السلام عليكم ورحمة الله وبركاته


أنواع الشباب عند اشارة المرور


@النوع الاول:-
هو اللي يستغل وقته ويرتب سيارته ويفتح دروج السياره ويقطع في الفواتير ويرميها في الشارع وفجأه ماتدري الا وهو ناقز في المرتبه اللي ورى ولا تستغرب اذا شفته ناط في شنطة السياره ( الرجال مرتب ) وتنفتح الاشاره والاخ مشغول في التنظيف.

@النوع الثاني:-
وهو اللي توه يكتشف ان وجهه محتاج تنظيف وصنفره ويسحب المنديل وعلى خشمه واذا خلص طفى السياره عشان ينظف اذنه بالمفتاح وشوي ويقص اظافر يده وماتدري الا وهو رافع رجله يقصقصها هذا اذا كان معه مقص اظافر واذا مامعه فالحل موجود طبعا يقص اظافرة بواسطة اسنانه (قمة النظافة)!!!!!!

@النوع الثالث:-
وهو اكثر واحد يفرح اذا وقف عند الاشاره عشان يستعرض ويرقص هو وخوياه ويرقصون السياره معهم.

@النوع الرابع:-
وهو عكس اللي قبله وهو اللي يشغل شريط أغاني حزيييينه
وانواع القلق والحزن والتفكير وطبعا الاغنيه من كثر ماهي حزينه وقديمه ويكون وجهه موّرم من الصياح وكثر الاحزان

@النوع الخامس:-
مايسمع اغاني وما تسمع غير هواشه وتلعينه على عياله اللي مالين عليه السياره وماتدري الا وهو ساحب العقال (اذا كان لابس جينز فيه حزام اقوى من العقال)
ومخرب الشخصيه (يستعمل اساليب التربيه الحديثه) ويصفق عياله بكرتون المناديل اللي ماليه بالسياره والفضل يعود لمحطة البنزين لو تمر من عندهم عطوك كرتون مناديل هديه.

@النوع السادس:-
وهو اللي يستغل الوقت ويجلس يشخص ويرش عطر ومعلق الايفرون في اذنه ومشغل شريط انجليزي مسوي يتسمع غربي وانواع التكحيل في السيارات اللي جمبه.

@النوع السابع:-
وهو اللي اذا شفته ترحمه وتقول ميت من الجوع وتشك انه جالس في مطعم مو في سياره الرجال ماسك الهمبرجر بيد والببسي والبطاطس بيد والشاورما في حضنه والفطاير جمبه والبيتزا في المرتبه اللي ورى .

@النوع الثامن:-
وهو اللي تحس انه ماعنده وقت ابد ودايم انيق ولابس نظاره وخاتم ومبحلق في الجريده ومسوي زحمة في الشارع واللي جمبه طفشان ومشتغل بالبلوتوث بالجوال.

@النوع التاسع والاخير:-
وهو اللي سيارته زحمه مو ناس لا مخلي ثوب ولا شماغ ولا بدله ولا جزمه الله يكرمكم الا ومركبها معه عشان يكون تبديل الملابس اسرع عند الاشاره (استغلال لوقته الذهبي) حتى البطانيه جايبها وماخذها معاه تعرفون الرجال مشغووول طول يومه

__________________
سبحان الله وبحمده

سبحان الله العظيم


[COLOR="Red"][SI

ههههههههههههههههههههه

موضوع رائع لاهنت

__________________
No thing

تحياتي لك اخي العزيز

المضوع مكرر في مجل الاستراحات من قبل الزميل عاشق الليل على الرابط التالي

http://www.qahtaan.com/vb/showthread.php?t=22488

__________________

أجمل شي في ألانسان قلب صافي يدعو لك

الموضوع مكرر ولكن الله لايهينك على مجهودك احسن من الي مسجلين ونايمين

ههههههههههههههههههههههههههههههههههه

__________________
«®°·.¸.•°°·.¸¸.•°°·.¸.•°®»

ان عشت ياراسـي كسيتـك عمامـه وان مـت ياراسـي فدتـك العمايـم

«®°·.¸.•°°·.¸¸.•°°·.¸.•°®»

الله لايهينكم وكفو يالسنحاني

__________________
سبحان الله وبحمده

سبحان الله العظيم


[COLOR="Red"][SI