[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
شاعر وأقول الشعر مادام ربي عطان= والمدح تستاهله كل القبايل عموم
ماني من اللي مع الشعار به يستهان= ابيات شعري تتالى مثل مزن الغيوم
لكن رضا الناس ماني ضامنه ضمان=والادمي من الخطا لاشك ماهو معصوم
وأنا تميمي مع الشعار عند قحطان= من سدير عاني لحفل اليوم هذا معزوم
أقولها دام وقت المدح بالشعر حان=أمدح طوال الشوارب مامدحت الرخوم
وأقول ياطيبهم من دون مأذكر فلان= أهل الصخا والمراجل طيبين السلوم
اللي لهم فعل بين من قديم الزمان= بالجله ضيف الرفيعه مكرم ومحشوم
سنام يشهد لهم شهادة للعيان=هم الفهر ال قويفل متعبين الخصوم
خصيمهم قدمهم عشره تعود ثمان= ماياخذ الا حقوقه بعد حب الخشوم
شف فعلهم واضح اليوم في هالمكان=عند المزاين صواوين بنوها القروم
لاجل المسير ولاجل الضيف لاوصل عان=وخيام مبنيه ومجهزه له ينوم
لا قام صلى الفجر والصبح بالنور بان= عود على مجلس ياخذ ويعطي علوم
مباخر وعود ودلال صفر ريسلان= والنار مشبوبة لوك بعز السموم
وفنجال اشقر وهيله زيد بالزعفران=في مجلس اللي يدوس القرش ماهو محروم
وغداه حشو بصياني مه هرافا سمان= أنا اشهد جنسهم هالوقت تقل معدوم
شفنا المجاهيم فجا لنحرشرف الاذان=رسم عليها دخيل للقوافل رسوم
ابل منقاة لاجل العرض جهم حسان=من شافها يذكر الله ثم ينسى الهموم
هم عزوة اللي عليه الوقت بالحيل شان=من وقفو له هل الطولات هذا مخدوم
وقت الجهل يومها خير خيل وشلف سنان=من طاح من طعنهم ماعاد يقدر يقوم
ماعاد به وقتها عاقل وسيع البطان= مافيه غير القشر وابليس حوله يحوم
في يوم اقشر غبر فعل الرجل فيه بان=كل بزنده ولاحد بالخطايا يلوم
مع النسا ماجلس ياكود رجل جبان=ما يارد الموت كود اللي قوي العزوم
انا اشهد ان القوافل جالهم في شان= والذكر ذا الحين ماينفع ولا له لزوم
والشر قفا وروح والله المستعان=من عقب صقر الجزيره كل شي محسوم
هالوقت من فضل ربي صار أمن وأمان=في ظل حكم الملك ياعل عزه يدوم
بحكم الشريعه تغير كل شي وزان=بالعدل كل عن الزلات نفسه تشوم
عبدالله اللي حكمها جود لها العنان=الحاكم اللي لتقوى الله نفسه تروم
وسلطان ابو خالد اللي كل قلبه حنان=خيره كما السيل لامن فاض غطى الحزوم
يقولها شاعر شعره تعلى الطمان=ابن مغامس حمد بيته يجيك محكوم
وختامها عد من زار الحرم برمضان=بذكر الولي واحد لاجله نصلي ونصوم[/poem]

__________________

أرحب ياراعي الخطامه والله يحييك تحيات المطر وصح لسان الشاعر بن مغامس

وأنتو تفعلون الطيب والقوافله يستاهلون

لاهنت وبيض الله وجهك على النقل وعادتك العلم الغانم ياكحيلان

تقبل تحياتي وتقديري

أخوك / أبو عساف

__________________

ياراعي الخطامه والله يحييك تحيات المطر وصح لسان الشاعر بن مغامس

وأنتو تفعلون الطيب والقوافله يستاهلون

لاهنت وبيض الله وجهك على النقل وعادتك العلم الغانم يابوو ليان

ولاتنسى تسلمني على هاشم ومطلق والمعمر



تقبل تحياتي وتقديري

__________________
[poem font="Simplified Arabic,4,red,bold,normal" bkcolor="chocolate" bkimage="backgrounds/1.gif" border="solid,medium,gray" type=4 line=0 align=center use=ex num="0,black"]
(سعدية) تنطح وجيـه المشاهيـر
مابين(يـام والدواسـر) تشـاري
مطوعين اللي براسـه سعاطيـر
حتى يدنق من خشـوم الهـواري
في دقلهم يشبع به الذيب والطيـر
لانشفت الاريـاق والـدم جـاري [/poem]

الله يسلمك يالقهره

وابشر بعزك

__________________

سلمه وماعليك زود يابعدي

__________________

صح السان التميمي ولاقصر

ويستاهلون القوافله وكافه قحطان المدح



ولاهنت

عليك زود يابعدي


اشكرك لمرورك

__________________