها اللي مايخوجل في كلامه _عاطفي(ن) يعتزي بالعاطفيه