السلام عليكم ورحمة الله وبركاته

هذه قصيده رثاء في فقيد قحطان الشيخ مترك بن ذيب ابن شفلوت رحمه الله واسكنه فسيح جناته
للشاعر حزام بن عيد بن سالم ال سالم القحطاني

وفي الحقيقه هو لاينشر قصائده ولكن لما عرف انها سوف تطرح في منتدى قحطان وافق وبدون تردد

وحملني رساله السلام عليكم جميعا وخصوصا القائمين على المنتدى



[poem=font="Tahoma,5,white,normal,normal" bkcolor="transparent" bkimage="backgrounds/9.gif" border="none,4,gray" type=2 line=0 align=center use=ex num="0,black"]

يا لله يالي كــــل هـم تزيلـــــه =سبحانه الباقي والإنسان بايد
سبحانه المعـبود منجـي خليلـه = اللي رفع سبع بليا عمايــــد
أمره نفـذ والامـر ما فيــه حيله = نرضى بحكمه في الرخاء والشدايد
جاني خبر فالـهاتف الـي نشيله= رسالتة ماهي رسالة معايد
رسالةٍ شـبت بقلبي شـعيلـــــه =راحت ضلوعي كلبوها وقايد
ياذيـب قلبي فيه مـثل المليلـه = في ليلةٍ فيها الحزن والنكايد
عليك ياشــيخ فعـوله جزيلــــه = يعجز لساني والقلم والقصايد
لاوالله الى مات شــيخ القـبيلـه = مترك ابن شفلوت قايد عبايد
أنا شهد انه غاب غيــبه طويله = ودع عن الدنيا ولاهوب عايد
راح الشجـاع اللي يزبـن دخيـله = لاجا نهار فيه ناقص وزايـــــد
أنا أشهد انه كاسبٍ الجــميـله = كايد وفعل الشيخ ياذعار كايد
يرسي ليا جات الامور المهـــيله = علم صحيح ثابتٍ بالوكايــــد
لاضـاع هوش مـــبردين العبيله =أهل الهروج اللي تحب الوسايد
فالحق أحد من السيوف الصقيله = ولا الرخا دايم وسيع البنايد
يمناه في الطـــالات يمنا طويلــــه = له مجلس تنصاه كل البدايـــد
خســــارته والله علينا ثقيلـــــه = مثل الإماراتي على فقد زايــد
الله يبـــيحه عـــد ما سال سيله = وماناح ورقً فوق خضر الجرايـــد
عســـاه في الـــجنه محمد نزيلـــه = يرتاح في خضر الجنان البرايد
لكـــن عوضنا فالــرجال الاصيله = إخوان رثعا للقبيله سنايـــد
لاراح شــيخٍ فيه شــيخ بديـــلـه=أصل الشداد أشداد ثابت وسايد
والشـيخ مناحي للحمل يرتكي له = كفو كفو لاجا نهار الوعايــد
يضرب على الكايد ويتعب قبيله = شيخ الشيوخ مرشحينه عبايد
وذيب على اسمه ذيب شد الكحيله = خيا لها ماهو عن الحق حايد
كفو لها والمرجله له وسيله = طلق الحجاج اللي عريب الجدايد
هداج تيما كل قرمٍ يجي لــــــــه = قريب ولاّ من بعيد ونايد
وختامها مالاح برق المخيله =صلو على اللي ثبت النا العقايد


مع تحيات


اخوكم : حزام بن عيد ال سالم القحطاني [/poem]

مخرج 14

انشهد انه غاب غيبه طويله = ودع عن الدنيا ولا هوب عايد

هيضتني يا مخرج 14 ويعلم الله ان دمعتي ذرفت من ذا البيت < الله يرحمه واموات اخواننا المسلمين >

بيض الله وجهك وجمل الله حالك على نشر هذه القصيده لاخوي الشاعر المبدع حزام بن عيد ال سالم

ولاهي بغريبه على بني عمي هالقصايد الطيبه والمشاعر الصادقه , ووقفاتكم دائما يا عوال مفلح

مضرب للمثل بين القبايل , وقفات مشرفه وتطلق الوجه , ووصل سلامي لابو عيد وقله الجزل ما ينطق الا جزل .

اخوك \ مشعل بن شفلوت

اخووووووووي مخرج 14 بيض الله وجهك

وبيض الله وجه شاعرناااااااا حزام وصح لساااااااااانه

انشهددددددد ان شيخناااااااا مترك فقيده الله يرحمه اااااااااااااااااااااااااااااااامين

__________________
ماهقيت إن للجمايل على الدنيا جحود
لين معروفي بذرته بنـاس وجحـدوه

أشهدٍ من يفعل الجود في من لا يجدود
مثل من حجج على غاربه ذباح بـوه


الشاعرالكبير _ حمد بن هادي المسردي

صح لسان الشاعر
ويمين الناقل
وان اشهد انه فقيدة قحطان كافه

__________________
[frame="6 80"]عدت من جديد [/frame]

صح لسانك يابومساعد
وسلمت يابوشريم
ورحم الله الفقيد واسكنه الفردوس الأعلى من الجنّة ..

رحم الله الامير مترك رحمه واسعه واسكنه فسيح جناته واموات المسلمين جميعا والحمدالله على قضا الله وقدره ولايستغرب مثل هذه القصيده من رفيق طيب مثلك يابو عيد والله لايهينك يابو زياد وافي دائما

__________________
[poem font="Simplified Arabic,4,darkblue,bold,normal" bkcolor="transparent" bkimage="backgrounds/6.gif" border="double,medium,gray" type=4 line=1 align=center use=ex num="0,black"]
يامـــا سـعينا للمــــراجل وخفنا = يلـحق مساعينا مـن الناس عــذروب
وياما على عوص النجايب سلفنا = وردو حياض المـوت غالب ومغلـوب
وياما لفــــانا واحـدا من طرفنــا = يقبل علينا بثوب ويروح في ثـوب
مـن جـور بقـعا واليالـي تــحــنا = وعليه مـن صـلفات الايـام شــاذوب
يقـبل وهــو في عيـشته ماتهـنا = ويروح باذن الله وهو قاضي النـوب[/poem]

صح لسان الشاعر حزام بن عيد بن سالم ال سالم القحطاني

ولا هنت يامخرج 14 على نقلك هذه القصيده

ورحم الله الشيخ مترك بن ذيب بن شفلوت

__________________

السلاااااااااام عليكم ياجماعه

معوضين خير في عمدتكم هادا

الله يرحموا ويسنوا فسيح الجنات يارب

اخوكم الشفاوي من جده

أنا شفت الموضوع وقلت نعمل الواجب

نيابة عن الشاعر..
جزاكم الله خير وبيّض الله وجيهكم والله لا يريكم مكروه فيمن تحبون ..