قصيدة الشاعر / سعيد بن مقبل الاكلبي

اعجبتني وحبيت انقلها لعلها

تحوز على رضاكم

[poem=font="Simplified Arabic,4,blue,bold,normal" bkcolor="transparent" bkimage="backgrounds/1.gif" border="double,medium,black" type=4 line=0 align=center use=ex num="0,black"]
الا يالله عفوك لا معي بيجر ولا جوال = ولا عندي وظيفة والتجاره فاشلن فيها
ولا عندي شهادتن ولا حرفة تسد الحال = ولاحظن كبيرن لاخطت الجره يقديها
مخابي الثوب تومي ما دخلها من زمان ريال = بها فاتورة الكهرب ولا يمدي أقضيها
على ذيك العراوي تتعب الحادي مع الجمال = ثلاث شهور في الورشة وشهرين مغطيها
ابيها لو تجمل يوم واجلبها على الدلال = يجيها واحد حظه مثل حظي ويشريها
نصيت العسكرية يوم قالوا للنظام ارجال = وقدمت الملف وصورتن متشخص فيها
خذ الأوراق مني واحدن ماعند بوه دلال = سلوم الناس وأهل المعرفة والطيب مخطيها
قراها في دقيقة والتفت عجلن علي وقال = شهادتك العظيمة ياولد وين انت مخفيها
هزيت الراس ما عندي تقول الني من البنقال = وقمت احب خشمة واطلبه بالله تمشيها
حذفها من يده شين الطبيعة والنيا والفال = وقال أزين تعود صوب نوقاتك تعشيها
تناوشته من الكرسي وعقت الحل والترحال = وضربته بالبياله عقب ما بيحت شاهيها
خذوني للسجن لانيب لا ظالم ولا محتال = مجرد واحدن جا يكحل عيونه فيعميها
ويومني خرجت اقفيت لارض الله وسيع الجال = على برن هواه يداوي العله ويبريها
ادور قصعة الجربوع والضب الفتى يحتال = والارنب ياشفاة الروح محلاها وطاريها
بلا كهرب ولا بيجر ولا غازن ولا نقال = قوانين الحضارة لاتبي شوفي ولا بيها [/poem]

__________________
00000000

صحت يمناك ياجبل على النقل الطيب
وللمعلومية القصيدة ليست للشاعر سعد بن جدلان بل للشاعر سعيد بن مقبل المنيعي الأكلبي
وهو شاعر كفو وقصيده جزل

ولك جزيل شكري على اتحافنا بهذه الرائعة

__________________

الاخ الشاعر / ابراهيم بن مريع


ارحب

ويمناك تصح انشاءالله

ويعطيك العافية على تصحيح المعلومه


تقبل فائق الاحترام لمرورك الكريم

__________________
00000000

بسم الله الرحمن الرحيم
صح لسان الشاعر والله يكون في عونه
ومشكور الأخ على النقل الرائع
ولك الشكر

__________________
اللـهـم
اصلـح لي ديـني الذي هـو عصمـة أمـري
واصلح لي دنيـاي الـتي فيـهـا معــاشــي
واصلح لي آخرتي الـتي فيـها مـعـــادي
واجـعل الحيـاة زيـادة لي في كـل خــيــر
واجـعل المــوت راحــة لي مـن كـل شـــر


ازا مر زمان ولم تروني ,,, فهذه رعصاتي على الكيبورد فتذكروني

صح لساااااااااااااااان الشاعر

وسلمت يمنااااااااااااااااك على النقل

قصيدة رائعة بالفعل

__________________
« اللهم كما أحسنت خَلقي فحسن خُلقي »

سلمت يمينك على النقل لقصيدة رائعه تحاكي ظروف الزمن القاسية
ذكرتني بابيات سمعتها لابن شائق :

وانا كما قيل هاف هاف ------- يعني ظروفي على قدي
لاعرف بطاقه ولاصراف ------ والبنك لا اخذ ولا اودي

الاخ جبل بن زيد


السلام عليكم ورحمة الله وبركاته

لاهنت على هذه القصيده الرائعه

هذه القصيده معبره وتكتنز عبارات تصويريه كثيره

ومن اجمل القصائد التي تناجي قل الدبره والحال

وفيها من التشاؤم كوم كوم

ولكن تبقى القصيده تحفه فنيه مضحكه


عاشق الوطن

الاخ عاشق الوطن

وعليكم السلام ورحمة الله وبركاته




قايل مايهون

لاهنت على الإطراء الجميل


يعطيك العافية على مرورك الكريم

__________________
00000000

جبل بن زيد بوركت أخي الحبيب على النقل
وصح لساااان الشاعـــــــر

__________________

الاخ بو سالم

العفو

لاهنت على المرور

__________________
00000000