[frame="14 80"]لأول محاوره بين شخصيتين معروفه لاتخفى على الكثير من متابعين الشعر/
شاعر الاندلس الشاعر الكبير ناصر القحطاني
ومخاوي الليل الفنان خالد عبدالرحمن
وتم عرضها في قناة الساحة وقنوات اخرى
.


.
[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
نـــاصر القحطاني:
سلام والمركب عليه اثنين والساعه تدور=والموج هادي والوعد قدام والرحله ذهاب
إن غابوا الاجواد ماغابوا من اقفاص الصدور=دق الجرس والعلم عجل به بعد طول الغياب
()()()()()
خــالد عبدالرحمن:
يامرحبا ياصاحبي واعبر بنا سبع البحور=علي ادير البوصله وانت الله الله فالزهاب
انا سمعت انك تحديت الذيابه والنمور=والعالم لك قلب خضر واليوم ماكنك شباب
()()()()()
نــاصر القحطاني:
الوقت قاسي والفتى يبقى على الشده صبور=وإن ماغدا الرجال ذيب يطيح بأنياب الذياب
حتى الصديق الله وكيلك صار دمه مايفور=وأنا لقيت الاصدقا معظمهم أشبه بالسراب
()()()()()
خــالد عبدالرحمن:
لا تامن الدنيا ولكن لايجي قلبك فتور=أحد يشوف احلى البنات ولا يجي فيه أنجذاب؟!
ماللحباري فالقنص ياكود هدات الصقور=وإن ماكفخ طير الفضا معناته ان الراس شاب
()()()()()
نــاصر القحطاني:
كلش ولا قطع الرجا فالطيبات من العطور=لكن على شرع الله وسنة نبيه والكتاب
بيض العذارى عسجديات الجسد ضمر الخصور=سود العيون مجدلات الروس تلعات الرقاب
()()()()()
خــالد عبدالرحمن:
بالله قل لي مابرا جرحك بعد بدر البدور=ماعوضوك الفاتنات (الذاهبه) والجرح طاب
كم واحد لو مرته مزيونه بعمر الزهور=ضاعت علومه والصواب الله يجيبك يالصواب
()()()()()
نــاصر القحطاني:
أحد على الدنيا وهو كنه من أصحاب القبور=وأحد يجي ويروح مع خله وهو تحت التراب
يا اللي نسيت ان الهوى يبقى على مر العصور=بنشدك عن برق سرى بك وانت من فوق السحاب
()()()()()
خــالد عبدالرحمن:
معلمك ياصاحبي بالسالفه والعلم نور=وش بك تقول الشمع ذاب .. الشمع مايمديه ذاب
والبارق اللي مرني وانا ادعي بقلب شكور=هذاك خير طاح بأرض الغير والرب استجاب
()()()()()
نــاصر القحطاني:
وش بينك وبين المدينه والشوارع والقصور=ماقد شبعت من الخلا الخالي ومن روس الهضاب
الناس ماتبطي ولو راحت مراويح الطيور=ترمي تعبها فالبيوت وتستريح من العذاب
()()()()()
خــالد عبدالرحمن:
البر يشرح كل صدر ويقلب الضيقه سرور=وأنا الى جيته يمر الوقت مااحسب له حساب
يا ما حلا طوي الخبوت وسجة الخاطر شهور=ولا معك غير النشاما اللي يعزون الجناب[/poem][/frame]

ملاحظة
جميع الابيات من كلمات
الشاعر ناصر القحطاني

الاداء والالقاء
ناصر القحطاني
خالد عبدالرحمن

__________________
[frame="8 80"][/frame]

لا هنت يا محمد

وصح اللسان الشاعر ناصر

ابداع لكل من ناصر القحطاني وخالد عبد الرحمن

__________________

ارررررررررحب يا ابو عوض


من طول الغيبات جاب الغنايم

لاهنت على النقل النادر

وصح السان شاعر الاندلس

ننتظر جديدك


تحيااااتي

__________________

اررررررررررحب يابو عوض

وبيض الله وجهك على النقل



وصح لسااااااان شاعرنا شاعر الأندلس


تقبل تحياتي

أررررررررررررررررررررررررررررررررررررررررررررررررح ب



ملاااااااااااااااااااااااااااااااااااااااااااااااا اااااااااااااااااااااااااااااايين



يا عبدالله


عز الله أنك جبت كنز ثمين


الله يعطيك العافيه

متألق دائماً ياعبد الله




رأيت أجمل ماغنا خالد بكلمات ناصر

فهما ثنائي يشار له بالبنان



معا أن لي على هذا الشاعر عتب كبير كبير كبييييييييييييير



ألا أني أحسبه من كبار الشعراء

ومن الشعار ألي نفخر بهم








دمت بود

__________________



لأستشاراتك القانونية أضغط هنا
لوجه الله تعالى

الله لايهينك على النقل ياوجه عبيده وبيض الله وجهك

وصح لسان الشاعر ناصر القحطاني ولا هو غريب عليه العلم الغانم

تقبل تحياتي وتقديري

__________________

الله يعطيك العافيه يابوعوض ولايهينك
نقل وافي لشخص وافي تسلم يمناك
وصح لسان شاعرنا شاعر الاندلس ناصر القحطاني

__________________

كفو شاعر قحطان ولا يهون خالد عبدالرحمن

لا هنت على النقل وبيض الله وجهك

لاهنت يعطيك العافيه





تحياتي

__________________