[poem=font="simplified arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="1,black""]

انا اشهد ان بعض الاسامي تشابه = والفرق دم الراس برده وحره

من طاح من عيني يعرف الاجابه = ماهوب مثل اللي في عيني مقره

بعض البشر من سيرته يندعابه = غنيمةً فرقاه خيره وشره

وانا لا كلً بالقفل صك بابه = باب الرجاء مفتوح بحره وبره

وجه الله اكرم والأمل والرجا به = من جوده اجزل بالعطى ما اتشره

يومً بعض الناس رزقه هبابه = وما زاد عن نفسه من المال صره

انا جمعت اللي جمعت ودرابه = ضيفي وجار البيت والعمر مره

وربعي لاجوني والخوي والقرابه = كلن لقى ما سر عينه وسره

و وجهي طويل وموقفي ينحكا به = ما نيب ادور للرفيق المضره

والعمر في الطاعه من اول شبابه = واللي كتب للعبد لازم يمره

والرزق جلبه ما يجي بالنهابه = المال لو يكثر على الصلف غره

وبعض العرب لو الفقر حد نابه = سلك الحرير لطاري الطيب جره

ماهوب من رزقه في عمره هبابه = وما زادته الاموال مثقال ذره [/poem]

وسلامتكم جميع