الســلام عليكم ورحـمـة الله وبركـاتـة...

كيف الحاااال يالله حي كلن بسمه...والله ياجمااعـة الربع اني شفت المواااضيع وقريتهاااااا....

لكن اللي يقهـر ان المواااضيع لازم تكون شاااملة ...يعني اللي بيذكر كون لقحطاان لازم يذكـر كـون على قحطان

ولا اتوقـع ان قحطاااان ماقـد دارت عليهاااا الدوااايـر!!!! فترى الرسول وهو الرسول قد جاه ما جاه في غزوة احد

امااا ربعي وقحطاااان فلهم من الحروب والاكوااان الكثير وخذينااا وخذوا الرياااجيل.....

فلااا تحدونـي اكتب عن هالعلوووم .....اللي بيذكـر يجيب العلم ولا لا يجيب علم الا في مـتـمـه.....


والرجاااااء لحدن يجي في خااااطـره من كلاااامـي ذا..والله ما سجلت هنااااا الا طـمـع في كسب عـرف الرياااجيل

وسلاااااااااااااااااااامتــــــــــــــــكـم......

وعليكم السلام ورحمة الله وبركاته

حياك الله يافصيح لسان

والكلام الصحيح الذي يقص حقائق وسوالف ثابته أعتقد مايزعل أحد

وشبكة قحطان من أبرز مايميزها قول الحق وتحري الحقائق وهذا بفضل الله ثم بفضل الرجال الذين يؤمنون بأن التاريخ ثابت ولايقبل أي تحريف

وأي موضوع يطرح هنا ويصاحبه لو 1% تزييف يتم تعديله وتصحيحه أو حذفه فوراً

اما بالنسبه للنقطه التي أشرت لها وتقول ( ربعي وقحطان ) ودنا نتعرف عليك أكثر ونعرف منهم ربعك

الله يحييك وهات مالديك مع مراعات ماتقدم وياهلابك

تحيات أخوك

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

السلام عليكم ورحمة الله وبركاته


هلا بك يافصيح لسان


وحياك الله في شبكة قحطان



اما من ناحية يوم تقول ان الموقع جميع مايذكر فيه
هو كون لقحطان ولا يوجد كون على قحطان


احب اقول لك ان هذا الموقع
هو لذكر مفاخر القبيله في شتى المجالات


ومذكور فيه اللي معارك انتصرت فيها قحطان واللي لم تنتصر فيها

بس يمكنك مالفيت زين في الموقع

__________________

مرحبااااا مليون والشكر لكم على تقّبل ملاحظتي برحااابة صدر معروفة لكم يا قحطاان....

اما من ناحية ما قلت يا أخ سعد في تحرّي الدقـة في النقل....فأسمح لي اقول مالك لوى...

شـف عندك سالفة معركـة تين وهي معركة معروفـة مشهورة...انظر كتاب ابن بشر وتعرف..

لكن انا شفت الاخواان هنا حرفوهااا ولا وأزيدك من البيت غرفـة قعدوا يتهادون على القصيدة المكذوبـة طبعا..

الاخ فااااارس قحطااان مشكور ويا مال الغناه والله اني اول مادخلت وانا راايـح سيده صوب سوالف الاولين

بس مالك الا طيبة الخاااطر بنروح نفتر في الاقسااااام.....

هلابك مره ثانيه

وخل الكلام جدي وخشن لو سمحت لاتزيد غرفه ولا تنقص غرفه انت يمكن تقصد (ازيدك من الشعر بيت ) واخطيتها جل من لايخطي .

المهم لنبقى في صلب الموضوع

انت تقول معركة تين وانا أقول يكفيك التصفح في نفس المواضيع وتبدي ملاحظاتك هناك وتلقى الأجابه

وبالنسبه لكتاب بن بشر وغيره هذي ياعزيزي كتب مؤلفين وليست وحي منزل

ومعركة تين معروفه وموثقه بالقصص والشعر ولا يمدي أحد يزود أو ينقص في القصص بعد عدة عقود بل قرون من الزمن

حياك الله والتعليق في نفس المواضيع


تحياتي

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

السلام عليكم ورحمة الله وبركاته


اذا كان هدفك من موضوعك هذا علشان معركة تين

ونسبها لقحطان ام لغيرهم


فأظن ان السالفه معروفه انها لقحطان بغض النظر عن ماوجد في كتاب ابن بشر

وابن بشر ما اورد الا القصيده فقط

وفيه موضوع آخر عن معركة تين وضحو فيه الأخوان هذا اللبس

ارجو ان تتطلع عليه


http://www.qahtaan.com/vb/showthread.php?t=521

__________________

واللـــــه اني مدري وش زعلكم يا رياجيل ...هذا وانا مقـابل مشرف ومراقـب؟؟!!

ياخوي لولا حرصي على المنتدى وسمعته كان لبخت وقعدت اقرى وأضحـك....

ترى العالم تجي وتفرج ...ضنك ان قصة الشريف مجهولـة؟؟؟

اما من ناحية ان الشعر موجود ولا يحّرف .!.!.!

فدونـك الرياجيل تناشبوا في نفس الموضوع على التحريف.وين ما يضّيع معه وهـم مثل ما تشوف؟؟؟

لكن الله العالـم منهي لـه!!

ويومـك تقول رح هناك وشارك.انا فتحت ذا الموضوع وبأسمي عشـان نشوف الحق وينه غـادي.

والله الظـاهر اني بنطرد.بس معليه ابين الحق وانطرد واللي لـه سلطة في الطرد مالـه سلطة في العقول.

بعدين قحطـان تاريخهم معروف ولاهم محتاجين ياخذون علوم احد...فمواقفهم تشرف وعندهم من العلوم الجزيله واجد.

من اللي قال حنا زعلانين

الا منبسطين وآخر انبساط

__________________

الحمدلله والصلاة والسلام على رسول الله وعلى آله وصحبه أجمعين

فصيح لسان اخوي سعد القحطاني انشدك ماجوبته وانا بنشدك مثله خير الريااجيل من عرف بنفسه

اهرج انت من انت عشان نرد علك الرد الى يفصل الراس عن الكتوف

وانا بعرفك من انا

انا(محمد بن مبارك بن بطي بن عمر السحمه القحطاني ) واسمي واسم قحطان افخربه

__________________

تعال يا فصيح اللسان

وين نقل ابن بشر معركة التين

عطني الصفحة إذا هي عندك

معركة التين ما ذكرها بن بشر الله يهديك

وانت داخل عرض الله يسامحك

وبن بشر رحمة الله كان يأرخ للدولة السعودية فقط ونادراً ما كان يذكر معارك بين القبائل

ومعركة التين يا بطل كانت بين قحطان والأشراف

وفيها قصائد

وأما الدواسر فنعم بهم ولهم صولات وجولات كثيرة مع الأشراف

ولكن التين مالهم فيها نصيب

وسلامتك

وحياك الله بين أخوانك يا الدوسري