السلام عليكم ورحمة الله وبركاته


اخواني سنشارك معكم بإذن الله تعالى بعدد من المرثيات التي قالها شعراءمنهم شاعر الامير سلطان بن عبد العزيز الشاعر سيف بن كليفيخ آل الجرو والشاعر مبارك ابن عايض آل الجرو
وابيات للشيخ حمود الجهيمي وعدد آخر من الشعراء سوف نعرض قصائدهم بإذن الله تعالى قريبا جدا،،،،،،،،،،،





هذه هي المرثيه الاولى في الشيخ /سعيد ابن عبدالله ابن حويل آل الجرو قحطان أسأل الله الحي القيوم أن يجعله في ا
الفردوس الأعلى وجميع موتى المسلمين




وهي للشاعر/ سند ابن بجادابن ملهي آل الجرو قحطان



قالو علامك ياسند منت بالحيل ×××××× وجهك من هموم الدهر به مواري

قلت السبب فرقى الرجال المشاكيل×××××× الي لهم في الطيب سمعه وطاري

قفو عن الدنيا زحول الرجاجيل×××××× ومن فوقهم هبت هبوب الذواري

واللي كوا قلبي وزاد الغرابيل××××××موت الكريم اللي على الطيب ضاري

سعيد ياهل الجود ماعنه تبديل××××××اللي رحل في حكم ربه إجباري

خذاه من دك ابرهه صاحب الفيل××××××الواحد المعبود مجري الجواري

مرحوم ياإبن حويل ياموفي الكيل××××××ياللي بسوق الطيب سايم وشاري

ياللي تنصاك الركاب المحاميل××××××ياريفها من بعد طول المساري

في مجلسه تلقى أزرق العود والهيل×××× وتلقى الكرم في حكم راعيه جاري

ما يذبح الا الكوم ومفطح الحيل×××××طبيــعــة له ما كسبــها عـواري

مرحوم ياابن حويل يامورث حويل×××××ياللي بنيه شاف منه العزاري

يقوله ابوسنون جمله وتفصيل×××××من راس رمــح حـويل سور الضواري

حويل في وقت الجهل ينطح الخيل×××× وسعيــد كلن في فـعـوله يماري

عسى لهم في جنة الخلد تنزيل ×××× وتصبح لهم جنات ربي قراري




والسلام عليكم ورحمة الله وبركاته والى مرثية اخرى إن شاء الله

__________________

من نم لك نم بك ولا فيه تشكيك ويلاه قد أزرى رفيقك وازراك عندك حكى فينا وعندي حكى فيك واصبحت كارهنا وحنا كرهنا

الله يرحم الشيخ سعيد

وجميع موتى المسلمين وأن يجمنا بهم في الجنة ..

ولاهنت ياعز القبيلة على هذا الجهد الرائع والقصيدة الممتازة

وأتمنى لك التوفيق ...


أخوووووووووووووووووووووووك :

__________________

السلام عليكم ورحمة الله وبركاته


عسا الله يرحم ابن حويل واموات المسلمين



صح الله لسان الشاعر


وصحت يمناك على نقلها

__________________
00000000

لاهنت على النقل ياعز القبيله


وننتظر مشاركاتك القادمه بأذن الله




بن غفره

__________________



ممصمنا المبدع
تركي العلياني
ألف شكر لك

الاخ العزيز الكايف

الاخ العزيز جبل بن زيد

الاخ العزيز ابن غفره



ومن قال مايهون ياالنشاما والمعذره على التآخير بسبب بعض الظروف والله يسمع دعواتكم الطيبه ويكتبلكم مثلها


نواصل بإذن الله الى المرثيه الثانيه

__________________

من نم لك نم بك ولا فيه تشكيك ويلاه قد أزرى رفيقك وازراك عندك حكى فينا وعندي حكى فيك واصبحت كارهنا وحنا كرهنا