من منا لم يسمع بــ....

ياجر قلبي جـر لـدن الغصونـي
غصون سدر جرها السيل جرا
شاعرها هو :: الدجيما::

وهو لقب لحق بشاعر يدعى دخيل الله بن مرضي (أو ابن عبدالله) من الثعاليه من الروقه

من قبيلة عتيبه وله ذريه يدعون الدجمان.

ويبدو أن الدجيما عاش في أوائل هذا القرن إذ كان معاصرا للشاعر مخلد القثامي المتوفى

حوالي سنة 1337هـ //1919م

ولكن قصة عشقه اشتهرت مبكرا كنموذج لصرعى العشق مما دعى كثيرا من العشاق

للإستشهاد به كما في قول عبدالله بن سبيل وهو من معاصريه ، وعاش بعده إذ يقول:


أخـاف مـن مـوتٍ بلـيـا حقيـقـه
مثل الدجيما لاطرد به ولا سيق وقول شاعر آخر :
الهوى قد ذبـح لـه شمـري
والدجيما على موته شهود
وكذلك قال زبن بن عمير :


يسمى دور محسن والدجيما وابن لعبون
مكنـت اتـلاه وإلا أن أولـه مـافـات عـنـي

ويقول الشاعر عبدالمعين بن عقل بن ثعلي وهو من نفس قبيلة الدجيما(الثعاليه):




رمح الدجيما اللي قتـل بـه قتلنـي
لحدن دفع سوقه ولحدن طرد فيه


وشطر القصيده التي اوردناه في مقدمة هذه المشاركه ,,تعد أشهر قصائد الدجيما بل

هي سبب شهرته

ولقد أورد الباحث محمد بن دخيل العصيمي في كتابة شعراء عتيبه -حكاية هذه القصيده.

وفيها يذكر أن الدجيما عشق فتاة من قبيلته تدعى " سميحه" إلا أنه لم يتمكن من

الزواج منها مما دعاه لنظم الأشعار التي يشكو فيها من العشق حتى توفى بسبب هذا العشق ,,


وإليكم نص القصيده:


[poem=font="Simplified Arabic,5,red,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يـاجـر قلـبـي جــر لـــدن الغـصـونـي=غصـون ســدر جـرهـا السـيـل جــرا

وأهلـه مـن أول بـالـورق يورقـونـي= عـلــى غـديــر تـحـتـه الــمــا يــقــرا

علـى الــذي مشـيـه تخـطـى بهـونـي=والعصـر مــن بـيـن الفريقـيـن مــرا

لا والله إلا بــالــهــوى هــوجــونـــي =هـجـرٍ بــه الـحـيـلات عـيــت تـســرا

لا مــبــعــدٍ عــنــهــم ولا قــربــونــي=ولا عـايــفٍ مـنـهـم ولا نـــي مـــورا

وأكثـر عـذاب القلـب يـوم اسنحونـي=بـيّــح بـصـبـري لـــو بـغـيـت أتــــدرا

لاضاق صدري قمت أباري الظعوني=مــع الخـفـا وعــن الحـسـود أتـــذرا

يـالـيـتـهــم بــالــحــب مـاولــعــونــي=كــان أبـعـدوا عـنــي بـخـيـرٍ وشـــرا

وإلا إنـهــم يــــوم إنــهــم ولـعـونــي=خـلـونـي أقـضــي عـازتــي وأتـجــرا

وياليتهـم فـي الـدرب مـا واجهـونـي=وياليـتـهـم مـــازادوا الـقـلـب حــــرا

وياليتـهـم عــن حـاجـتـي سايـلـونـي=يــوم إنــي أقـعــد عـنـدهـم واتـحــرا

وياليتـهـم مـــن زادهـــم أطعـمـونـي=وأنــــا عــلــى زاد الـيـتـيـم أتــجـــرا [/poem]


ولعل ترديد الدجيما بأنه سيموت من العشق هو ماصنع حوله هذه الاسطوره ((شاعر صرعه الحب))

وهو أمر كرره في شعره عدة مرات كما في قوله : "إن مت يا مشعان من هن ابن هن.."أو قوله:





يامن خبـر ذبـاح مابيـده سـلاح
ولا هو بنطاحٍ وأنا منه مذبـوح

وقوله :

إن مت في دافي حشاه ادفنوني
في مستكن الروح ماهوب بـرا


ملاحضه :- اختلفت الروايات في وفاة الشاعر من العشق

لان شاعرنا له احفاد الان من قبيلة عتيبه وهذا دليل على ان

الشاعر تزوج بأمرأه اخرى ... وكان يعاني من مرض فتره طويله

قبل وفاته حسب ماراواه احفاده ...


تحياتي للجيمع

وسلامتــــكم

لا هنت يا الحد الرهيف تسلم على إيراد السالفة

__________________

لاهنت ياسنحان بن عامر علي المرور يالغالي

لا هنت يا الحد الرهيف
وصح السانك

[quote=العريفان]لا هنت يا الحد الرهيف
وصح السانك[/quote


العريفان تسلم وتدوم يالغالي

حياك الله ومرورك المشرف

__________________

لاهنت اخوي الحد الرهيف

سالفه طيبه


مشكووور

__________________
غنيت ما قصدي طرب في حياتي لاشك من دورات الايام غنيت
يالله ياللي تعلم الخافيـــــــــاتي انك تمشـيها على ما تمنيت

بارك الله فيك يالحد الرهيف
اختيار موفق
وشاكر لك على نقل القصيده وقائلها رحمة الله عليه
ننتظر جديدك

__________________

بارك الله فيك يالحد الرهيف
اختيار موفق جدا وقصص قديمه مطلوبه من الجميع
وشاكر لك على نقل القصيده وقائلها رحمة الله عليه
ننتظر جديدك

تحس في الأبيات الصدق وإنها طلعت من قلب مكتوي بنيران الحب

لاهنت يالحد الرهيف على هذا النقل المتميز

__________________