السلامعليكم ورحمة الله وبركاته
مساكم الله بالخير يالربع
حبيت أنقل لكم هذه القصيده والتي ألقيت بمناسبة تخرج الأخ محمد بن عبدالعزيز الرميح ومجموعة معه من حامعة الملك فهد للبترول والمعادن والشاعر هو/ناصر الاحمري ضمن أمسيه ألقي فيها العديد من القصايد

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
على ربي ليا سرت إتكالي = عظيم الشان والي كل والي
له ألهج بالدعاء وأرفع كفوفي = وأساله لأن غيره مايسالي
أسأله رحمته يوم التغابن = ويغفر لي ويرفى لي خمالي
وفي الدنيا يسهل ماتعسر =ويبعدني عن أمور الظلالي
وأبي وأمي يبلغني رضاهم =ويكسبني حميدات الخصالي
رضا الرحمن ورضا والديني=مع تحقيقها ياطيب فالي
أبديها ويانعم البدايه =قبل قولة يالالا يالالالي
بعدها وش بعدها وش بعدها= ليا ماهب نسناس الشمالي
صفي جوي وهليت الفرايد=بدون عداد وأصرف من حلالي
ليا قلت صخري جات إتعادي= مثل ماهي تعادى في الهلالي
هجوسي ياهجوسي ياهجوسي=جزالي ياجزالي ياجزالي
مادام العلم ملح للمسير=وطبعي طبع أبوي وطبع خالي
لزوم آهلّ علمي لللنشامى =وأبيّن وش دقاقي من جلالي
أنا ناصر وشيخي بن محيّــــــا=سليل الجود حمّاي التوالي
حضرت ملبّي داعي محمّـــــد=على كثر إرتباطي وإنشغالي
فيالبّيه ياداعي الشواطي = وأبو عبد العزيز إخوٍ وغالي
ألبّي دعوتي لوكان تاصل = لبيع شماغي وبيعة عقالي
سلام الله عليه ورحمة الله = وسلام الله على زحول الرجالي
على جمع قحطان أثني سلامي =عوال مضيم لا ماجا مجالي
وش احسب ياقحطان وويش أخلّي = من الطالات ياكرام السبالي
علوم غانمه منّا ومنّا = من عصور المعارك والقتالي
تضدّون العدو وقت الملاقا = نهار فيه ميله واعتدالي
وطارفكم سديد اليا تقدم = من البيت المطرّف والموالي
ويلقى ضيفكم طيب المقابل = له الفنجال من صفر الدلالي
ويقفاه الشحم والعود الأزرق=وش يحالي كرمكم وش يحالي
وتقضون اللزوم لمن نصاكم =ويملى كفّه اللي مدّ خالي
أقول عفاكم الطيب قحطاني=وهرج الحق مايبغى جدالي
خذيتو يالقحاطين المراجل =وعدّيتو بها روس الجبالي
وفزتو بالمكاسب والمناصب =وبأصحاب السعاده والمعالي
وهذا أقرب مثل يثبت كلامي= محمد شرب بعد المرّ حالي
سنين ويكرّس من جهوده = يتكّي للخفاف وللثقالي
وحقق غايته وأخذ الشهاده= شهادة هندسه صعبة منالي
رفع راسه بما جابت يمينه =وراس آبوه باللي جاب عالي
يبو عبدالعزيز الله يزيدك =عليّ الحازمات إن كنّها لي
مية مليار مبروك تتابع =تراها ربع شيٍ وسط بالي
أبارك لك وأنا صوبك مقصّر = ولكنّ القصايد راس مالي
وصلى الله على طـــــه وسلم= صلاة عدّ ذرّات الرمالــــــي[/poem]

الله الله الله عليك يالاحمري


صح لسانك وماعليك زووود ياسليل المجد


وألف مبروك لتخرج ربعك وموفقين انشاء الله لخدمة بلدكم ووطنكم




اخوك


بني هاجر

صح لسان الشاعر والله لايهينك عل النقل ولاعليكم زود يالاحمري

لاهنت يالأحمري


وصح لسان الشاعر


وبيض الله وجهك على المشاركة الرائعه كروعة حضورك يابن محيا



في إنتظار جديدك


أخووووووووك

__________________



ممصمنا المبدع
تركي العلياني
ألف شكر لك

ما عليكم زود
صح لسانك

__________________
[poem=font="MS Dialog,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="1,black""]
لا صار حلمك في يد الوقت والناس
لا الناس تفرح لك ولا الوقت يرحم !

أغسل يدك من حلمك بموية اليـأس
وأهرب بلا حلمك .. عسى بس تسلم[/poem]

بيض الله وجهك علي نقل هذه القصيده من الشاعر الرائع والمبدع ناصر الاحمري

هذه ثاني قصيده اقراها له واشهد لله انه شاعر متمكن وجزل وذرب

ولا عليكم زود بالاحمر قبيله عريقه ذات تاريخ مجيد لاهنت ولك شكري وتقديري

__________________

لاهنتو يالربع على ردودكم الطيب
ماقيل فهو حقيقه مثل الشمس
تحياتي للجميع

شكرا لك

وبيض الله وجهك

ولا عليكم زود


لك مني خالص الشكر والتقدير

__________________

ارررررررررررررحب ياصبي بالاحمر

والله يحييك ويحيي ماجبت

صح الله لسان الشاعر

ولا عليكم زود

وافين وافين في ذمتي

وصحت يمناك على النقل

والاختيار الموفق

__________________
00000000

أبو صقر
جبل بن زيد

لاهنتو على ردودكم الطيب يالنشامى
تحياتي