قولو لا إله إلا الله

و

صلو على الرسول

[poem=font="simplified arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
قدّم على الديوان وأبشر بالسفر =إن جات لك ولّى تجي للوارثين
الخير واجد من فضل رب البشر = ثم مدّ ابو متعب عسى ايامه سنين
يعطي ويقضي الديّن ويموت الفقر = ويقول أنا طيّب مادمتو طيبين
غيث يهمّل مثل همال المطر = لكون نشوا الباعه المتجولين
اللي تجبْ العلم وتجبْ الخبر = واللي بجلباب الحسد متوشحين
إن جاتنا من بر وإن جت من بحر = إيدينهم تسبق يدين المفلسين
من سالف الدنيا وهم علة نحر = في كل درب وكل بابٍ واقفين
لاونْ ربي فكنا من هم شهر = كان أغتنينا مثل ماهم مغتنين
أكتب سطر وأمسح سطر وأترك ستر = والله يعين الصابرين المستحين
يانجد وينك من لإمارات وقطر = نبغي العلوم اللي تسر السامعين
حنّا صبرنا لين ملينا الصبر = الى متى وهي تلوّعنا السنين
خفّو علينا وامعنو فينا النظر = ولا تولّون امرنا للحاسدين
ياغْنا بلد واكْرم ملك والله قهر = ثلثين شعب المملكه مستاجرين
وامر وادها يابلد وأدها وامر = ضعف الرواتب والشباب العاطلين
احولنا يرثاء لها سر وجهر = في كل شان وكل شون محبطين
صارت على ماقيل تنذر بالخطر = تفتح علينا الباب للمتربصين
اللي يشبون الشراير والشرر = واللي علينا حاملين وحاقدين
تلعب على الجهال وعقول الدشر= وتنقّد لحانا لونّا مخلصين
نفدى الملك والدار بالدمّ الحمر = معا الولاء والحب وانتو خابرين
على الشهامه والكرامه والظفر = احرار ماعشنا بها مستعبدين
ولاتغيرنا صوداديف الدهر = نبقا لكم وانتو لنا دنيا ودين
اقولها ويقولها زيد وعمر = حتى لونهم صابرين وساكتين [/poem]

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]
حنّا زهير أهل الوفا وأهل الكرم = وأهل المواقف فزعة المضهود
الضيف يلقى عندنا طيب وشحم = وأما المعادي سلّة وبارود
تاريخنا من قبل رفراف العلم = عــزٍ عباد الله عليه شهود [/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بعض العرب معاد نسمع خبرها =مدري حيا ولّى مع الميتيني

ناسٍ تغيب سنين محدٍ ذكرها= وناسٍ تغاب أيام كنها سنيني

[/poem]