الســـــــــلام عليكم ورحمته الله وبركاته

[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بيض الله وجه بن عجرا الجميحي=قسمه البيضا مادام الشمس حيه
بيض الله وجه بن عجرا الجميحي=دامت البيضا ودام الشمس حيه
قاسي الراس ولسانه فصيحي=حده الموقف وساقته الحميه
قاسي الراس ولسانه فصيحي=حده الموقف ومسكته الحميه
قام مسفر جعل حظه مايطيحي=واعتق اللي وردو حوض المنيه
ذبحته ماتجبر القلب الجريحي=بالسلاسل بارك والنار حيه
يوم شافه طايح توه طريحي=الشهامه نسته كبر القضيه
غطرفي يابنت من الفرحه وصيحي=واطمعي في اللي مواقيفه شليه
والله اني ما امدح الا اللي مديحي=ماني امدح من مواقيفه رديه
في المواقف مايصح الا الصحيحي=أشهد انه وفقه رب البريه
لابن عمه وافي قلبه صريحي=والعدو مايحتمل منه الخطيه
والشلي في الضيق سده ما يبيحي=ماخذ الطيب من ساسه وصيه
ماترجى مدة الكف الشحيحي=يبغي الجنه وتهناله هنيه
قاله القرآن والدين السميحي=من عفى واصلح يفوز بطيب نيه
ماعلى الدنيا ضمير مستريحي=والاخره ماتشبه الدنيا الدنيه
ياالله يارزاق مريم بالمسيحي=أعتقه من كل ذنب وكل سيه[/poem]