قصيده اعجبتني للشاعر غني عن التعريف هو الشاعر الرائع سداح حبيت نقلها لكم هنا مع التحيه والتقدير للجميع

[poem=font="Simplified Arabic,5,indigo,bold,normal" bkcolor="transparent" bkimage="backgrounds/19.gif" border="double,thick,darkred" type=2 line=0 align=center use=ex num="0,black"]
على مركب غرامي قمت أغنيّ والقصيد بحـور=نفضت شراع صدري والهوى ما فضّها سيـره
أشيل المحبره واللي عطاني ريشـة العصفـور=نزع صمتي وخلاني مـع الصبـح وعصافيـره
يا بنت الناس قلبي في مدار الحـب جالـه دور=تعب نبضه على دربك بعـد طالـت مشاويـره
مسجلّ لك شهادة حـق ماسجّـل شهـادة زور=خذا من دقتـه رايـه وسجّـل عنـك تقريـره
ولو يصبح شعوري لك على صفق الهوى منثور=جمعتيـه بحذافيـره .. وأخذتيـه بحذافيـره
عسى قلبك مثل قلبي من أوناس العناء ماجـور=بعد صرنا من أعلام الغـرام ومـن مشاهيـره
وأنا مدري عليّ قصور وإلاّ مـا علـيّ قصـور=لكنّ الحـب هـاذي معطياتـه لا كثـر خيـره
يفك الباب للأحبـاب ويرمـي فالظـلام النـور=تعبنـا مـن خطايـاه ونشبنـا فـي معاذيـره
تواضعنا علشان الغلا .. ميـر الغـلا مغـرور=كبر وأستكبر .. وبينـي وبينـك زاد تقديـره
تذكّرت الكلام اللـي تقولينـه بـدون شعـور=ونسيت أني حبيب ٍ ما سكن في مهجتك غيـره
أجيك وخاطري يضحك وأروح وخاطري مكسور=وأنا صبري مثل صبره على كسـره وتجبيـره
أحبك والمحبّـه مـا تمـوت وبيتهـا معمـور=تزيد وكـل مـا زادت ظهـر للحـب تبريـره
علاقتنـا ربيعيّـه وقـاع ٍ شالهـا ممـطـور=لاشكّ الحبّ ما يرحـم ليـا هبّـت معاصيـره
ألا يا طول شرحي مير جرحي ما يبـي دكتـور=تداويه المـودّه مـن عـذاب الشـك والغيـره[/poem]

وسلمتوا ،،

__________________

الاخ سعد الحبابي


لاهنت على النقل والحقيقه القصيد رائعه


وانت في المقدمه ذكرت بأن الشاعر غني عن التعريف !!!!


وانا عندي ملاحظه على هذه النقطه


حيث اننا لم نسمع بشاعر اسمه سداح


ياليت تعرفنا على هذا الشاعر اكثر لاهنت


ولك تحيات اخوك

.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

هلا بالسمي وحياك الله انا اقصد اسمه المستعار

هذا سداح طال عمرك معروف له مراسلات مع كبار

الشعراء مثل سلطان الهاجري وحبيب العازمي وهو

متواجد في منتديات معروفه ولااحب افصح عن

اسمه الحقيقي اشكرك ياسعد علي المرور والملاحظه

مرورك والشاهد الله وسام علي صدري ياسعد

__________________

لاهنت يالغالي علي نقل هذه القصيده والله يعطيك العافيه

__________________

ارررحب يابوفيصل والله يحييك ويعافيك

__________________

بيض الله وجه الشاعر واللي كتب القصيده

وانت بيض الله وجهك علي الاطلاع

__________________

أرحب ياسعد


وصحت يمناك على هالنقل الرائع والمميز والإختيار العذب


وصح لسان الشاعر المميز سداح


ولعذب مشاركاتك سنبقى منتظرين


تقبل خالص تقديري،،

هلا وغلا ابوصميع مرورك يكفين طال عمرك فانت من المميزين

__________________

سعد الحبابي

السلام عليكم ورحمة الله وبركاته

قصيدة سداح جميله وسداح معروف

يكتب باسم مستعار وهوشاعر جيد ومشهور

تلاعب بالالفاض وابداع قوي

عسى الله يوفقه ويوفقك

اشكرك على توثيق هذه القصيده