[poem=font="Simplified Arabic,5,royalblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يقول من ضاق صدره ليلة الجمعه = بي ضيقة ذكرتني عالم ثاني
ضاقت بي الدار كن ماهي بمتسعه=للي بصدري ولا للي بوجداني
ثم صورت لي علوم ياهل الفزعه=مؤامرات... واهلها اشد عدواني!!
وفي خاطري كن جيوش الكفر مجتمعه =ايام حرب السفيت بدار الافغاني
يبغون كابل وطاحو في صفر سبعه =فزعوا عليهم معى ذريبن ليماني
واصبحت كني سجين صادر منعه=يلعب بي الهم يوم ان الله اشقاني
ولا مثل واحد غشوه في ربعه= الين خلوه غصب يدفع اثماني
واصبح اسير عقب ماكان له سمعه= وشاف المذله بعد ماكان له شاني
من موق عينه يهل ويذرف الدمعه =يفطر باهانه ويتعشى بحقراني
فياشق جيبي ويافريه ويا شلعه=على شجاع حياته دربها ثاني
الي عدوه غدى له صرعه ورمعه=ومهابته هزت الدنيا ولركاني
ذكرني الضالم الي جار في قمعه=وعلمني ان اليهودي صنع نصراني
وليه العقوبات تاتي في شهرتسعه=زلزال ولا تثور مثل بركاني
في سنة التابعين يدور التبعه=يبغى ثواب من الله والعمر فاني
ان كان به في نهايات النفق شمعه =موقد ضياها فعوله خير برهاني
ابو جبين عليه من التقى طبعه= الي عيونه نظرها يشعل ايماني
عليه انا القلب صار اربع مية قطعه =شفقان والناس ماتدري بما جاني
من لامني فيه جعل الموت يقتلعه=يقفي به الموت يوم الموت دياني
والحب ..حق علي للي شهر وقعه=مايحسب حساب لا واحد ولا ثاني
الناس كل له احساسه وله طبعه=وانا معى ضيقتي سارح بودياني
اهيم... في كل وادي وانتضر ر جعه =رجعة سحابه تغذي قلب عطشاني
وختامها ....الله لايسقي ليلة " الجمعه " =تاتيني همومها بشكال والواني[/poem]

__________________

لسماع قصائد الشاعر : سعيد بن مانع
اضغط هنا

اررررحب يابومانع ..صح بدنك ..كان للقصيده الشرف بمرورك وتعليقك ..
تقبل مودتي ..اخوك سليمان

صح لسانك يابو سعيد وكما عودتنا مبدع .
والله لا يسقيها ملـــــــــيون .

صح لسانك وعلا شانك ياسليمان القحطاني

صح بدنك ولاهنت على تشريفك ياذيب

صح لساااااااااااااانك و على شاااااااااااانك


قصيدة جزلة

و وافية من وافي

تقبل تحياتي

__________________
[poem font="Simplified Arabic,5,red,bold,italic" bkcolor="transparent" bkimage="" border="none,medium,gray" type=1 line=1 align=center use=ex num="0,black"]
والله أنااا مرتوين للزرار =و والله إنااا أطوال وأشهر من علم[/poem]

sehman_a@hotmail.com

ارحب ياعبد الله وصح بدنك ياغالي الي مثلك يتشرف الرجال بمروره
لاهنت تقبل تقديري

صح لسانك .. على ذالقصيدة .. اشهد انك وافي

أبيات روعة منك يالغالي ..

ولاتحرمنا جديدك ..

__________________

الله الله الله ما أروع ما كتبت
قصيدة تزلزل الوجدان ... وتدمع لها العيون
أشكرك من الأعماق
ننتظر جديدك لا عدمناك... يا الغالي